Bumomo Bɔka 19:13 - Katɔti Ɔku Kedee

¹³ Na ukyuli biala meti kɔnu metuku ukpine na uni na utabla sɛɛn bɔbla ɔdi ɔmmɔ ni, ɔ́ya na Unwoti kakpakɔ keesé lɛlɔ, na ɔlɛka bada ukyuli ɔmmɔ bedie Israelƒuɔ akɔ. Ɔsika batakuna ntu bɔni mɔbla sɛɛn bétewi-nwu lɛlɔ ɔsu uusé lɛlɔ. Na nwuna sɛɛn tabla ɔmmɔ ɔkya-nwu lɛlɔ.

Bumomo Bɔka 19:13 ပူးပေါင်းရင်းမြစ်များ

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Esekiel 44:26

Si ɔkpane ɔdi útuku ukpine ni, úbile lɛlɔ likisi na ɔsɔ uuuse sɛɛn. Na ɔlɛka ɔbla lɛlɔ bɔbla sɛɛn ɔdi. Na emeyi maatɛ kama ni,

Lewiƒuɔ Ɔda Bubo 15:31

“ ‘Ɔdi ka aya na Israelƒuɔ bada lɛlɔ bedie ala ani muusé lɛlɔ kudɔ kalɛ na beléteese lɛlɔ na bekpi na ɔmmɔ ɔsu ka badubɔya na mina keliekɔ kani nkya-ma akɔ keteese lɛlɔ ɔsu.’ ”

Lewiƒuɔ Ɔda Bubo 20:3

Ndubuti mina lɛnumi lɛlɛ ukyuli ɔmmɔ lɛlɔ na likulo-nwu lidie nwuna badi akɔ, ɔsika ubidi ɔni úti úte Molek mmɔ ɔ́ya na mina Adi Kevo keesé lɛlɔ na úbile-mi lɛnyi kedee.

Lewiƒuɔ Ɔda Bubo 22:3

“Su-ma anini, ‘Ɔ́si ɔƒɛni úsela ni, bina bawɔ bani na ɔdi ɔ́sɔ ɔsu na beeese kedee batani betede etela ani na Israelƒuɔ béboku-mi na bábla-nya sɛsɛɛ béte Unwoti si ɔɔɔdi lɛni badubɔyila ukyuli ɔmmɔ udu. Ami ndi Unwoti.

Lewiƒuɔ Ɔda Bubo 22:4

“ ‘Si ɔlɔna ɔlɛgyie uukpóku Aaron bawɔ ɔdi iye ɔdi ubo kanɔkɔ ɔlɛ ni, utalɛka ɔdi akpala adila adi útédu ka nwuna lɛlɔ lɛ́bla sɛɛn. Nwuna lɛlɔ lɛdubuse lɛlɔ lɛnɔ si útuku lɛla lɛni nétuku ukpine na liisé lɛlɔ iye si útuku ɔnana ɔni na lɛlɔ líbo-nwu,

Lewiƒuɔ Ɔda Bubo 5:17

“Ɔƒɛni si ukyuli ɔdi ɔ́bla likpidi ɔ́ƒiɔ ala ani lɛlɔ ɔda na líbo-mii mɛni ɔdi ina útati asa na ɔ́bla-nya ni, ina amu ɔ́bla likpidi, na kɔtu bɔni bɔmmɔ bɔma-nwu lɛlɔ.

Lewiƒuɔ Ɔda Bubo 5:3

“ ‘Na si ukyuli lɛlɔ lɛla lɛdi na útuku na liisé lɛlɔ ni, ina útati na úbati kama ni, ukyuli ɔmmɔ lɛnɔ únwini lɛla lɛni muusé lɛlɔ na ɔ́ƒiɔ.

Lewiƒuɔ Ɔda Bubo 5:6

Ɔmmɔ kama na uti nwuna likpidi kɔtu bɔni budie akpala uboku Unwoti anumi na likpidi lɛni na ɔ́bla ɔsu. Ɔlɛka uboku koƒonu iye ese uledi ɔsiku nwuna bebuo akɔ ute akpala ammɔ. Na ulu ɔmɛni lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 7:20

Nsu ukyuli ɔni na uuuse sɛɛn na wakun unwi bɔbla akpala lɛna lɛni nse kedee ka béti bákpa béte Unwoti ni, ndubukulo kɔna kɔni nkya anwu ku nwuna badi ntɛ.

