Bumomo Bɔka 23:1 - Katɔti Ɔku Kedee

¹ Amu na Bileam ɔ́su Balak ɔnini, “Tu akpabi maatɛ lɛ mɛni na awia ɔmantɛ bakɔ maatɛ ku baƒonu bagyani maatɛ ete-mi.”

Bumomo Bɔka 23:1 ပူးပေါင်းရင်းမြစ်များ

Baga 2 18:22

Na si bɔsu na ada-mi lɛnɔ anii, “Bula Unwoti Katɔti lɛlɔ na búkpo kama” ni, ɔɔɔdi Unwoti ɔmɛni na Hesekia ɔ́ya báƒɛ nwuna akpabi, na ɔ́su Israelƒuɔ ku Yudaƒuɔ ka bataakpa Unwoti ɔmmɔ na lɛkpabi lɛni nlɛ Yerusalem lɛlɔ kani?

Ala Alɛdi 1 15:26

Na Katɔti úte Lewiƒuɔ bammɔ ɔlɔkplu ku ɔyikun ɔni na badubuti beti Bunyimi Adaka ɔmmɔ, anwuɔsu bádu ɔmantɛ bakɔ maatɛ ku baƒonu bagyani maatɛ béti bákpa.

Ala Alɛdi 2 29:21

Na badanku ɔmantɛ bɔkɔ maatɛ ku baƒonu bagyani maatɛ ku baƒonu bɔkɔdi maatɛ ku betukpa leevu bani na badubuti babla ekpidi lili buvele akpala na Hesekia ku nwuna kaduli bekyuli lili ku Yuda kadi bekyuli ƒui lili ku kakpakɔ kammɔ ƒui bɔbla kedee ɔsu. Anwuɔsu Hesekia ɔ́su bakpane bani ndi Aaron kaba kemmo bebi ɔnii beti bebuo bammɔ bakpa na Katɔti lɛkpabi lɛmmɔ lɛlɔ.

Hiob 42:8

Anwuɔsu biti ɔmantɛ bakɔ maatɛ ku baƒonu maatɛ na bisie Hiob kudɔ na bitákyula akpala na lɛkpabi lɛlɔ na bina lili. Na ɔmmɔ kama ni, Hiob ɔdubɔkpali-mi uvele, na ndubuti bina ekpidi lɛkyiɛ-mii, na nsɔ lɛɛɛdubo-mii kɔtu bɔni na bina adɔlɔla bɔbla ɔsu.”

Israelƒuɔ Bɔlɛ 20:24

“ ‘Biti lɛti bɛtu lɛkpabi bite-mi na biti bina baƒonu ku bese ku ɔmantɛ bakɔ bitaabla bɔkyula akpala ku unwi bɔbla akpala nwuna lɛlɔ teete-mi. Na kesii biala na lɛ́su ka bɛkpa-mi na bɛkɔliku mina lɛnyi katɔ ni, ndubɔyu libo na mbete-mii kusɛ kusɛ.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Esekiel 45:23

Na limeyi biala na emeyi amɛni bɔdi kemmo ni, ɔdi ka uboku ɔmantɛ bakɔ maatɛ ku baƒonu maatɛ na beti babla akpala ani ndubɔyɔ-mi kaƒɔ. Na uboku ese lɛnɔ na beti-nwu babla ekpidi lili buvele akpala. Na ɔdi ka banu ka bebuo bamɛni ƒui ɔdi útasɔ na kesii kadi.

Bumomo Bɔka 22:41

Na kadi kégye ɔtanta ni, Balak útiku Bileam na bákɔ bésie Bamot-Baal Kɔbi lili. Na mmɔ na ɔ́nu Israelƒuɔ badi úmene.

Bumomo Bɔka 23:2

Amu na Balak ɔ́wia ala ammɔ úboku na Balak ku Bileam bádu akɔ ku koƒonu kunwi basia lɛkpabi biala lɛlɔ.

Bumomo Bɔka 23:29

Amu na Bileam ɔ́su Balak ɔnini, “Tu akpabi maatɛ na mɛni na awia ɔmantɛ bakɔ maatɛ ku baƒonu bagyani maatɛ ese ete-mi.”

Bumomo Bɔka 23:30

Na Balak ɔ́bla kalɛ na Bileam ɔ́su. Na ɔ́du akɔ unwi ku koƒonu kɔgyani kunwi ɔ́sia lɛkpabi biala lɛlɔ.

Bumomo Bɔka 29:32

“ ‘Na limeyi maatɛdi lɛlɔ ni, biti bakɔ maatɛ ku baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na bɔsɔ bɔdi buuubo-ma lɛlɔ.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.