Bumomo Bɔka 20:5 - Katɔti Ɔku Kedee

⁵ Na bi ɔsu na ákpanku-bu ásiku Egyipte kalɔ lɛlɔ ábakya ketele kalɔ kakwiidi kamɛni kemmo, kesii kani na edula ebi adi iye kɔnwingyie iye egyiibi lidu adi eeebo, na ntu biala muedi buuubo na bɔni?”

Bumomo Bɔka 20:5 ပူးပေါင်းရင်းမြစ်များ

Nehemia 9:21

Na akwa aavlene sɔɔn áda-ma na ketele kemmo, na bátayaki kulɛla. Na bana adala lɛnɔ átabuɛ iye ɔdi lɛgba lɛ́ta líƒu.

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Esekiel 20:36

Na ndubo-mii kɔtu bɔni kalɛ kani na lɛ́ni bina bati kuuku kɔtu na kalɔ kakwiidi kemmo kesii kani nde Egyipte kalɔ.

Bumomo Bɔka 16:14

Na ɔni ntulo ndi ka éteti-bu éteboku kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii, iye bɔkɛ adingyii mmo, iye kɔlɔ kɔbuni kɔni na busie mmo. Bunye na adubunye eteese bekyuli bamɛni lisusu lɛni na ɔ́sa? Oowo bɔɔɔdubo!”

Bumomo Bɔka 20:24

“Aaron ɔdubusie utánwuna ku nwuna bati. Na ɔɔɔdubo buduo kalɔ kani líti muute Israelƒuɔ mmɔ kemmo, ɔsika awɔ Mose ku Aaron bɛ́ta binye mina ɔda bubo lɛlɔ na Meriba Ketudɔ.

Bumomo Bɔka 27:14

ɔsika awɔ ku Aaron ƒui bɛ́ta bínye mina ɔda ɔni líbo-mii lɛlɔ na Sin ketele kalɔ kakwiidi kemmo uwi ɔni na Israelƒuɔ ƒui báta bénye-mi lɛlɔ na bítabu-mi na bana anumi ka nse kedee.” Ala amɛni álɛ na Meriba Ketudɔ na Kades na Sin Ketele kemmo.

Lɛkpa Ulu 8:15

Na binyimo kalɛ na ɔ́tɔnku-mii na kalɔ kakwiidi bonwu kamɛni kemmo, kesii kani na balakpi bekpidi ku batamlukpa bakya. Ntu bútakya mmɔ, nsu Unwoti Katɔti ɔ́ya na ntu bɔ́bwɛ bɔ́lɛ lɛtakpɛ kemmo na bɛ́ni.