Bumomo Bɔka 18:7 - Katɔti Ɔku Kedee

⁷ Nsu awɔ ku ƒula bebi bananabi kani na ɔlɛka bitaabla bakpane kabla biala na lɛkpabi lɛmmɔ lɛlɔ ku kakpakɔ bule kɔdi kɔmmɔ kama mmɔ. Na líti ɔkpane kabla kamɛni muute-mii aani etela kalɛ. Na ɔmmɔ kama ukyuli biala mani mede kakpakɔ kammɔ kudɔ ɔlɛka badu-nwu.”

Bumomo Bɔka 18:7 ပူးပေါင်းရင်းမြစ်များ

Kɔgya 115:10

Aaron ku bakpane kasala, bise kayi na Unwoti lɛlɔ. Anwu muubunku-mii na ɔɔgyumana-mii.

Israelƒuɔ Bɔlɛ 28:1

Amu na Unwoti ɔ́su Mose ɔnini, “Ƒ'ɔnwani Aaron ku nwuna bebi bani ndi Nadab ku Abihu ku Eleasar ku Itamar ni, lɔ-ma lɛku Israelƒuɔ bammɔ akɔ na bebo-ɔ kudɔ. Ɔsika ama ndi bekyuli bani na lɛ́ƒuna lɛ́lɛku Israelƒuɔ akɔ ka babla mina bakpane.

Israelƒuɔ Bɔlɛ 29:9

Na eti atɛntɛ aduni ammɔ ada-ma eli. Na eti bana aduni ada-ma kavobi. Na ese-ma aani mina bakpane kalɛ. Ɔsika ama ku bana bawɔ ndubo mina bakpane bɔbla úsela uwi ƒui.

Esekiel 44:15

Unwoti ɔnini, “Lewi kɔdua bebi bani ndi bakpane na bási Sadok ɔtɔ kemmo ni, bátalɛmi kama uwi ɔni na Israelƒuɔ bénwini kama bákya-mi. Anwuɔsu ama kani ndubo bakpane kabla butaabla teete-mi. Na ama ndubo bebuo ubugya ku lɛmwi buteeti taakpa-mi.

Esekiel 44:16

Ama ndubuduo mina kakpakɔ na babla akpala bete-mi na batɔnku bakladi na lɛkpa lɛmmɔ kemmo.

Esekiel 44:8

Uwi ɔni na ɔlɛka bɛsia ulu ɔbuni lɛlɔ bɛkpa-mi ni, baƒɔ mmomu na bíti bínyene kenye ka bataanu lɛkpa lɛmmɔ lɛlɛ na mina kakpakɔ.

Lewiƒuɔ Ɔda Bubo 16:2

Ɔ́su-nwu ɔnini, “Ya na ƒ'ɔnwani Aaron ɔti anii utata kalɛ kalɛ uwi ɔni na ɔɔyɔ́ na ubalɛ-mi lɛlɔ na Katɔma Kedee kemmo kesii kani na likpidi kɔtu bɔni budie libila libi Bunyimi Adaka lɛlɔ na kakpakɔ bule kɔdi kɔmmɔ kama, si ɔɔɔdi lɛni ɔdubo bukpi, ɔsika ami Unwoti mɔɔdá taalɛ libila lɛmmɔ katɔ na liƒlukutu kemmo.

Lewiƒuɔ Ɔda Bubo 7:35

Ɔmɛni ndi lɛla lɛni na bálɛ ugyii bése sɛsɛɛ béte Aaron ku nwuna bebi ɔ́siku bɔkyula ƒui akpala ani na bábla béte-mi kemmo ɔ́si limeyi lɛni na lɛ́ƒuna-ma ka bataabla ɔkpane kabla teete-mi.

Bumomo Bɔka 1:51

Anwuɔsu kesi kesii na baayɔ́ ka beti Adi Kevo kammɔ besienku uwi ɔdi iye balɛ-ka ni, Lewi kaba bekyuli bamɛni na ɔdi ka beti-ka iye balɛ-ka lɛnɔ. Na ukyuli bamba biala makpɛ mede kevo kammɔ ni, ɔlɛka badu-nwu.

