Bumomo Bɔka 20:15 - Katɔti Ɔku Kedee

¹⁵ Bula bati kuuku bétélie Egyipte kalɔ akwa pii. Na Egyipteƒuɔ bamɛni bábla abu ku bula bati kuuku kalala geen.

Bumomo Bɔka 20:15 ပူးပေါင်းရင်းမြစ်များ

Ala Kalɔ Buse 15:13

Amu na Unwoti ɔ́ya na Abram ɔ́ti ɔnini, “Ɔbla-a nwaa ka ƒula bawɔ ni, badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane (400) sɔɔn.

Ala Kalɔ Buse 46:6

Béti bana bebuo ku bana akɛla ƒui ani na bebo na Kanaan mmɔ báda.

Ala Kalɔ Buse 46:7

Ɔmmɔ ɔsu ni, Israel útiku nwuna bebi ku bawɔ ku kaba kemmo bebi ƒui na bátɔlɔ bésie Egyipte.

Samuel 2 12:18

Na limeyi maatɛdi lɛlɔ ni, ubi ɔmmɔ úbekpi. Nsu Dawid kabla bablane baayia ka basu-nwu ka ubi ɔmmɔ úkpi. Ɔsika bákali na básu banini, “Uwi ɔni na ubi ɔmmɔ ɔtɛ na útekpi tɔ ni, bɔ́su Dawid lɛla biala, nsu útakpete-bu. Dɛ na bɔdubo-nwu bɔsu ɔƒɛni bɔnii ubidi úkpi na utéti lɛla lɛdi ɔbla lɛlɔ.”

Israelƒuɔ Bɔlɛ 1:16

“Si uwi ɔni na bɛɛƒɔ́ Israelni uleku ɔdi kɔwɔ na ubi ɔmmɔ ɔdi ɔnanabi ni, na bɛdu-nwu. Nsu si ulekubi na ɔdi ni, bitadu-nwu.”

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Israelƒuɔ Bɔlɛ 12:40

Uwi ɔni na Israelƒuɔ béti bélie Egyipte kalɔ lɛlɔ ƒui ɔdi akwa eti maane ku avlaatɛ (430).

Israelƒuɔ Bɔlɛ 5:14

Nsu kawɔlɔkɔ ka bánu ka atimbɔ ammɔ étedu kudeedi adi ni, lɛlɔ banune bammɔ béye-ma banini, “Bi? Bukulo na bítakana atimbɔ bumomo bɔni na bɔɔwia bukulo?” Na bébo-ma kugyiimi kaduɛ.

Bumomo Bɔka 11:5

Buunyimo lɛna lɛni bútaakun uwi ɔni bɔ́kya Egyipte, na lɛna lɛmmɔ lítaƒɔ kuye kɔdi, ku egyiibi, ku alakpi lidu, ku kutu akyala aani abuala ku nwuna udu ani ƒui na bútaadi mmɔ lɛnɔ.

Bumomo Bɔka 16:13

Ɔni lɛti na ákpanku-bu ásiku Egyipte kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii éboku ketele kalɔ kakwiidi kamɛni kemmo ka bubekpi bɔyii udu útabɔ? Na ɔƒɛni aawia ka asɔ ataadi-bu lɛlɔ lɛlati na mɛni?

Bumomo Bɔka 20:14

Uwi ɔmmɔ kemmo Mose ɔ́tala bekyuli badi ɔ́kya Edomƒuɔ ɔga na bátásu-nwu banini, “Ƒ'ɔnwani Israel ɔnini, ‘Agyi lɛbibo lɛni néebo-bu lɛlɔ.

Bumomo Bɔka 20:16

Nsu ka búwulo bɔ́kpali Unwoti ni, únu bula buwulo. Na ɔ́tala nwuna ɔtu ɔdi ɔkya-bu, na úbada-bu údie Egyipteƒuɔ enu kemmo. “ ‘Na ɔƒɛni búusie lɛgba laa búbedu Kedes ɔma ɔni nkya ƒula ɔmii lɛlɔ.

Batalane Kabla 7:15

Anwuɔsu Yakob ɔ́tɔlɔ úsie Egyipte na úlie mmɔ útédu uwi ɔni na úkpi. Na nwuna bebi bananabi lɛnɔ bélie mmɔ bétédu uwi ɔni na békpi.

Batalane Kabla 7:19

Ƒarao ɔmɛni ɔ́bla bula kadi bekyuli bamɛni kalala na únye-ma lɛlɔ na beeti bana bebiwɔ teetévaakun na beekpi.

Lɛkpa Ulu 26:6

Ka búsie bútélie Egyipte kalɔ lɛlɔ mmɔ ni, Egyipteƒuɔ bammɔ bábla-bu kalala na bénye-bu lɛlɔ ka butaabla kabla teete-ma.