Bumomo Bɔka 20:21 - Katɔti Ɔku Kedee

²¹ Na ka Edomƒuɔ bétete kuƒi ka basia bana kalɔ kemmo bavi ɔsu ni, Israelƒuɔ bédeyi na bátásia ulu bamba.

Bumomo Bɔka 20:21 ပူးပေါင်းရင်းမြစ်များ

Ala Alɛdi 2 20:10

“Aanu ka Amonƒuɔ ku Moabƒuɔ ku Edomƒuɔ bekpone benye beekpó-bu! Badi kɔlɔ kɔni bekyuli na nka awɔ Unwoti átatuna ka bula kadi bekyuli bekpo-ma uwi ɔni na bɔkɛ ulu bɔ́si Egyipte bɔdubo, anwuɔsu na bátayii udu.

Bumomo Bɔka 21:23

Nsu Sihon útete kuƒi na bavi nwuna kalɔ lɛlɔ. Ɔmmɔ ɔsu ɔ́sala nwuna bekpone ƒui na bésie ketele kalɔ kakwiidi kemmo ka betékpo-ku Israelƒuɔ. Na ka bédu Yahas ni, békpoku Israelƒuɔ.

Bumomo Bɔka 21:4

Uwi ɔni na Israelƒuɔ bésie bási Hor Kɔbi lɛlɔ na Ɛpugyie ulu lɛlɔ bétédu Edom na bésela ni, Israelƒuɔ bamɛni basɔ balakɛ kayi lɛnɔ.

Lɛkpa Ulu 2:27

“Buvele na nda-a, ya na Israelƒuɔ bavi bina kalɔ lɛlɔ. Bɔdubusie siin bɔvia ɔni na buledie ulu bamba ɔdi.

Lɛkpa Ulu 2:29

Lɛni na Esau bawɔ bani nli Edom abi lɛlɔ kalɔ ku Moabƒuɔ bani nli Ar bénu kalɔ na bɔ́via bana lɛmii ku Yordan Ketu asa na búduo kalɔ kani na Katɔti ɔ́su úse ka weti wete-bu kemmo.”

Lɛkpa Ulu 23:7

Nsu Edomƒuɔ ama ni, bɛƒɔ-ma, ɔsika badi bina bekyuli. Na biteni Egyipteƒuɔ, ɔsika bíilie bana kalɔ lɛlɔ dii aani baƒɔ.

Litemi Batɛne 11:17

Mmɔ na Israelƒuɔ bátala bekyuli bákya Edomƒuɔ ɔga banini, ‘Tebu kuƒi na busie bɔvia ƒula kalɔ lɛlɔ.’ Nsu Edomƒuɔ ɔga ɔmɛni úni. Lɛni kani na bátala bekyuli bákya Moabƒuɔ ɔga, na anwu lɛnɔ útatuna. Anwuɔsu Israelƒuɔ básɔ bákya Kades.

Litemi Batɛne 11:18

“Ɔmmɔ kama básia ketele ulu ɔni ntɛ úsie Edom ku Moab kalɔ, na bakɛ baaka taamana úti útédu ka bédu Moab ɔƒɛ katukɔ kakɛ, na bétélie mmɔ na Arnon Ketudɔ. Na béteduo Moab kalɔ kemmo, ɔsika Arnon ndi bana ɔmii.

Litemi Batɛne 11:24

Na biletéti kalɔ kani bina baƒiɔ bani baalɔ banii Kemos úte-mii. Na lɛni kani na bɔdubuti lɛla biala na bula Unwoti Katɔti úte-bu.