Bumomo Bɔka 19:9 - Katɔti Ɔku Kedee

⁹ “Na ukyuli ɔni nse sɛɛn ndubɔbuma akɔ ntɔ bɔmmɔ utéwi kesii kani nse sɛɛn na bana keliekɔ kammɔ kama. Na ntɔ bɔmmɔ bɔdubuwi mmɔ bute Israelƒuɔ kadi kammɔ na beteewi ntu kemmo taabla lɛlɔ bɔbla sɛɛn ɔdi.

Bumomo Bɔka 19:9 ပူးပေါင်းရင်းမြစ်များ

Lewiƒuɔ Ɔda Bubo 15:20

“ ‘Na lɛla biala lɛlɔ na welie iye watɛ na nwuna ɔtɔ bɔlɛ uwi lɛdubuse lɛlɔ.

Sakaria 13:1

“Libiɔ lɛdi lɛdubo bɔkya na uwi ɔni mebo kemmo, na nina kemmo na Dawid bebi ku bawɔ badubɔkana na baƒɔ bana ekpidi ku bɔƒiɔ ƒui bedie lɛlɔ.”

Bumomo Bɔka 19:13

Na ukyuli biala meti kɔnu metuku ukpine na uni na utabla sɛɛn bɔbla ɔdi ɔmmɔ ni, ɔ́ya na Unwoti kakpakɔ keesé lɛlɔ, na ɔlɛka bada ukyuli ɔmmɔ bedie Israelƒuɔ akɔ. Ɔsika batakuna ntu bɔni mɔbla sɛɛn bétewi-nwu lɛlɔ ɔsu uusé lɛlɔ. Na nwuna sɛɛn tabla ɔmmɔ ɔkya-nwu lɛlɔ.

Bumomo Bɔka 19:17

“Asa na ukyuli ɔni muusé lɛlɔ mmɔ ɔdubɔbla sɛɛn ni, ɔlɛka bama akɔ ugyiedi ntɔ bɔni bákyula na amu muudie likpidi na ukyuli lɛlɔ mmɔ bɔdi. Na beti ntɔ bɔmmɔ bewi libui kemmo na bedu ntu bɔbuni bewi-nwu kemmo.

Bumomo Bɔka 19:18

Na ukyuli ɔni nse sɛɛn na ulese lɛlɔ ɔlɛka ɔwia hisope lɛla lɛni lɛdia ntu bɔkuna buwi lɛla lɛdi lɛlɔ. Na uti ɔkya ntu libui lɛmmɔ kemmo na ɔkuna uwi Adi Kevo ɔtɔ ɔni na ukyuli úkpi-nwu kemmo mmɔ ku bekyuli bani nákya mmɔ ƒui. Kunyɔdi ukyuli ɔni nse sɛɛn ɔlɛka ɔkuna ntu bɔmmɔ uwi ukyuli ɔni nétuku ukpine likubi iye utuku ukpine ɔni na bádu iye anwu ɔlati nékpi iye kaƒiɔtɔ.

Bumomo Bɔka 19:3

Na beti-nwu beboku ɔkpane Eleasar, na beti akɔ ammɔ balɛku bana keliekɔ mmɔ bésienku kama na badu-nwu mmɔ na ɔkpane ɔmmɔ anumi.

Bumomo Bɔka 19:8

Na ukyuli ɔni nákyula akɔ ammɔ lɛnɔ ɔlɛka ɔƒɔ nwuna adala na ɔkpi ntu, nsu anwu lɛnɔ ɔɔɔdubo buse sɛɛn utédu useyi uwi.

Bumomo Bɔka 6:12

Na ɔlɛka ɔsɔku lɛlɔ ɔbla sɛsɛɛ kedee ute Unwoti na uwi ɔni ɔ́ƒuna ka udie lɛlɔ lɛti use ute Unwoti mmɔ utédu kenye. Na ɔlɛka ɔwia koƒonu ubi kɔni nákɛ lɛkwa linwi uboku na beti-ku babla kɔtɔ bukpi akpala. Na uwi ɔni návi na nka údie lɛlɔ lɛti mmɔ uuubunku, ɔsika uwi ɔmmɔ kemmo na úbile lɛlɔ na uusé lɛlɔ mmɔ.

Bumomo Bɔka 8:7

Na ulu ɔmɛni lɛlɔ na adubɔsia na abla-ma sɛɛn ɔdi ɔmmɔ. Kuna sɛɛn bɔbla ntu bɔmmɔ wi-ma lɛlɔ, na aya na bana ɔdi biala ukpeyi nwuna ɔlɔna linwini ƒui udie lɛlɔ na baƒɔ bana adala ƒui, na bana lɛlɔ lɛdubɔbla sɛɛn.

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Hebriƒuɔ 9:13

Bekyuli bani nábla ala ani náya na beesé lɛlɔ na ɔdi ala bɔbla kenye ni, baakana na beeti bese ku bakɔ ubugya ku bebuo bamɛni ntɔ teewi-ma lɛlɔ na bana lɛlɔ lɛɛsɔ taabla sɛɛn ute ɔdi ala bɔbla.