Bumomo Bɔka 21:29 - Katɔti Ɔku Kedee

²⁹ Amii Moabƒuɔ bɔbuɛ ɔdi bina ɔdi. Amii kadi bekyuli bani mɔɔkpá Kemos baƒiɔ bɛyii ku udu. Bɛya na bina bananabi bekeli betenwini kadi bamba bekyuli. Na bina belekubi ni, Amoriƒuɔ Ɔga Sihon ɔdubo-ma buƒie bɔtɔlɔku.

Bumomo Bɔka 21:29 ပူးပေါင်းရင်းမြစ်များ

Baga 1 11:33

Ndubo ɔmɛni bɔbla, ɔsika béni-mi na bésie bátákpa Sidonƒuɔ baƒiɔ bani ndi Astarot ku Moabƒuɔ baƒiɔ Kemos ku Amonƒuɔ baƒiɔ bani ndi Milkom. Na bátasia mina ulu lɛlɔ iye babla ala ani nse siin na mina anumi iye badi mina ɔda bubo lɛlɔ aani kalɛ na Salomo ɔti Dawid ɔ́bla kalɛ.

Baga 1 11:7

Na kɔbi kɔdi na kɔkya Yerusalem ɔƒɛ katukɔ ni, Salomo ɔ́tu ɔtɔ úte Moabƒuɔ baƒiɔ bani baalɔ banii Kemos ku Amonƒuɔ baƒiɔ bani muusé lɛlɔ na baalɔ-ma bani Molek.

Baga 2 23:13

Na Ɔga Yosia úbile akpabi ani na Ɔga Salomo ɔ́tu ɔ́lɛ ɔƒɛ katukɔ kakɛ na Oliƒ Kɔbi kada kakɛ. Nka akpabi ammɔ lɛlɔ na bátaakpa Sidon baƒiɔ bani baalɔ banii Astarot, ku Moab baƒiɔ Kemos, ku Amon baƒiɔ Molek.

Yesaia 15:5

Mina kayi keenú ɔlɛ teete Moab kadi bekyuli, ka bana bekyuli beekeli kekpo béti bésela Soa ku Eglat-Selesia lɛma kakaaka ƒui. Béti Luhit ɔma ulu na bákɔ bésela na beewulo. Na bakɛ baaká bana ɔgbankpi ala ku kɔnyana na Horonaim ɔma ulu lɛlɔ.

Yesaia 16:2

Moabƒuɔ beleku bese aani baasɛ bani na bábɔku bálɛku ayu kemmo na batɛ Arnon Ketu kaviakɔ mmɔ.

Yeremia 48:13

Mmɔ na kɔƒa kɔdubo-mii bukpo, ɔsika bina Kemos baƒiɔ baaadu-mii bɔkana bɔƒɔ aani kalɛ na Betel útakana na ɔƒɔ Israelƒuɔ.

Yeremia 48:45

“Na Hesbon ɔma unengudi ɔmmɔ kɔmadɔ kesii kani na Sihon ɔ́di lɛlɔ dii ni, baƒɔ bekeline bani na lɛlɔ lítu-ma benye kasuudikɔ kesii kani na ogya ɔni mɔɔkyula bana ɔma unengudi ɔmmɔ bukeye bɔ́kya ɔyuli. Na uwi uletu asa na bekyuli bani nli abi bamba eli na badi bekpone mmɔ lɛnɔ lɛma lɛdubuse kalɔ ku bɔkywi.

Yeremia 48:46

“Moab kadi bekyuli, bɛ́siaku bina Kemos baƒiɔ. Nsu ɔƒaani ni, bɛ́wɔlɔ, amii ɔdi ɔ́sa na bina bebi bénwini bekyuli beƒiedi na kadi bamba bekyuli kɔlɔ kemmo.

Yeremia 48:7

Bɛ́bu bɛnii bina lɛkɛ ku ɔyikun ɔni na bibo ɔdubɔkana na ɔƒɔ-mii ngba, nsu badubo-mii buƒie ƒui ku bina Kemos baƒiɔ bammɔ ku bana bakpane ku nwuna benengu bammɔ ƒui.

Bumomo Bɔka 24:17

“Mɔɔnu-nwu nsu ɔɔɔdi ɔƒɛni mɔɔnu taati nsu uuude. Kayabi kadi kadubo bɔbwɛ bɔlɛ Yakob kaba kemmo. Ɔgagyii ɔdi ɔdubɔlɛ Israelƒuɔ akɔ, na ubo Moabƒuɔ batɔnkune ƒui uwi kalɔ, na ɔƒɛ Set bekyuli ƒui uwi kalɔ.

Litemi Batɛne 11:24

Na biletéti kalɔ kani bina baƒiɔ bani baalɔ banii Kemos úte-mii. Na lɛni kani na bɔdubuti lɛla biala na bula Unwoti Katɔti úte-bu.