Bumomo Bɔka 23:19 - Katɔti Ɔku Kedee

¹⁹ Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Bumomo Bɔka 23:19 ပူးပေါင်းရင်းမြစ်များ

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 28:15

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Baga 1 14:11

Na bakpewɛ badubɔkun bekyuli bani ndi Yerobeam bekyuli lɛna na ɔma unengudi kemmo mmɔ. Na baasɛ lɛnɔ badubɔduli bani nékpi lɛku kemmo lɛna. Lɛni na Unwoti ɔɔsu!’

Baga 2 15:12

Anwuɔsu kenye kani na Unwoti ɔ́su úse ɔkɛnku Yehu lɛlɔ kébo-nwu kemmo lɛni ɔni na ɔ́su ɔnini, “Ƒula kaba kemmo bebi badubɔdi lɛga na Israel útédu kaba kenedi lɛlɔ.”

Baga 2 7:2

Mmɔ na ɔtɔnkune ɔni lɛlɔ na ɔga ukpo ɔ́su Elisa ɔnini, “Ɔmɛni ulakana walɛ kudii. Na ina Unwoti ɔlati ɔ́ya kakpa kána aani ɔnantu kalɛ muedi ulebo-nwu kemmo lɛni.” Amu na Elisa ɔ́su-nwu ɔnini, “Adubuti anumi anu ala ani mɔɔsu mɛni. Nsu alákɛ adila ammɔ adi aladi.”

Ala Alɛdi 1 17:17

asa na ásɔ eesé-bu kenye kamɛni ka asɔ abla ala ani na etulo ammɔ ete ami ku mina kaba kemmo bebi. Adanku-mi aani ukyuli ɔni na ɔ́ƒɔ kuye geen kɔdi.

Kɔgya 110:4

Unwoti úse kenye na uláda ulavia kenye kammɔ. Ɔ́su ɔnini, “Adi ɔkpane úsela uwi ƒui na Melkisedek ɔkpane bɔdi ulu lɛlɔ.”

Kɔgya 132:11

Ɔsika Unwoti úse kenye úte Dawid, na ulénwini kama ulakya nwuna linyese lɛmmɔ kudii. Ɔ́su-nwu ɔnini, “Ƒula kaba kemmo ubi ɔdi na ndubɔya na ɔdi lɛga na ƒula lɛga kadikɔ.

Kɔgya 77:9

Bɔyiƒala na Katɔti ɔ́yiƒala kalɛ na ɔnu-bu kɔnyana na nwuna kɔnyi kɔ́ƒɔ nwuna lɛƒɔndia kenye?

Kɔgya 89:34

Lɛɛɛdubo bɔta bunye ami ɔlati lɛla lɛni na línyimi lɛlɔ iye lɛvumana lɛla lɛdi na litemi lɛni na ami ɔlati lɛ́su líse mmɔ kemmo kudii.

Kɔgya 89:35

Ka nse kedee ɔsu ni, líse kenye ka naaakana Dawid bɔtɔlɔ.

Yesaia 21:17

Na bayikune pii bani náƒɔ lɛnyi na Kedar bekpone akɔ bani mɔɔní kɔtaminta teebo atula teetulo ni, bana ɛlɛɛ kani mebu. Ami, Unwoti Israel Katɔti, násu!”

Yesaia 31:2

Unwoti útadɔlɔ! Ɔɔdi kenye kani na úse lɛlɔ. Na ɔɔkana na ɔya na kɔtu bɔni bubo ukyuli lɛlɔ na ɔyii udu. Na ama ndi balalane ku bani muunye teebunku likyulikpi ala bablane

Yesaia 40:8

Livo lɛɛyɛyɛ na anwula aanú, nsu Katɔti litemi ani lise lite uwi ƒui.’ ”

Yesaia 46:11

Lɛ́kpaku ukyuli ɔdi lɛ́siku kalɔ na ɔgyu ƒui, na úbo úbabla lɛla lɛni na mɔɔwia ka ɔbla ute-mi. Úkpo bekyuli ɔ́si ɔƒɛ katukɔ aani kalɛ na kasangbii kaatu taayu teeƒie lɛla lɛdi. Na ɔƒaani ni, ndubo mina litemi lɛlɔ bɔdi na lɛbla lɛla lɛni na lɛ́su líse.

