Bumomo Bɔka 21:4 - Katɔti Ɔku Kedee

⁴ Uwi ɔni na Israelƒuɔ bésie bási Hor Kɔbi lɛlɔ na Ɛpugyie ulu lɛlɔ bétédu Edom na bésela ni, Israelƒuɔ bamɛni basɔ balakɛ kayi lɛnɔ.

Bumomo Bɔka 21:4 ပူးပေါင်းရင်းမြစ်များ

Baga 2 3:8

Mmɔ na úye Ɔga Yehoram ɔnini, “Ulu ɔmani lɛlɔ na bɔdubɔsia na butékpoku-ma?” Na Ɔga Yehoram údie kenye ɔnini, “Bɔdubɔsia ketele kalɔ kakwiidi ulu ɔni ntɛ úsie Edom mmɔ.”

Israelƒuɔ Bɔlɛ 6:9

Na ka Mose úsie útásu Israelƒuɔ etemila amɛni ni, bátakpete-nwu. Ɔsika enu áƒɛ-ma na abi ani na beebó mmɔ ɔsu.

Bumomo Bɔka 14:25

Na ka Amalekƒuɔ ku Kanaanƒuɔ belie bésie kɔwɛ kemmo ɔsu ni, kɔnaadi binwini bitásia ketele kalɔ kakwiidi ulu ɔni na úti anumi ɔɔtina Ɛpugyie mmɔ lɛlɔ.”

Bumomo Bɔka 20:27

Mose lɛnɔ ɔ́bla kalɛ kani na Unwoti úbo-nwu ɔda. Na ɔ́kpanku-ma úsienku Hor Kɔbi kɔmmɔ lili na Israelƒuɔ bammɔ ƒui anumi.

Bumomo Bɔka 32:7

Bi ɔsu na bɛɛyɔ́ ka bɛƒɛ Israelƒuɔ enu ka besie betéti kalɔ kani na Unwoti úti uute-ma mmɔ?

Bumomo Bɔka 32:9

Uwi ɔni na bésie Eskol Kɔwɛ kemmo na bénye mmɔ bánu kalɔ kammɔ kemmo ni, bénwini bébo na bábaƒɛ Israelƒuɔ bammɔ enu kalɛ na basɔ balakana kalɔ kani Unwoti úti úte-ma kemmo buduo.

Bumomo Bɔka 33:41

Israelƒuɔ báta Hor Kɔbi lɛlɔ bátáda keliekɔ na Salmona.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Lɛkpa Ulu 1:40

Nsu amii ni, binwini kama na bɛsia Ɛpugyie ulu ɔni ntɔ-mii anumi mmɔ lɛlɔ.”

Lɛkpa Ulu 2:1

Amu na bɔ́sɔ búnwini búti búsela kalɔ kakwiidi kammɔ lɛlɔ na bɔkɛ Ɛpugyie ulu lɛlɔ aani kalɛ na Katɔti ɔ́su-bu. Na mmɔ na bɔ́kya bɔ́ka bɔmana Edom abi lɛlɔ kalɔ mmɔ bútu uwi gyɔlɔɔ.

Litemi Batɛne 11:18

“Ɔmmɔ kama básia ketele ulu ɔni ntɛ úsie Edom ku Moab kalɔ, na bakɛ baaka taamana úti útédu ka bédu Moab ɔƒɛ katukɔ kakɛ, na bétélie mmɔ na Arnon Ketudɔ. Na béteduo Moab kalɔ kemmo, ɔsika Arnon ndi bana ɔmii.