Bumomo Bɔka 18:8 - Katɔti Ɔku Kedee

⁸ Ɔmmɔ kama Unwoti ɔ́su Aaron ɔnini, “Ami ɔlati néti-ɔ líse etela biala na béti béboku-mi kenye. Na etela kedee biala na Israelƒuɔ badubuti buboku-mi ni, lɛ́sɔku-nya muute awɔ ku ƒula bebi bananabi aani bina kadikɔ ku lɛla lɛni na ɔdi ka bitaakɛ.

Bumomo Bɔka 18:8 ပူးပေါင်းရင်းမြစ်များ

Baga 2 12:16

Na egulabi ani na baakɛ́ taasiku bɔƒiɔ ku ekpidi lili buvele atela ani na bekyuli beeboku ni, beléboku-nya Unwoti kakpakɔ mmɔ beeti-nya teete bakpane, ɔsika ama ɔdi na ɔdi.

Ala Alɛdi 2 31:4

Hesekia ɔ́su Yerusalemƒuɔ bammɔ ka beboku etela ani na badubuti bete bakpane ku Lewiƒuɔ bammɔ kalɛ na bakɛ uwi babla Katɔti kabla na bana kabla kani kenye na benye kemmo.

Ala Alɛdi 2 31:5

Uwi ɔni kani na bekyuli bamɛni bénu lɛla lɛni na ɔga ɔɔwia ka babla mmɔ ni, béti bana akɛla lɛkpa leevudi béboku úbunku anta ku kamu udu edula ani na bebo ku nnɔ ku uwɔ ku edula bamba lɛnɔ.

Israelƒuɔ Bɔlɛ 28:43

Na uwi biala na beeduo Adi Kevo kammɔ kemmo iye bébo bababla ɔkpane kabla na mina lɛkpabi kudɔ ni, na baláni lɛtuni beleboku lɛlɔ na ɔdi wekpi. “Na ɔda bubo bɔmɛni bɔdubuse bute anwu ku nwuna kaba bebi úsela uwi ƒui.”

Israelƒuɔ Bɔlɛ 29:21

Na eti ubugya ɔmmɔ ɔdi na eti nnɔmii bɔni na eti éwi Aaron lili mmɔ ɔdi ewi ubugya ɔmmɔ kemmo. Na akuna ewi Aaron ku lɛwu lɛni na ɔkya mmɔ lɛlɔ. Na asɔ akuna ɔdi ewi nwuna bebi ku bana lɛwu lɛlɔ. Na ɔmɛni ndubɔtina ka bése-ma bakpane bete-mi.

Israelƒuɔ Bɔlɛ 29:29

Na si Aaron úkpi ni, ɔlɛka beti nwuna ɔkpane lɛwu bete nwuna bebi bani mɔɔdi nwuna ala aani ɔkpane unegudi kalɛ. Na ɔlɛka ala ɔdine ɔmmɔ ɔkya lɛwu lɛmmɔ emeyi maatɛ ani kemmo na beesé-nwu ɔkpane mmɔ.

Israelƒuɔ Bɔlɛ 40:13

Na ɔmmɔ kama na eti ɔkpane awu kedee ɔmmɔ akya Aaron na awɛɛ-nwu nnɔmii kedee bɔmmɔ ese-nwu likpo. Kalɛ wakana na wabla ɔkpane wete-mi.

Israelƒuɔ Bɔlɛ 40:15

Na awɛɛ-ma nnɔmii ese-ma likpo aani kalɛ kani na áwɛɛ bana ɔti kalɛ ama lɛnɔ babla bakpane bete-mi. Na likpose nnɔmii bɔwɛɛ bɔmɛni bɔdubo bɔbla lɛla lɛni ndubo buse bute bakpane ƒui usela uwi ƒui.”

Yesaia 10:27

Limeyi lɛmmɔ lɛlɔ na Unwoti ɔdubɔya na kalɛ na nwuna kadi bekyuli bakya bekyuli bamba kalɔ baabla-ma kabla ɔdubɔwɔ. Na ɔƒɛ bana lɛlɔ bɔdi kɔgba kɔni nda-mii amɔ ku amangba udie-mii lɛlɔ.

Lewiƒuɔ Ɔda Bubo 21:10

“ ‘Ɔkpane unengudi ɔni na béwi-nwu lili nnɔmii bése-nwu likpo na nwuna banwani akɔ ka ɔkya ɔkpane lɛwu lɛmmɔ utalɛ ka ɔnyonu nwuna kuli linwini uwi kalɛ kalɛ iye ɔni nwuna awu ɔbwɛ ka kekwa kada-nwu ɔsu.

Lewiƒuɔ Ɔda Bubo 23:20

“ ‘Na ɔkpane ɔmmɔ ɔdubuti baƒonu inyɔ bammɔ ɔkɔliku katɔ ɔtina Unwoti ubo kudu ku edula ebi edeedi bodobodo ɔmmɔ. Na adi Unwoti akpala kedee ani ndi ɔkpane ɔmmɔ adi.

Lewiƒuɔ Ɔda Bubo 6:16

Ɔƒɛni ɔlaaƒɔ ɔni mebu ni, Aaron ku nwuna bebi ɔdi ɔdidi na ɔdi, nsu bɔnyii butakya-nwu kemmo asa badi adila ammɔ na kesii kani na bédie bése sɛsɛɛ na Unwoti Adi Kevo kaduli kemmo mmɔ.

