Bumomo Bɔka 21:2 - Katɔti Ɔku Kedee

² Mmɔ na Israelƒuɔ bése kenye béte Unwoti básu-nwu banini, “Unwoti, si adubuti Kanaanƒuɔ bamɛni akya-bu enu kemmo ni, bɔdubɔyila bana lɛma linengudi ƒui udu kede kede.”

Bumomo Bɔka 21:2 ပူးပေါင်းရင်းမြစ်များ

Ala Kalɔ Buse 28:20

Amu na Yakob ɔ́kpali Unwoti Katɔti lɛnyi na úse kenye ɔnini, “Lieku-mi, na asia-mi anu na ulu busie bɔmɛni kemmo, na ete-mi adila ku adala.

Kɔgya 116:18

Na ala ani kenye na líse-ɔ ni, ndubuti-nya liboku-ɔ na kadi bekyuli anumi.

Kɔgya 132:2

Na ɔ́kpali Katɔti úse kenye úte Unwoti ɔni ndi Yakob Katɔti Ɔyikune Ƒui ɔnini,

Korintoƒuɔ 1 16:22

Ukyuli biala na ulayɔ Blɔti ni, ɔdubɔnuku-ni! O Blɔti, bo!

Lɛkpa Ulu 13:15

bɛdu bekyuli bani ƒui nlie ɔma ɔmmɔ kemmo. Na bɛdu bana bebuo ƒui lɛnɔ. Na bɛnu ka bɛ́yila ɔma ɔmmɔ udu ƒui.

Lɛkpa Ulu 13:16

Na akɛla ani na ɔma ɔmmɔ bekyuli bebo ƒui ni, bɛla-nya ƒui bitéwi kuyeya na bɛkyula ala ammɔ ku ɔma ɔmmɔ ƒui. Na ala akyuladi ammɔ ƒui adubunwini akpala ete bina Unwoti Katɔti. Na ɔma ɔmmɔ unwini ɔma ɔni na úbie na ɔsɔ uladia bɔsɔku bɔda kudii.

Lɛkpa Ulu 20:16

Nsu si bɛ́di lɛma lɛni nkya kalɔ kani na bina Unwoti Katɔti ɔ́su úse ka wete-mii mmɔ lɛlɔ ni, na bɛyila lɛla biala nkya ɔma ɔmmɔ kemmo udu.

Lɛkpa Ulu 7:2

Unwoti ɔdubo-ma budie bute-mii na bɛbɔku-ma bɛlɛku kalɔ kammɔ lɛlɔ. Na mmɔ na ɔlɛka bɛyila-ma udu ƒui na bitanu ɔdi biala kɔnyana lɛnɔ. Amii ku-ma bitenyimi lɛla biala bitete lɛlɔ.

Yosua 6:17

Bɛyila ala ani ƒui nkya ɔma ɔmmɔ kemmo udu na enwini akpala ete Unwoti. Nsu ɔyalɛ Rahab ku nwuna kaduli bekyuli amu ni, bitabla-ma lɛla lɛdi. Ɔsika anwu nábala bula batu bani na bátala na Yeriko.”

Yosua 6:26

Ɔmmɔ kama ka báyila Yeriko ɔma ɔmmɔ udu báwɔlɔ ni, mmɔ na Yosua úbo bekyuli bammɔ ɔda kpakplaa na Unwoti anumi, na ɔ́su ɔnini, “Ukyuli ɔni nsɔ mayɔ ka wasɔ watu Yeriko ɔma ɔdubɔnuku-ni. Na awɔ ɔni malɛ kowodu ni, ƒ'ubidi unengudi lili na aalɛ́-ku. Na awɔ ɔni matu awodu kɔyakun ni, ƒula kawɔkpulo lili lɛlɔ na aatu-ka.”

Litemi Batɛne 11:30

Amu na Yeƒta úse kenye úte Unwoti ɔnini, “Si ákana na éti Amonƒuɔ ákya-mi enu kemmo si bútékpoku-ma ni,

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”