Bumomo Bɔka 24:24 - Katɔti Ɔku Kedee

²⁴ Lɛkɔlɔ libendi lɛdubɔsia Kittim Ɛpu kɔtu na badi Asiriaƒuɔ ku Eberƒuɔ lɛlɔ. Nsu ama lɛnɔ badubɔyila-ma udu.”

Bumomo Bɔka 24:24 ပူးပေါင်းရင်းမြစ်များ

Ala Kalɔ Buse 10:4

Na Yawan bebi bani na ɔ́wɔ ndi Elisa ku Tarsis ku Kiti kadi bekyuli ku Dodan kadi bekyuli.

Ala Kalɔ Buse 14:13

Na ukyuli ɔni kani nákana bukeli ni, anwu nébo ubedie litemi lɛmɛni kalɔ úte Abram, Hebrini ɔmmɔ. Na uwi ɔmmɔ kemmo ni, Abram kakyakɔ kedenku Mamre egyii enengudi ammɔ. Na Mamre ɔmɛni ɔdi Amorini ɔni ndi Eskol ku Aner ɔnwani. Na bekyuli bamɛni ƒui ni, ama ku Abram básala lɛlɔ na badi benwi.

Yesaia 10:12

Ɔƒɛni si lebo lɛni na Unwoti Katɔti ɔ́sia Asiriaƒuɔ lɛlɔ ɔ́wɔlɔ lɛla lɛni na ɔɔwia ka ɔbla na Yerusalem ku Sion ni, ɔdubunwini na ɔsu ɔnini, “Ndubɔni Asiriaƒuɔ ɔga ku nwuna kadi bekyuli kɔtu, ɔsika uutú kɔnu kayi na ɔɔkun lɛmɛnɛ na ɔɔnu bekyuli bani lɛlɔ na ɔ́di ɔnusɛ.

Yesaia 10:5

“Bɔbuɛ beete Asiria, mina ugyii ɔni nda ku kɔnyi. Bana enu kemmo na mina kɔnyi ligyiiku lɛkya!

Yesaia 23:1

Unwoti údie lɛla lɛdi ɔ́tina na Tiro lɛlɔ. Amii Tarsis beyedine bani mɔɔsia ntu anumi ku lɛkɔlɔ na bɛɛdi kuye teesie Tiro, biteewulo kɔnyana, ɔsika bákyula Tiro, na ɔtɔ iye kabɛkɔ iye lɛkɔlɔ kalɛlɛkɔ kadi kasɔ keeebo. Beyedine bammɔ bénu kenye kamɛni uwi ɔni na báyu bébedu ntuntɛ kalɔ kani baalɔ Kipro.

Esekiel 27:6

Na béti egyii kpakplaa udu bamba básiku Basan abi lɛlɔ bánwi ɔkɔlɔ likuni bonwu lɛni na beeti taaka-a. Na básiku ligyii lɛni nálɛ ƒia ƒia na Kipro kalɔ lɛlɔ basia-a ɔtɔ kalɔ ubili kuliekɔ kuliekɔ na béti ɔtunkpɛ básia kukulo kukulo bákya-a akya abuni.

Daniel 10:20

Amu na Katɔti ɔtu ɔmmɔ úye ɔnii, “Énu lɛla lɛni ɔsu na líbo mɛni kalɔ? Ndubo bɔtɔlɔ uwi klukwii kemmo ntékpoku Persiaƒuɔ kadi ɔtu. Na si uwi ɔni na lɛ́di-nwu lɛlɔ lɛ́wɔlɔ ni, Grikiƒuɔ kadi ɔtu lɛnɔ ɔdubo-mi bukpoku.

Daniel 11:30

Lɛkɔlɔ libendi lɛdubɔsi ɔƒɛ kanukɔ libo na libekpoku-nwu na lɛya na enu aƒɛ-nwu. Na ɔmmɔ kama na ɔsɔ unwini uteesie nwuna kalɔ lɛlɔ na utédie nwuna kɔnyi ɔlɛ Katɔti bunyimi kedee bekyuli. Na bekyuli bani mmomu nálɛ Katɔti kama na baaasiaku-nwu kama siin ni, ɔdubɔnu ama kɔnyana.

Daniel 11:45

Na ɔmmɔ kama ni, ɔdubɔbla keliekɔ na Ɛpu Ubendi ku Sion Kɔbi ntɛ. Nsu kawɔlɔkɔ ni, badubo-nwu udu bɔyila na ukyuli biala ulakana-nwu bɔƒɔ.”

Daniel 2:35

Na mmɔ ni, abuala kpakplaa ammɔ ku lɛti ku abuala egyiedi ku sika ɔƒualadi ku sika ugyiedi ɔmmɔ ƒui ni, ɔƒɛƒɛɛ úƒwi-nya ɔ́tɔlɔku ƒui kede kede ɔni na asɔ alanu nwuna kesii kadi aani kalɛ na beeƒi kamu aƒata teedie kamu ebi kemmo taatɔlɔku na kakpa. Nsu lɛtabi lɛmmɔ ani libenwini kɔbi bonwu kɔdi na kɔ́ƒɔ kalɔ ƒui lɛlɔ.

Daniel 8:21

Na ketukpa kammɔ ndi Grikiƒuɔ lɛga kadikɔ. Na lise lɛni nlɛ-nwu anumi ntɛ na libo ɔyikun mmɔ ndi ɔga udeedi na nwuna baga bammɔ akɔ.

Bumomo Bɔka 24:20

Amu Na Bileam ɔ́nu Amelekƒuɔ na údie kenye kamɛni ɔnini, “Amalekƒuɔ ndi bekyuli bedeedi na kadi akɔ. Nsu badubo bɔyii udu na kawɔlɔkɔ.”

Bumomo Bɔka 24:23

Amu na údie kenye kamɛni ɔnini, “Aa! Ɔma ndubɔkana bunye bɔnu uwi ɔni Katɔti ɔɔbla ɔmɛni?

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Luka 20:24

“Biti sika ɔƒualadi ubi ɔmmɔ bɛtina-mi. Ɔma bɔtaa ku lɛnyi nsia mɛni?”

Yohane 11:48

Si bunye bɔɔnu-nwu na ɔdaku ɔmɛni lɛni ni, ukyuli biala ɔdubo-nwu bɔƒɔ bɔdi. Na Romaƒuɔ lɛlɔ badine badubɔta na bebebo bula kakpakɔ kamɛni babwɛ na bekpo bula kalɔ ƒui.”