Yesaia 55:11

Lɛni na mina etemila ese na si lɛ́su lɛla lɛdi ni, etemila ammɔ alásɔ teenwini teebo-mi kudɔ na lɛla lɛmmɔ lilebo-nwu kemmo kalɛ na lɛ́su-ni.

Daniel 4:28

Ɔbla aani abuli leevu-anyɔ kama ni, Ɔga Nebukadnesar ɔkɛ uusié taavi na nwuna lɛsa katɔ na ɔɔnu Babilon ɔma unengudi ɔmmɔ bɔdia asa na ala amɛni ése kalɔ aalɛ́ku-nwu. Na ɔ́su lɛlɔ ɔnini, “Bɛnu, ɔma unengudi ɔmɛni ɔɔdia bɔnu ku ala enengudi ani na ami ɔlati líti mina ɔyikun lɛ́tu kalɛ na mina lɛnyi liteekeye!”

Hosea 11:9

Nsɔ lɛɛɛdubo-mii kɔtu bɔni na kalɛ na mina kɔnyi kɔ́kɔ katɔ kútédu kenye, na lɛyila-mii udu, ɔsika ami ndi bina Katɔti ɔni nse kedee, na ɔɔɔdi ukyuli ɔyawine na ndi na nli-mii akɔ. Anwuɔsu nsɔ lɛɛɛdubo ku kɔnyi.

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Bumomo Bɔka 14:35

Ami Unwoti násu, na ndubɔnu ka ala ani lɛ́su ka mabla bekyuli bekpidi bani nása lili na báta bénye-mi lɛlɔ mɛni ébo lɛni. Na ndubɔnu ka ɔdi biala úkpi na ketele kalɔ kakwiidi kamɛni kemmo.”

Bumomo Bɔka 23:18

Mmɔ na Bileam use kalɔ ɔ́ɔsu nwuna kenye ɔnini, “Balak, ta na enu, na awɔ Sipor ubi se atu na enu!

Luka 21:33

Katɔ ku kalɔ kadubɔvi, nsu mina etemila anya aaadubo bɔvi kudii.

Romaƒuɔ 11:29

Ɔsika si ɔ́ƒuna ukyuli ɔdi iye ɔ́bla-nwu lɛƒɔndia lɛdi ni, ulávumana-ni.

Romaƒuɔ 9:6

Ɔɔɔdi bɔsu na nda nnii Katɔti kenye kani na úse ni, útadi-ka lɛlɔ. Ɔsika ɔɔɔdi Yudaƒuɔ ƒui ndi bekyuli bani na Katɔti ɔ́ƒuna aani nwuna badi.

Timoteo 2 2:13

Si ina bɔlɛ bula bɔƒɔtaadi kama muedi ni, anwu ulálɛ nwuna linyese kama. Ɔsika ulakana na walɛ anwu ɔlati lɛlɔ kama kudii.”

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Hebriƒuɔ 7:21

Nsu Yesu úbenwini ɔkpane ɔkɛnku Katɔti linyese lɛlɔ uwi ɔni na ɔ́su ɔnini, “Unwoti úse kenye kpakplaa kadi na ulavumana-ka kudii ɔnini, ‘Adi ɔkpane úsela uwi ƒui.’ ”

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Yosua 21:45

Na linyese biala na Unwoti úse Israelƒuɔ ni, ɔ́di-ni lɛlɔ ƒui pɛpɛɛpɛ.

Samuel 1 15:29

Ɔƒɛni ni, Unwoti ɔɔɔdi ukyuli ɔyawine ɔni na muunwíni nwuna kasusu. Mmomu Israel Katɔti ɔni muukeye na ɔdi, na ɔɔsu litemi geen lɛmmɔ na ulányi ɔkɔ. Anwuɔsu ɔsɔ ulavumana kenye kammɔ.”

Samuel 1 3:12

Limeyi lɛmmɔ ni, ɔgbankpi ɔni na lɛ́su ka ɔdubɔlɛku Eli ku nwuna kaduli bekyuli ni, ɔdubo bɔlɛ lɛni sɔsɔ ɔ́si kalɔ kesekɔ útédu kawɔlɔkɔ.