Bumomo Bɔka 19:11 - Katɔti Ɔku Kedee

¹¹ “Ukyuli biala meti kɔnu metuku ukpine ɔdi ɔ́sɔ na ulése sɛɛn emeyi maatɛ.

Bumomo Bɔka 19:11 ပူးပေါင်းရင်းမြစ်များ

Yesaia 52:11

Bɛda Babel ɔma unengudi ɔmmɔ biwi na bɛlɛ-nwu kemmo! Na bitetuku lɛla lɛni muusé lɛlɔ lɛdi. Na bɛƒɔ bina adala ƒui amii bani nti Unwoti lɛlɔ ala ani nse kedee.

Kɔnyana Buwulo 4:14

Sɔsɔ geen na ɔdi ka bekyuli ubugya ɔ́ƒɔ kenye bediene bammɔ ku bakpane bammɔ enu. Na ukyuli biala ɔsɔ ulayɔ ka ɔni ude-ma uwi ɔni na bakɛ beesié taasɔ na lɛblɔnu ƒui lɛlɔ.

Esekiel 39:12

“ ‘Abuli maatɛ na Israelƒuɔ badubo buti bɔva bekpine bammɔ na babla bana kalɔ kammɔ sɛɛn.

Esekiel 44:26

Si ɔkpane ɔdi útuku ukpine ni, úbile lɛlɔ likisi na ɔsɔ uuuse sɛɛn. Na ɔlɛka ɔbla lɛlɔ bɔbla sɛɛn ɔdi. Na emeyi maatɛ kama ni,

Lewiƒuɔ Ɔda Bubo 11:31

ku bana udu bani mɔɔkpɛ́ kalɔ ƒui beesé lɛlɔ. Na ukyuli biala metuku bana ukpine ɔdubuse lɛlɔ utédu useyi uwi asa na ɔdubɔbla sɛɛn.

Lewiƒuɔ Ɔda Bubo 21:1

Amu na Unwoti ɔ́su Mose ɔnini, “Su Aaron bebi bani ndi bakpane anini, ‘Ɔdi biala utaƒuƒwɛ nwuna lɛlɔ bekyuli bani nékpi iye ɔni ude ukpine biala kalɛ kalɛ na ɔya na ɔsɔ na nwuna lɛlɔ lilabla sɛɛn,

Lewiƒuɔ Ɔda Bubo 21:11

Útalɛ ka uduo kesii kani na ukpine ɔtɛ na ubile lɛlɔ na ulése sɛɛn ina ɔti iye uni na ɔdi,

Lewiƒuɔ Ɔda Bubo 22:4

“ ‘Si ɔlɔna ɔlɛgyie uukpóku Aaron bawɔ ɔdi iye ɔdi ubo kanɔkɔ ɔlɛ ni, utalɛka ɔdi akpala adila adi útédu ka nwuna lɛlɔ lɛ́bla sɛɛn. Nwuna lɛlɔ lɛdubuse lɛlɔ lɛnɔ si útuku lɛla lɛni nétuku ukpine na liisé lɛlɔ iye si útuku ɔnana ɔni na lɛlɔ líbo-nwu,

Lewiƒuɔ Ɔda Bubo 5:2

“ ‘Na si ɔdi útuku lɛla lɛni muusé lɛlɔ aani ebuo ukpine iye ebuo ɔni na muusé lɛlɔ iye bebweyi bani mɔɔví kalɔ, ina útati ni, ukyuli ɔmmɔ únwini ukyuli ɔni muusé lɛlɔ na ɔ́ƒiɔ.

Hagai 2:13

Amu na Hagai úye ɔnini, “Na si úbo úte ka ukyuli ɔdi útuku ukpine na ɔda bubo bɔɔtina ka útamanku ka ɔkpa Unwoti ni, si ukyuli ɔmɛni útuku adila amɛni ni, ɔɔtina ka ala ammɔ lɛnɔ eesé lɛlɔ?” Amu na bakpane bammɔ bédie kenye banini, “Unyeƒi biala uuubo ka ala ammɔ eesé lɛlɔ.”

Bumomo Bɔka 19:16

Na ukyuli biala metuku ukyuli ɔni bébo-nwu bádu iye anwu alati kukpi na úkpi iye útuku ukpine likubi iye kaƒiɔtɔ ni, ukyuli ɔmmɔ ɔdubuse lɛlɔ emeyi maatɛ.

Bumomo Bɔka 31:19

“Na bina akɔ ɔdi biala na ɔ́du ukyuli ɔdi iye úti kɔnu útuku ukpine ɔmmɔ ɔdi ulie kakyakɔ kama emeyi maatɛ. Na limeyi lɛtɛdi ku maatɛdi lɛlɔ ni, amii ku bekyuli beƒiedi bammɔ ƒui bɛbla lɛlɔ sɛɛn.

Bumomo Bɔka 5:2

“Kɔ lɛsa na asu Israelƒuɔ anii ukyuli biala na ɔlɛgyie ɔni mɔɔví uwi-nwu lɛlɔ iye ntu bukpidi bɔdi buuwi-nwu iye úti kɔnu útuku ukpine ɔdi ni, ɔlɛka bada-nwu bedie bana kakyakɔ kɔnakunwi.

Bumomo Bɔka 6:6

Na ɔ́si uwi ɔni na údie lɛlɔ sɛsɛɛ úse úte Unwoti mɛni ni, utalɛka ɔni ude ukpine ɔdi.

Bumomo Bɔka 9:10

“Kɔ lɛsa na asu Israelƒuɔ anini, ‘Si úbo úte ka bina akɔ ɔdi ɔ́sɔ na uuuse sɛɛn ka nwuna lɛlɔ ukyuli ɔdi kukpi ɔsu iye nwuna ulu busie bɔdi ɔsu ni, bamu bebo kuƒi ka badi Kukpi Lili Bɔvia Limeyi.

Bumomo Bɔka 9:6

Nsu bana badi bátakana na badi limeyi lɛmmɔ na bana lɛlɔ ukyuli ɔdi kukpi ɔsu. Ɔmmɔ ɔ́ya na básɔ na basɔ beeese sɛɛn na ukpine ɔmmɔ ɔsu. Anwuɔsu báni béde Mose ku Aaron limeyi lɛmmɔ lɛlɔ kani

Batalane Kabla 21:26

Anwuɔsu ka kadi kégye ni, Paulo útiku banana bammɔ na bésie batábla lɛlɔ buveli ɔdi ɔmmɔ. Nwuna kama úsie Yudaƒuɔ kakpakɔ na útéte bakpane bɔti emeyi ani kama asa na lɛlɔ buveli ɔdi ɔmmɔ webo kawɔlɔkɔ kalɛ na beti etela beboku na babla akpala na bana lili.

Batalane Kabla 21:27

Amu ka kébu blii na emeyi maatɛ ammɔ edu ni, Yudaƒuɔ badi bási Asia kalɛkɛ bábanu Paulo na Yudaƒuɔ kakpakɔ mmɔ. Amu na bátásala bekyuli badi lisu na bétéƒie-nwu.

Romaƒuɔ 5:12

Likpidi lɛ́sia ukyuli unwi lɛlɔ na líbo kayawi, na likpidi lɛmmɔ lɛdanku kukpi líboku kayawi. Ɔmɛni ɔsu kukpi kúbo ukyuli biala lɛlɔ. Ɔsika ukyuli biala ɔ́bla likpidi.

Korintoƒuɔ 2 6:17

Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.