Bumomo Bɔka 20:12 - Katɔti Ɔku Kedee

¹² Nsu Unwoti ɔ́su Mose ku Aaron ɔnini, “Ka bitaƒɔ-mi bítadi geen na bite-mi ɔbu ka nse kedee na Israelƒuɔ bammɔ anumi ɔsu ni, bɛsɔ bɛɛɛdubo bekyuli bammɔ bɔkpanku busienku kalɔ kani lɛ́su ka ndubo-ma bute kemmo.”

Bumomo Bɔka 20:12 ပူးပေါင်းရင်းမြစ်များ

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Kɔgya 106:32

Na Meriba kɔtu mmɔ na Israel kadi bekyuli bákya Unwoti kɔnyi. Na ɔkɛnku ɔmmɔ ɔsu na Mose ɔ́kɛ nwuna ɔgbankpi.

Kɔgya 99:8

O Unwoti, bula Katɔti, uwi ɔni na ƒula kadi bekyuli bábla likpidi ni, áni-ma kɔtu nsu ka bákpali-ɔ ni, énu na éti bana ekpidi ákyiɛ-ma.

Yesaia 7:9

Israel ɔma unengudi ƒui ndi Samaria. Na ɔma ɔmmɔ lɛlɔ ɔdine kani ndi Ramalia ubidi Peka. Na si eeenye mina bɔƒɔtaadi kemmo kpakplaa ni, agyi anii eeebo kenyekɔ kadi.’ ”

Yesaia 8:13

Unwoti Katɔti ndi ukyuli ɔni kani na ɔdi ka anu ka use kedee, na anwu kani na ɔdi ka ayia, na nwuna lɛlɔ liƒu lɛkya-a kemmo,

Esekiel 20:41

Na uwi ɔni na ndubo-mii bɔkpanku bɔsiku kesii kani na bígyingya bɛkya liboku ɔma ni, bina ala adubɔda-mi kubiti na bina ala ani na bɛdubo bɔkyula bute-mi ɔnyi lɛnɔ ɔdubɔbla-mi ƒɛƒɛɛ. Na kadi biala bekyuli badubɔnu ka nsi kedee.

Esekiel 36:23

Na kadi bamba bekyuli banu kalɛ na mina lɛnyi liikeye. Na bɛnu bɛti ka ami ndi Unwoti Katɔti. Ami násu.

Esekiel 38:10

“ ‘Si limeyi lɛmmɔ lídu ni, ngyi ka bɛdubo kasusu kekpidi bɔbla

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Bumomo Bɔka 11:15

Na si lɛni na adubo-mi bɔbla bɔdi ni, si áya-mi na líkpi muedi ɔdia-mi utulo si ɔ́yɔ-ɔ kaƒɔ lɛni, na taya na lisie ntásiaku mina ɔgbankpi ɔdi.”

Bumomo Bɔka 20:24

“Aaron ɔdubusie utánwuna ku nwuna bati. Na ɔɔɔdubo buduo kalɔ kani líti muute Israelƒuɔ mmɔ kemmo, ɔsika awɔ Mose ku Aaron bɛ́ta binye mina ɔda bubo lɛlɔ na Meriba Ketudɔ.

Bumomo Bɔka 27:14

ɔsika awɔ ku Aaron ƒui bɛ́ta bínye mina ɔda ɔni líbo-mii lɛlɔ na Sin ketele kalɔ kakwiidi kemmo uwi ɔni na Israelƒuɔ ƒui báta bénye-mi lɛlɔ na bítabu-mi na bana anumi ka nse kedee.” Ala amɛni álɛ na Meriba Ketudɔ na Kades na Sin Ketele kemmo.

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Luka 1:20

Nsu átaƒɔ-mi kenye kamɛni átadi. Ina ka átaƒɔ-ka átadi ni, kadubo bɔlɛ na uwi ɔni na Katɔti úse-ka úse lɛlɔ. Na ɔmɛni ɔsu adububo limu wetédu limeyi lɛni na kenye kamɛni kébo kéte lɛni sɔsɔ.”

Luka 1:45

Na lɛlɔ litaayɔ-ɔ geen, ɔsika áƒɔ ádi ka kenye kani na Katɔti ɔ́su ɔ́siku-ɔ lɛlɔ kadububo kete lɛni.”

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Romaƒuɔ 4:20

Nsu ala amɛni átaƒɛ-nwu enu na nwuna bɔƒɔtaadi kemmo. Mmomu úƒie Katɔti linyese ɔ́da kpakplaa, na nwuna bɔƒɔtaadi bɔmɛni bɔ́kya-nwu ɔkplu na úti bumwi úte Katɔti.

Lɛkpa Ulu 1:37

Na ami Mose lɛnɔ mɔɔsu-mii nnii ɔ́si amii ɔsu na Katɔti úti kɔnyi ɔ́kya-mi na ɔ́su-mi ɔnini, “Ina awɔ Mose muedi ni, ƒula ɔgba ɔɔɔdubo kalɔ kammɔ bɔnya.

Lɛkpa Ulu 34:4

Amu na Unwoti ɔ́su Mose ɔnini, “Kalɔ kamɛni na líse kenye ka meti mete Abraham ku Isak ku Yakob ku bana bawɔ. Ɔƒɛni lɛ́ya-na éti ƒula anumi ánu kalɔ kammɔ. Nsu aaadubo mmɔ busie.”

Lɛkpa Ulu 4:21

Ɔ́si amii ɔsu ni, bina Unwoti Katɔti úti kɔnyi ɔ́kya-mi na úse kenye ka ami Mose mina ɔgba ɔɔɔdubo bɔvia Yordan Ketu na liduo kalɔ kabuni kani na úti uute-mii na kenwini bina kadikɔ mɛni kemmo.

Yosua 1:2

“Mina kabla ɔblane Mose úkpi. Anwuɔsu awɔ ku Israelƒuɔ ƒui bɛklibi lɛlɔ na bɛvia Yordan Ketu na biteesie kalɔ kani na ndubuti lite-mii kemmo.

Petro 1 3:15

Mmomu bitaabu Kristo aani Blɔti. Na si ukyuli ɔdi uuye-mii lɛla lɛni lɛlɔ na bɛsia anu lɛni ni, binye kagyumana na bidie lɛlɔ kenye. Nsu bɛbla ɔmɛni ku udu buɛɛ ku lɛlɔ kalɔ buboku.