Lewiƒuɔ Ɔda Bubo 6:18

Ɔnana biala na Aaron bebi akɔ ɔkana na ɔdi adila ammɔ. Ɔsika adi bana kadikɔ na ala ani na bákyula béte-mi kemmo úsie bina kaba kaba kemmo bekyuli ƒui akɔ. Na lɛla biala nétuku ala ammɔ adubɔbla kedee. Na ukyuli biala metuku ala ammɔ lɛnɔ ɔ́bla kedee.’ ”

Lewiƒuɔ Ɔda Bubo 6:20

“Akpala ani ndubo-ɔ bɔtina mɛni ndi akpala ani na Aaron ku nwuna bebi bananabi badubuti beboku-mi na limeyi lɛni lɛlɔ na badubuwi bana ɔdi nnɔmii lili na bese-nwu likpo. Ɔlaaƒɔ sɛɛn ɔni mabla aani antabi lɛkyami linwi na badubuti beboku aani limeyi ndi limeyi etela ani beele kakɛ ɔtanta ku kakɛ useyi uwi.

Lewiƒuɔ Ɔda Bubo 6:26

Na ɔkpane ɔni nábla ekpidi bɔkyiɛ akpala ammɔ ubo nwuna kadikɔ. Na kadikɔ kammɔ ni, Unwoti Adi Kevo kaduli kesii kani nse kedee mmɔ na badubɔdi adila ammɔ.

Lewiƒuɔ Ɔda Bubo 7:14

Na ala eƒidi amɛni akɔ ni, ɔdubudie ɔdi biala unwi unwi aani lɛla lɛni na anwu lɛnɔ úti uute Unwoti. Na ala ammɔ adubunwini ɔkpane ɔdi anwu ɔni néti unwi bɔbla akpala ammɔ ubugya ɔ́kuna úwi lɛkpabi lɛmmɔ lɛlɔ.

Lewiƒuɔ Ɔda Bubo 7:28

Amu na Unwoti ɔ́su Mose ɔnini,

Lewiƒuɔ Ɔda Bubo 7:6

Ɔnana biala na bakpane bammɔ akɔ ɔdubɔkana na ɔkun lɛna lɛmmɔ lɛdi na Unwoti Adi Kevo kammɔ kaduli kesii kani na bédie bése sɛsɛɛ na use kedee ƒui mmɔ.

Lewiƒuɔ Ɔda Bubo 8:30

Anwuɔsu Mose úti nnɔmii bɔni na ɔdubuti use Aaron likpo mmɔ ku ubugya ɔni nsia lɛkpabi lɛlɔ mmɔ ɔdi na ɔ́kuna-nwu úwi Aaron lɛlɔ ku nwuna lɛkpa lɛwu gyɔlɔɔ lɛmmɔ lɛlɔ ku nwuna bebi bananabi bammɔ. Na ɔ́ƒuna-nwu úse sɛsɛɛ na ɔ́bla-nwu kedee ku nwuna lɛwu ku nwuna bebi bananabi lɛwu ƒui lɛnɔ.

Bumomo Bɔka 18:9

Na akpala kedee ani na balákyula na lɛkpabi lɛlɔ aani edula ebi akpala ku likpidi lili buvele akpala biala adi bina ɔdi. Na akpala biala na béti béboku-mi na ese kedee ƒui adi awɔ ku ƒula bebi bananabi ɔdi.

Bumomo Bɔka 5:9

Na Israelƒuɔ etela ani na bédie-nya sɛsɛɛ béboku ɔkpane adi ɔkpane ɔmmɔ adi.

Korintoƒuɔ 1 9:13

Bɛgyi kede kede ka bekyuli bani mɔɔbla kabla na Katɔti kakpakɔ ni, mmɔ na baakɛ́ bana lɛdila. Na bekyuli bani muuti akpala taatásia lɛkpabi lɛmmɔ lɛlɔ ni, beete-ma bana kadikɔ.

Lɛkpa Ulu 12:11

Na Unwoti ɔlati ɔdubudie kesii kadi use na bitaakpa-nwu. Na mmɔ na bɛdubuti bina akpala ani ƒui na úbo-mii ɔda biboku. Na akpala ammɔ ndi akpala akyuladi ku akpala bamba ku bina akɛla lɛkpa leevudi ku bina etela ku etela ani bíse kenye ka bɛdubute Unwoti.

Lɛkpa Ulu 12:6

Na mmɔ na bɛdubuti bina akpala akyuladi ku akpala bamba ku bina etela ku bina akɛla lɛkpa leevudi ku etela ani bíse kenye ka bɛdubute Unwoti ku bina kaƒɔ ƒaa etela ku bina ɔmantɛ bakɔ ku baƒonu ku bese bebi bedeedi biboku na bɛkpa bite-nwu.

Lɛkpa Ulu 18:1

Katɔti bakpane bani ndi Lewiƒuɔ beeebo kadikɔ kadi na Israelƒuɔ kalɔ lɛlɔ. Mmomu bana kadikɔ ndi etela ku akpala ani na bekyuli beeboku-ma ka bakyula bete Unwoti.

Lɛkpa Ulu 26:13

Ɔmmɔ kama na asu anini, “Mina ala lɛkpa leevudi lɛni na lídie líse sɛsɛɛ líte awɔ mina Katɔti ni, ntada ntese mina kaduli. Mmomu líti ala ammɔ ƒui líboku Lewiƒuɔ ku bani naaadi Israelƒuɔ ku bekpinebi ku bekpinele aani kalɛ na ébo-mii ɔda anii mbla. Na ntata ntenye iye lɛ́yiƒala ƒula ɔda bubo bɔni ndanku ala lɛkpa leevudi bute lɛlɔ.”

Hebriƒuɔ 1:9

Awɔ mɔɔyɔ́ lɛla lɛni nse siin, na ekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.”

Yohane 1 2:20

Nsu amii ni, Kristo ɔ́ya na nwuna Kɔyu kɔ́ƒɔ-mii lɛlɔ kemmo, na bina ƒui bɛgyi Katɔti litemi geen.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.