Bumomo Bɔka 19:7 - Katɔti Ɔku Kedee

⁷ Na si ɔ́bla ala ammɔ ƒui ɔ́wɔlɔ ni, ɔlɛka utáƒɔ nwuna adala na ɔkpi ntu. Na ammɔ kama ɔkana na unwini utéduo bana kakyakɔ mmɔ. Nsu nwuna lɛlɔ lɛɛɛdubo buse sɛɛn wetédu useyi uwi.

Bumomo Bɔka 19:7 ပူးပေါင်းရင်းမြစ်များ

Lewiƒuɔ Ɔda Bubo 11:24

“ ‘Ukyuli biala metuku ala ani muusé lɛlɔ mɛni ukpine ɔdubuse lɛlɔ utédu useyi uwi.

Lewiƒuɔ Ɔda Bubo 11:25

Na ukyuli biala magyu nwuna lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.

Lewiƒuɔ Ɔda Bubo 11:27

Na bebuo bani ƒui na bebo lɛgba ine na baakpɛ́ kalɔ ku bebuo bani mbo akɔkɔ badi bebuo bani muusé lɛlɔ. Na ukyuli biala metuku bana bekpine ɔdubuse lɛlɔ utédu useyi uwi asa na wabla sɛɛn.

Lewiƒuɔ Ɔda Bubo 11:28

Na ukyuli biala metuku bana lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.

Lewiƒuɔ Ɔda Bubo 11:31

ku bana udu bani mɔɔkpɛ́ kalɔ ƒui beesé lɛlɔ. Na ukyuli biala metuku bana ukpine ɔdubuse lɛlɔ utédu useyi uwi asa na ɔdubɔbla sɛɛn.

Lewiƒuɔ Ɔda Bubo 11:32

Na si bebuo bamɛni ɔdi úkpi ɔ́yu lɛla biala lɛlɔ ni, lɛla lɛmmɔ lɛdubuse lɛlɔ. Si ina kegyikɛ kadi lɛlɔ na ɔ́yu o-o iye kɔdi lɛlɔ o-o iye ebuo ɔku lɛlɔ o-o iye lɛla biala na ɔdia lɛla lɛdi buti bɔbla lɛlɔ na ɔ́yu o-o ni, ɔlɛka beti lɛla lɛmmɔ bakya ntu kemmo útédu useyi uwi asa na lɛla lɛmmɔ lɛdubɔbla sɛɛn na ɔmmɔ kama.

Lewiƒuɔ Ɔda Bubo 11:39

“ ‘Na si bebuo bani lɛlɔ na béte-mii kuƒi ka bɛkun ɔdi úkpi ni, ukyuli biala metuku nwuna ukpine ɔdubuse lɛlɔ utédu useyi uwi.

Lewiƒuɔ Ɔda Bubo 11:40

Na ukyuli biala makun lɛna lɛmmɔ lɛdi ɔlɛka ɔƒɔ nwuna adi na useyi uwi asa na ɔdubɔbla sɛɛn. Na ukyuli biala magyu nwuna ukpine lɛnɔ ɔlɛka ɔƒɔ nwuna adala asa na ɔdubɔbla sɛɛn.

Lewiƒuɔ Ɔda Bubo 14:46

“Ukyuli ɔni ndubusie kaduli kammɔ na uwi ɔni na bákalɛ-ka bényene mmɔ ɔdubuse lɛlɔ limeyi limodi utálɛ useyi uwi.

Lewiƒuɔ Ɔda Bubo 15:5

Na ukyuli biala metuku ɔnana ɔmmɔ atɛla ɔlɛka ɔƒɔ nwuna adala na ɔkpi ntu na ɔmu ɔdubuse lɛlɔ utédu useyi uwi.

Lewiƒuɔ Ɔda Bubo 22:6

Ukyuli ɔni nétuku ala amɛni ɔdi ɔdubuse lɛlɔ utédu useyi uwi na útalɛka ɔdi adila kedee ammɔ adi útédu ka ɔ́kpi ntu.

Bumomo Bɔka 19:10

Na ɔnana ɔni mabuma ntɔ bɔmmɔ lɛnɔ ɔlɛka ɔƒɔ nwuna adala, na ɔɔɔdubo buse sɛɛn wetédu useyi uwi. Ɔda ubo bɔmɛni buse bute Israelƒuɔ ku baƒɔ bani nkya-ma akɔ úte uwi ƒui.

Bumomo Bɔka 19:19

Na limeyi lɛtɛdi ku maatɛdi lɛlɔ ni, ukyuli ɔni nse sɛɛn ɔkuna ntu bɔmmɔ uwi ukyuli ɔni neeese sɛɛn mmɔ lɛlɔ. Na limeyi maatɛdi lɛlɔ ukyuli mmɔ ɔlɛka ɔƒɔ nwuna adala na ɔkpi ntu. Na ɔmmɔ kama ukyuli ɔni nákuna ntu bɔmmɔ úwi lɛlɔ mmɔ ɔbla-nwu sɛɛn. Na si ɔƒɔ na ukyuli mmɔ ɔbla sɛɛn.

Bumomo Bɔka 19:21

Na ɔda bubo bɔmɛni buse busela uwi ƒui. Na ukyuli ɔni maakuna ntu bɔni mɔɔyá ukyuli ɔɔbla sɛɛn mmɔ mewi ukyuli ɔdi ɔlɛka anwu lɛnɔ ɔƒɔ nwuna adala. Na ukyuli biala meetuku ntu bɔdi ɔdubuse lɛlɔ wetédu useyi uwi.

Bumomo Bɔka 19:22

Ukyuli biala na ukyuli ɔni lɛlɔ muusé lɛlɔ weti kɔnu wetuku-nwu ɔdubuse lɛlɔ. Na ukyuli biala lɛnɔ metuku-nwu ɔdubuse lɛlɔ wetédu useyi uwi.”

Bumomo Bɔka 19:8

Na ukyuli ɔni nákyula akɔ ammɔ lɛnɔ ɔlɛka ɔƒɔ nwuna adala na ɔkpi ntu, nsu anwu lɛnɔ ɔɔɔdubo buse sɛɛn utédu useyi uwi.

Hebriƒuɔ 13:11

Mmɔ na ɔkpane unengudi uuti bebuo ubugya teeduoku kesii kani nse kedee ntulo ƒui mmɔ. Na uusié mmɔ taatákpa teevele ala na bekyuli ekpidi lili. Nsu baakyula bebuo bammɔ na kabanye.