Bumomo Bɔka 20:13 - Katɔti Ɔku Kedee

¹³ Ala amɛni álɛ na Meriba. Ɔsika mmɔ na Israelƒuɔ bákyaku Unwoti unyeƒi na údie ɔtina-ma ka Unwoti ɔni use kedee na ɔdi na bana akɔ.

Bumomo Bɔka 20:13 ပူးပေါင်းရင်းမြစ်များ

Kɔgya 81:7

Ka biibó abi na bɛ́kpali-mi ni, línu líte-mii na lɛ́si kesii kani nábɛ-mii na liƒlukutu ku katɔ budu kemmo na líbo ḿbedie-mii. Na lɛ́kɔku-mii lɛ́nu na Meriba kesii kani na ntu bɔ́lɛ.

Kɔgya 81:8

“O mina kadi bekyuli Israelƒuɔ, binu mina bɔlɛ. O Israel kadi bekyuli, mɔɔyɔ́ ka binu-mi litemi.

Kɔgya 95:8

bitabla atuɔkplu aani kalɛ na badi bábla na Meriba ku Masa kalɔ kakwiidi kammɔ lɛlɔ limeyi lɛmmɔ.

Israelƒuɔ Bɔlɛ 17:7

Anwuɔsu básia kesii kani na ntu bɔmmɔ bɔ́lɛ lɛnyi banii Masa, ɔni kalɔ ndi bɔkɔku taanu ku Meriba ɔni lɛnɔ kalɔ ndi Bɔdɔ, ɔsika mmɔ na Israelƒuɔ bammɔ bádɔ na bákɔku Unwoti bánu na béye banini, “Unwoti ɔkya-bu akɔ ɔƒɛni?”

Yesaia 5:16

Na Katɔti lɛnyi likeye na lɛkɔ katɔ ka ɔɔtɛ litemi siin ɔsu. Na banu kalɛ na Unwoti use kedee, na kalɛ na ɔɔbla ala siin ɔsu.

Esekiel 20:41

Na uwi ɔni na ndubo-mii bɔkpanku bɔsiku kesii kani na bígyingya bɛkya liboku ɔma ni, bina ala adubɔda-mi kubiti na bina ala ani na bɛdubo bɔkyula bute-mi ɔnyi lɛnɔ ɔdubɔbla-mi ƒɛƒɛɛ. Na kadi biala bekyuli badubɔnu ka nsi kedee.

Esekiel 36:23

Na kadi bamba bekyuli banu kalɛ na mina lɛnyi liikeye. Na bɛnu bɛti ka ami ndi Unwoti Katɔti. Ami násu.

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Lɛkpa Ulu 32:51

Ɔsika awɔ ku Aaron ƒui bítadi mina etemila lɛlɔ na Israelƒuɔ anumi ɔsu. Uwi ɔni binye Meriba Ketudɔ kesii kani nde ɔma ɔni baalɔ banii Kades na Sin kalɔ kakwiidi kemmo ni, bíni litemi lɛni lɛ́su-mii na Israelƒuɔ anumi.

Lɛkpa Ulu 33:8

Na ɔ́su Lewi kaba ɔnini, “Na Masa ku Meriba Ketudɔ ni, Unwoti ɔ́kɔku-mii ɔ́nu. Nsu ɔ́nu ka bɛɛbla bina ala ulu lɛlɔ. Anwuɔsu akpala kabla kammɔ kadi bina ɔdi.