Na ka kɔka kɔɔda-ma ni, éte-ma adila ásiku katɔ. Na ka ntukwɛ ɔɔda-ma ni, áya na ntu bɔ́bwɛ bɔlɛ lɛtakpɛ bonwu kemmo. Na ásu-ma ka béteesie bététi kalɔ kani átalaku kɔnu katɔ na ése kenye ka eeti-ka eete-ma.
Mmɔ na Mose ku Aaron bátɔlɔ bekyuli bani násala mmɔ kudɔ na bátáyu bátɛ kalɔ na béti bana anumi bébi kalɔ na Unwoti Adi Kevo anumi. Mmɔ na Unwoti bukeye bɔ́bwɛ búbewi-ma lɛlɔ.
“Ti ugyii ɔdadi ɔmmɔ na awɔ ku Aaron bɛsala bekyuli bammɔ ƒui. Na etemi ete lɛtakpɛ lɛmmɔ na bekyuli bammɔ ƒui anumi. Na ntu bɔdubo bɔlɛ lɛtakpɛ lɛmmɔ kemmo na bekyuli bammɔ ku bana bebuo bani.”
