Bumomo Bɔka 21:34 - Katɔti Ɔku Kedee

³⁴ Amu na Unwoti ɔ́su Mose ɔnini, “Tayia bekyuli bammɔ, ɔsika líti ɔga ɔmmɔ ku nwuna bekpone ku kalɔ kammɔ ƒui lɛ́kya-a enu kemmo na kalɛ na ábla Sihon ɔni ndi Amoriƒuɔ ɔga ɔni nádi lɛga na Hesbon lɛni kani na ɔlɛka abla Ɔga Og.”

Bumomo Bɔka 21:34 ပူးပေါင်းရင်းမြစ်များ

Samuel 2 5:19

Ɔmmɔ ɔsu Dawid úye Unwoti kasusu únu ɔnini, “Nsie na ntékpoku Ƒilistiƒuɔ bamɛni munuu ntesie? Na si lísie ni, adubo-mi bubunku na lɛdi lɛlɔ?” Amu na Unwoti údie kenye na ɔ́su-nwu ɔnini, “Ɛɛn, sie na etékpoku-ma, ɔsika ndubɔya na adi-ma lɛlɔ.”

Baga 1 20:13

Uwi ɔmɛni kani kemmo ni, kenye udiene ɔdi úbo Israelƒuɔ Ɔga Ahab kudɔ úbakɔ lɛsa ɔ́su ɔnini, “Lɛni na Unwoti ɔɔsu ɔnii, ‘Bɛɛnu bekpone lisu bonwu bamɛni? Ndubo-ma buti bɔkya bina enu kemmo ɔmwi kadi, na mmɔ na bɛdubo bɔnu bɔti ka Unwoti na ndi.’ ”

Baga 1 20:28

Amu na kenye udiene ɔdi úsie Ɔga Ahab kudɔ na ɔ́su-nwu ɔnini, “Lɛni na Unwoti ɔɔsu. Siriaƒuɔ básu ka ami abi lɛlɔ Katɔti na ndi na lɛɛɛdi kalɔ ƒiaa katɔti ɔsu ni, ndubɔya na bɛdi Siriaƒuɔ lɛlɔ. Na mmɔ na awɔ ku ƒula bekyuli bɛdubɔnu bɔti ka Unwoti na ndi.”

Baga 2 3:18

Ɔmɛni bɔbla bɔdi lɛla lɛni nse kpɛtɛ kpɛtɛ na Unwoti anumi. Na lɛnɔ ni, ɔdubɔya na bɛdi Moabƒuɔ lɛlɔ.

Yesaia 41:13

Ami ndi bina Unwoti Katɔti ɔni nda-mii kɔnu anwuɔsu bitayia, ɔsika nnye-mii kudɔ ka libunku-mii.

Bumomo Bɔka 14:9

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Bumomo Bɔka 32:4

kɔlɔ kɔni Unwoti ɔ́gyu ɔ́tɔ úkpo úte Israelƒuɔ mmɔ kɔdia kute bebuo bɔtumini geen. Na ɔmɛni ɔsu bɔ́kɛ bebuo kaduɛ na kana lɛlɔ.”

Lɛkpa Ulu 2:30

Nsu Ɔga Sihon anwu útenu kalɔ ka bɔsia bana kalɔ kemmo. Bina Unwoti Katɔti nábla-nwu na nwuna kayi káyu ɔkplu kalɛ na bukpoku-nwu na bɔdi-nwu lɛlɔ.

Lɛkpa Ulu 20:3

“Israel bananabi, bise atu na binu. Ɔmwi kadi ni, bísela bitékpo. Bitayia bina bekisine bammɔ na enu ataƒɛ-mii na ɔtɔtɔ utagyu-mii.

Lɛkpa Ulu 3:1

Ɔmmɔ kama búnwini na bútásia ulu ɔni ntɛ úsie Basan kalɔ kemmo. Na Ɔga Og ɔni mɔɔdi Basan kalɔ kammɔ lɛlɔ ku nwuna bekpone ƒui báta ka bebekpoku-bu na ɔma ɔni nde Edrei.

Lɛkpa Ulu 3:11

Na Raƒa bekyuli ƒui kemmo ni, Ɔga Og lɛti pɛ nébu. Na binu! Nwuna lɛla lɛni lɛlɔ na ɔɔtɛ ni, nwuna bune butulo lɛgba leevu-ɛtɛ. Na nwuna bɔbɛbɛ bɔbla aani lɛgba ɛku. Na abuala lɛti lɛti na béti bábla lɛla lɛmmɔ. Na kamu kese Arnonƒuɔ ɔma ubendi ɔni baalɔ banii Raba ɔmwi kadi.

Lɛkpa Ulu 31:6

Bɛya na anumi egyie-mii na binye kpakplaa. Bitayia-ma. Na bina Unwoti Katɔti ɔlati ɔdubɔkya-mii akɔ. Na ulénwini kama ulakya-mii iye ɔda-mii ɔnyonu.”

Lɛkpa Ulu 7:17

Na ɔdi utéye lɛlɔ ɔnii, “Dɛ na wabla asa na bɔkana bekyuli bamɛni udu bɔyila? Ɔsika bebo ɔyikun bétulo-bu.”

Lɛkpa Ulu 7:18

Biteti kasusu kammɔ udu bitekpoku lɛlɔ. Mmomu binyimo kaduɛ lɛla lɛni na Katɔti ɔ́bla Egyipteƒuɔ ku bana ɔga.

Lɛkpa Ulu 7:21

Anwuɔsu si bɛ́da bɛ́lɛ-ma lɛlɔ na kekpo kemmo ni, bitaya bana lɛlɔ liƒu lɛda-mii. Ɔsika bina Unwoti Katɔti údu na ɔkya-mii akɔ na ɔɔda liƒu, na anwu ndubukpo ute-mii.

Lɛkpa Ulu 7:24

Na bɛdubɔdi baga bammɔ lɛlɔ na ɔdi ɔsɔ ulenyimo si bélie ngba dii. Na ɔdi ulakana-mii bunye bɔsiaku lɛnɔ.

Yosua 10:25

Amu na Yosua ɔ́su bekpone bammɔ banini, “Bitayia, na enu lɛnɔ ataƒɛ-mii. Mmomu bɛkya ɔkplu na bise kayi. Na lɛni na Unwoti ɔdubuti ɔbla bina bekisine bani ƒui amii ku-ma bɛdubo bukpo.”

Yosua 10:8

Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Yosua 8:7

Na si ɔlɛ lɛni ni, na bɛta bina kabɛkɔ mmɔ na bitádi ɔma ɔmmɔ lɛlɔ. Ɔsika Unwoti Katɔti ɔdubo ɔma ɔmmɔ buti bɔkya bina enu kemmo.

Litemi Batɛne 11:30

Amu na Yeƒta úse kenye úte Unwoti ɔnini, “Si ákana na éti Amonƒuɔ ákya-mi enu kemmo si bútékpoku-ma ni,

Samuel 1 23:4

Ɔmmɔ ɔsu Dawid ɔ́sɔ útéye Unwoti kunyɔdi si usie utékpoku-ma, na Unwoti údie kenye ɔnini, “Awɔ, teesie Keila, ɔsika ndubuti Ƒilistiƒuɔ lɛkya-a enu kemmo na adi-ma lɛlɔ.”