Bumomo Bɔka 19:20 - Katɔti Ɔku Kedee

²⁰ “Nsu si ukyuli ɔdi ɔkya-mii akɔ na úni na útabla lɛlɔ sɛɛn ɔlɛka bada-nwu bedie bina akɔ. Ɔsika uti eƒi utuku Unwoti kakpakɔ ka béteti ntu bɔni mɔɔbla ukyuli ɔni eƒi akya-nwu lɛlɔ betewi-nwu lɛlɔ ɔsu. Ɔmmɔ ɔsu na uuse lɛlɔ.

Bumomo Bɔka 19:20 ပူးပေါင်းရင်းမြစ်များ

Ala Kalɔ Buse 17:14

Ɔnana biala na útekulo tɔ lego ni, ɔdubukulo kɔna kɔni nkya anwu ku mina bekyuli ntɛ, ɔsika útadi mina bunyimi lɛlɔ.”

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”

Lewiƒuɔ Ɔda Bubo 15:31

“ ‘Ɔdi ka aya na Israelƒuɔ bada lɛlɔ bedie ala ani muusé lɛlɔ kudɔ kalɛ na beléteese lɛlɔ na bekpi na ɔmmɔ ɔsu ka badubɔya na mina keliekɔ kani nkya-ma akɔ keteese lɛlɔ ɔsu.’ ”

Lewiƒuɔ Ɔda Bubo 17:16

Nsu si úni na útaƒɔ nwuna adala na útakpi ntu ni, anwu ɔlati nwuna etila na adi.’ ”

Lewiƒuɔ Ɔda Bubo 22:4

“ ‘Si ɔlɔna ɔlɛgyie uukpóku Aaron bawɔ ɔdi iye ɔdi ubo kanɔkɔ ɔlɛ ni, utalɛka ɔdi akpala adila adi útédu ka nwuna lɛlɔ lɛ́bla sɛɛn. Nwuna lɛlɔ lɛdubuse lɛlɔ lɛnɔ si útuku lɛla lɛni nétuku ukpine na liisé lɛlɔ iye si útuku ɔnana ɔni na lɛlɔ líbo-nwu,

Bumomo Bɔka 15:30

“ ‘Nsu si ukyuli ɔdi ɔgyi nwaa asa na ɔ́bla likpidi lɛdi na ɔdi ɔmantɛ ubi iye ɔdi ɔƒɔ ni, ukyuli ɔmmɔ udu ɔlɛka bada-nwu bedie bina akɔ.

Bumomo Bɔka 19:13

Na ukyuli biala meti kɔnu metuku ukpine na uni na utabla sɛɛn bɔbla ɔdi ɔmmɔ ni, ɔ́ya na Unwoti kakpakɔ keesé lɛlɔ, na ɔlɛka bada ukyuli ɔmmɔ bedie Israelƒuɔ akɔ. Ɔsika batakuna ntu bɔni mɔbla sɛɛn bétewi-nwu lɛlɔ ɔsu uusé lɛlɔ. Na nwuna sɛɛn tabla ɔmmɔ ɔkya-nwu lɛlɔ.

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Marko 16:16

Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”