Lewiƒuɔ Ɔda Bubo 7:21

Si ukyuli ɔdi útuku lɛla lɛni muusé lɛlɔ na ɔdi ukyuli ɔni na lɛla lɛdi lɛda o-o, ebuo na ɔdi o-o, iye lɛla bamba biala na muusé lɛlɔ na nkisi o-o, asa na ɔ́kun unwi bɔbla lɛna lɛni na béti bákpa béte-mi ni, ɔlɛka bekulo kɔna biala nkya anwu ku nwuna badi ntɛ.’ ”

Bumomo Bɔka 15:30

“ ‘Nsu si ukyuli ɔdi ɔgyi nwaa asa na ɔ́bla likpidi lɛdi na ɔdi ɔmantɛ ubi iye ɔdi ɔƒɔ ni, ukyuli ɔmmɔ udu ɔlɛka bada-nwu bedie bina akɔ.

Bumomo Bɔka 19:14

“Na si ubebo ute ka ukyuli ɔdi ukpi na nwuna kɔdi ɔtɔ kemmo ni, bekyuli bani nkya mmɔ asa na ukpi iye ukyuli biala meduo ɔtɔ ɔmmɔ kemmo ɔdubuse lɛlɔ emeyi maatɛ.

Bumomo Bɔka 19:18

Na ukyuli ɔni nse sɛɛn na ulese lɛlɔ ɔlɛka ɔwia hisope lɛla lɛni lɛdia ntu bɔkuna buwi lɛla lɛdi lɛlɔ. Na uti ɔkya ntu libui lɛmmɔ kemmo na ɔkuna uwi Adi Kevo ɔtɔ ɔni na ukyuli úkpi-nwu kemmo mmɔ ku bekyuli bani nákya mmɔ ƒui. Kunyɔdi ukyuli ɔni nse sɛɛn ɔlɛka ɔkuna ntu bɔmmɔ uwi ukyuli ɔni nétuku ukpine likubi iye utuku ukpine ɔni na bádu iye anwu ɔlati nékpi iye kaƒiɔtɔ.

Bumomo Bɔka 19:19

Na limeyi lɛtɛdi ku maatɛdi lɛlɔ ni, ukyuli ɔni nse sɛɛn ɔkuna ntu bɔmmɔ uwi ukyuli ɔni neeese sɛɛn mmɔ lɛlɔ. Na limeyi maatɛdi lɛlɔ ukyuli mmɔ ɔlɛka ɔƒɔ nwuna adala na ɔkpi ntu. Na ɔmmɔ kama ukyuli ɔni nákuna ntu bɔmmɔ úwi lɛlɔ mmɔ ɔbla-nwu sɛɛn. Na si ɔƒɔ na ukyuli mmɔ ɔbla sɛɛn.

Bumomo Bɔka 19:20

“Nsu si ukyuli ɔdi ɔkya-mii akɔ na úni na útabla lɛlɔ sɛɛn ɔlɛka bada-nwu bedie bina akɔ. Ɔsika uti eƒi utuku Unwoti kakpakɔ ka béteti ntu bɔni mɔɔbla ukyuli ɔni eƒi akya-nwu lɛlɔ betewi-nwu lɛlɔ ɔsu. Ɔmmɔ ɔsu na uuse lɛlɔ.

Bumomo Bɔka 19:9

“Na ukyuli ɔni nse sɛɛn ndubɔbuma akɔ ntɔ bɔmmɔ utéwi kesii kani nse sɛɛn na bana keliekɔ kammɔ kama. Na ntɔ bɔmmɔ bɔdubuwi mmɔ bute Israelƒuɔ kadi kammɔ na beteewi ntu kemmo taabla lɛlɔ bɔbla sɛɛn ɔdi.

Bumomo Bɔka 8:7

Na ulu ɔmɛni lɛlɔ na adubɔsia na abla-ma sɛɛn ɔdi ɔmmɔ. Kuna sɛɛn bɔbla ntu bɔmmɔ wi-ma lɛlɔ, na aya na bana ɔdi biala ukpeyi nwuna ɔlɔna linwini ƒui udie lɛlɔ na baƒɔ bana adala ƒui, na bana lɛlɔ lɛdubɔbla sɛɛn.

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.