Bumomo Bɔka 23:14 - Katɔti Ɔku Kedee

¹⁴ Anwuɔsu Balak útiku Bileam úsienku Soƒin ketele kalɔ kakwiidi kemmo na Pisga Kɔbi lili. Na mmɔ na Balak ɔ́tu akpabi maatɛ na ɔ́du akɔ unwi ku koƒonu kunwi ɔ́sia lɛkpabi biala lɛlɔ.

Bumomo Bɔka 23:14 ပူးပေါင်းရင်းမြစ်များ

Yesaia 46:6

Bekyuli badi beesié taatáƒɔ ala bakywɛne na kayu kenye, na bete-ma sika ugyiedi ku ɔƒualadi, na betu-nwu babla baƒiɔ bete-ma na bataakpa.

Hosea 12:11

Alaekpidi ani na baabla na Gilgal ábɔ ágya na badubo babayii udu na kawɔlɔkɔ. Baadú ɔmantɛ bakɔ taakpa na bana akpabi ani na béti atabi bátu mmɔ lɛlɔ. Nsu badubo atabi ammɔ ƒui bugyingya bɔ́kya alakpi akɔ na kalɔ kammɔ kemmo.

Bumomo Bɔka 21:20

Na bási Bamot bésie kɔwɛ kɔni nkya Moab kesii kani Pisga uwi katɔ kakɛ na akana enye anu ketele kalɔ kakwiidi kammɔ.

Bumomo Bɔka 23:13

Amu na Balak ɔ́sɔ ɔ́su Bileam ɔnini, “Siaku-mi na bɔsɔ busie kesii bamba na mmɔ amu ni, alanu Israelƒuɔ ƒui mmomu badi kani. Na ewida-ma asiku mmɔ.”

Bumomo Bɔka 23:15

Amu na Bileam ɔ́su Balak ɔnini, “Sɔ kya ƒula akpabi amɛni kudɔ na ami nteesie ntásiaku Unwoti na mmɔ.”

Bumomo Bɔka 23:29

Amu na Bileam ɔ́su Balak ɔnini, “Tu akpabi maatɛ na mɛni na awia ɔmantɛ bakɔ maatɛ ku baƒonu bagyani maatɛ ese ete-mi.”

Lɛkpa Ulu 3:27

Kɔ sie na eténye Pisga Kɔbi lili na asia kalɔ kammɔ anu amana kaduɛ. Ɔsika aaadubo Yordan Ketu kamɛni bɔvia.

Lɛkpa Ulu 34:1

Amu na Mose ɔ́kɔ úsie Moab kalɔ kani nwi ƒiaa ɔ́si Nebo Kɔbi na útédu Pisga Kɔbi lili na Yeriko ɔƒɛ katukɔ kakɛ. Na mmɔ na Unwoti ɔ́tina-nwu kalɔ kammɔ ƒui ɔ́si Gilead úti útédu Dan

Lɛkpa Ulu 4:49

ku kɔwɛ kakɛ kani nkya Yordan Ketu ɔƒɛ katukɔ kakɛ úti útédu Mma Ɛpu si éti ésela Pisga Kɔbi kaƒɔna ƒui kadi bana ɔdi.