Bumomo Bɔka 24:1 - Katɔti Ɔku Kedee

¹ Ɔƒɛni ka Bileam ɔ́nu ɔ́ti ka ɔ́da Unwoti kubiti ka úte Israelƒuɔ kusɛ kusɛ ni, ɔsɔ útebo like lɛdi aani kalɛ na ɔɔyɔ́ bɔbla, anwuɔsu únwini anumi ɔ́tina kalɔ kakwiidi kammɔ.

Bumomo Bɔka 24:1 ပူးပေါင်းရင်းမြစ်များ

Bumomo Bɔka 22:13

Ka kadi kégye ni, Bileam ɔ́ta na ɔ́lɔ Moabƒuɔ batɔnkune bammɔ na ɔ́su-ma ɔnini, “Binwini biteesie bina ɔma. Ɔsika Unwoti útete-mi kuƒi ka lɛsiaku-mii.”

Bumomo Bɔka 22:7

Amu na Moabƒuɔ ku Midianƒuɔ batɔnkune báyu ulu na béti egulabi ani baaƒɔ asa na beebó like bada. Na ka beteduo Bileam kudɔ ni, básu-nwu lɛla lɛni Balak ɔ́su-ma.

Bumomo Bɔka 23:15

Amu na Bileam ɔ́su Balak ɔnini, “Sɔ kya ƒula akpabi amɛni kudɔ na ami nteesie ntásiaku Unwoti na mmɔ.”

Bumomo Bɔka 23:20

Ɔda ɔni na úbo-mi ndi ka lite-ma kusɛ kusɛ. Na kusɛ kusɛ na líte-ma, na naaakana kusɛ kusɛ ɔmmɔ kama bɔlɛ.

Bumomo Bɔka 23:23

Na like ubone udu biala ɔdi uuubo na beti-nwu na ɔsu ukpidi na Israelƒuɔ lɛlɔ. Ɔƒɛni lɛni na bekyuli badubɔsu na Israelƒuɔ lɛlɔ, ‘Bɛnu lɛla lɛni Katɔti ɔ́bla!’

Bumomo Bɔka 23:28

Amu na Balak útiku Bileam na bésie Peor Kɔbi lili. Na si enye mmɔ na aanu ketele kalɔ kakwiidi kani kewi mmɔ ƒui.

Bumomo Bɔka 23:3

Amu na Bileam ɔ́su Balak ɔnini, “Sɔ nye ƒula akpala amɛni kudɔ na ami nteesie kesii bamba. Ngyi ka uwi ɔni lisela ni, Unwoti ɔdubɔsiaku-mi ulu lɛlɔ. Na lɛla biala wedie watina-mi ni, ndubɔsu-ɔ.” Mmɔ na Bileam ɔ́tɔlɔ úsie kɔbi kɔdi lɛlɔ.

Bumomo Bɔka 23:30

Na Balak ɔ́bla kalɛ na Bileam ɔ́su. Na ɔ́du akɔ unwi ku koƒonu kɔgyani kunwi ɔ́sia lɛkpabi biala lɛlɔ.

Bumomo Bɔka 31:16

Ɔɔɔdi beleku bamɛni násiaku Bileam kasusu kama na Peor? Na ɔmɛni ɔ́ya na Israelƒuɔ báta bénye Unwoti ɔda bubo lɛlɔ na ɔlɛ úbasiaku Unwoti bebi?

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.

Samuel 1 24:20

Ngyi nwaa ka awɔ ndubo abadi lɛga. Na ɔkɛnku ƒula lɛlɔ na Israel lɛga kadikɔ kammɔ kadubunye kpakplaa.

Samuel 1 26:2

Ɔmmɔ ɔsu Saul lɛnɔ ɔ́ƒuna bekpone mpim ɛtɛ na besie Siƒ kalɔ kakwiidi lɛlɔ mmɔ ka batáwia Dawid ku nwuna bekyuli.

Samuel 1 26:25

Saul lɛnɔ ɔ́su Dawid ɔnini, “Mina ubi Dawid, muuvele Unwoti nnii ute-ɔ kusɛ kusɛ, na ɔya na ƒula lɛla biala lɛtɛ lite-ɔ.” Ɔmmɔ kama Dawid ɔ́tɔlɔ, na Saul lɛnɔ únwini úsie ɔma.