Bumomo Bɔka 24:18 - Katɔti Ɔku Kedee

¹⁸ Na ɔdubɔdi nwuna bekisine bani nkya Edom lɛlɔ. Na ɔdubɔdi Seirƒuɔ bani muukpóku-nwu lɛlɔ. Nsu Israelƒuɔ ama ni, bana ɔyikun katɔ kani ɔdubɔkɔ.

Bumomo Bɔka 24:18 ပူးပေါင်းရင်းမြစ်များ

Ala Kalɔ Buse 27:29

Na kadi bekyuli ƒui benwini ƒula kabla bablane. Na bekyuli ƒui bakya-a lili kalɔ na adi ƒula banwani ƒui lɛlɔ. Na ƒ'ini bebi bananabi ƒui bakya-a lili kalɔ. Na bekyuli bani mewida-a ƒui ni, ewida asiaku-ma. Na bani mete-ɔ kusɛ kusɛ ni, kusɛ kusɛ ɔsiaku-ma.”

Ala Kalɔ Buse 27:40

Na awɔ ɔlati ƒula ɔkɛɛ na adubo bɔda asa na akɛ adi. Na ƒula ɔnwani kabla na adubo bɔbla. Nsu si uwi ɔni na nwuna ala asɔ eleduku-ɔ ni, adubɔlɛ nwuna kabla kalɔ aani kalɛ baada lɛla lɛni nényimi-ɔ teedie limɔ.”

Ala Kalɔ Buse 32:3

Yakob ɔ́tala batu badi ɔnii bagyu batɔ-nwu. Na ɔ́tala-ma ɔ́kya ɔnwani Esau na kalɛkɛ kani baalɔ Seir na Edom kalɔ kemmo.

Samuel 2 8:14

Na kekpo kammɔ kama ni, Dawid ɔ́da kuliekɔ úte nwuna bekpone na Edom kalɔ lɛlɔ ƒui. Na ɔ́si uwi ɔmmɔ ni, Dawid ɔɔdi Edom kalɔ ku bekyuli bammɔ ƒui lɛlɔ. Na kesi kesii na Dawid ɔ́tu lili ɔ́kya ni, Unwoti ɔɔyá na ɔɔdi nwuna bekisine ƒui lɛlɔ.

Baga 1 11:14

Ɔmmɔ kama ni, Unwoti ɔ́ya na Hadad ɔni nási Edom lɛgadi kemmo ɔ́ta na útékpoku Salomo.

Baga 1 11:15

Uwi ɔni na Dawid úteekpoku Edomƒuɔ ni, na Yoab ndi nwuna bekpone ɔtɔnkune. Na ka úsie ɔnii utáva bana kadi bekyuli bani nékpi na kekpokɔ na Edom mmɔ ni, ɔ́du Edom banana ƒui.

Kɔgya 60:1

O Katɔti, éni-bu na ábwɛ ɔban ɔni na ágyi ákya-bu. Éti kɔnyi geen ákya-bu, nsu sɔku-bu nyene ƒula anumi

Yesaia 34:5

Na si uwi ɔni na Unwoti úti nwuna kewii na ɔ́bla lɛla lɛni na ɔɔyɔ́ ɔ́wɔlɔ ni, ɔdubɔyu uduo Edom kadi bekyuli bani na ɔ́ɔdu kɔtɔ úse ka ɔkyula lɛnɔ lɛlɔ.

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Amos 9:12

Mmɔ na Edom bekyuli bani nébu ku kadi ƒui bekyuli bani na lɛ́lɔ aani mina badi badubɔwia-mi kama ulu. Lɛni na Unwoti ɔni mɔɔbla ala amɛni ƒui ɔ́su úse.

Obadia 1:2

Na Unwoti ɔ́su Edomƒuɔ ɔnini, “Ndubo-mii bɔbla na bɛsɔ na kadi ƒui akɔ na balabu-mii balakya lɛla lɛdi akɔ.

Bumomo Bɔka 20:18

Nsu Edomƒuɔ ɔga údie batalane bammɔ kenye ɔnini, “Kuƒi kuuubo ka bɛvi mmɔ. Na si bɛ́yu atuɔkplu bɔdubɔta na buti bula kuwii na bubekpoku-mii.”

Bumomo Bɔka 24:19

Lɛlɔ ɔdine ɔdubɔlɛ bɔsiku Yakob kaba kemmo, na ɔyila bekyuli bani nébu ɔma unengudi udu.”