Bumomo Bɔka 16:40

aani kalɛ na Unwoti úbo Mose ɔda. Na ɔmɛni ɔ́bla bɔlɛ úte Israelƒuɔ kaduɛ ka ukyuli ɔni nátasi Aaron kaba kemmo utalɛka usie Unwoti lɛkpabi kudɔ ɔnii utákyula oloƒui ute Unwoti. Na si ɔdi ɔ́bla lɛni ni, Unwoti ɔdubɔyila-nwu udu aani kalɛ na ɔ́bla Kora ku nwuna bekyuli. Na Eleasar ɔ́bla lɛla biala ɔ́siaku pɛpɛɛpɛ aani kalɛ na Unwoti úbo Mose ɔda.

Bumomo Bɔka 18:20

Amu na Unwoti ɔ́su Aaron ɔnini, “Aaadubo kadikɔ kadi bɔkɛ na Israel, na belele lɛla lɛdi lɛnɔ belete-ɔ, ɔsika ami Unwoti kani ndi ƒula kadikɔ ku lɛla lɛni nédu-ɔ na Israelƒuɔ akɔ.

Bumomo Bɔka 18:3

Na Lewiƒuɔ bammɔ badubɔkya-a kalɔ na ama ndubɔbla kabla biala na Kevo mmɔ, na bana akɔ ɔdi biala na útamanku utani utede ala kedee ani na Kevo kemmo mmɔ ku lɛkpabi lɛmmɔ, si ɔɔɔdi lɛni amii ku-ma ƒui bɛdubo bukpi.

Bumomo Bɔka 3:10

Na aƒuna Aaron ku nwuna bebi na bataabla bakpane kabla. Na ukyuli bamba biala ɔni makpɛ mede kevo kammɔ ni, ɔlɛka badu-nwu.”

Bumomo Bɔka 3:38

Na Mose ku Aaron ku nwuna bebi ndubo ɔtɔ ɔmmɔ anumi kakɛ kesii kani nésie ɔƒɛ katukɔ kakɛ bulie. Na ama ndubo katɔma kedee kammɔ lɛlɔ butaanu na Israelƒuɔ bammɔ kenye. Na ukyuli bamba biala ɔni ndubɔni ude mmɔ ɔdi ka badu-nwu.

Mateo 10:8

Bɛbwi balɛne na bɛgyila bekpine. Bɛbwi bani muuƒi ɔlɛgyie, na bɛgya ayu ekpidi. Bíteye ɔyikun ɔmɛni na mina kudɔ, anwuɔsu amii lɛnɔ biteti bitadi kuye.

Yohane 3:27

Yohane údie kenye ɔnini, “Ukyuli biala ulakɛ lɛla lɛdi si ɔɔɔdi Katɔti néte-nwu lɛla lɛmmɔ.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Lɛkpa Ulu 18:2

Na Lewiƒuɔ bamɛni beeebo kuƒi ka bakɛ kalɔ kadi bete lɛlɔ aani kalɛ na adua bakladi bekyuli bebo kalɛ. Bana kɔsia kani ndi ka badi bakpane bete Unwoti aani kalɛ na anwu Unwoti úse kenye úse.

Hebriƒuɔ 5:4

Ukyuli ɔdi ulakana ɔkpane unengudi kenyekɔ kamɛni bɔƒuna bute lɛlɔ. Mmomu ɔdi ka Katɔti náƒuna-nwu aani kalɛ na ɔ́ƒuna Aaron.

Yosua 18:7

Na Lewiƒuɔ bani nkya-mii akɔ bitete-ma kalɔ kadi. Ɔsika bana kabla ndi ka beteeti akpala teete Unwoti kani. Na Gad kaba ku Ruben kaba ku Manase kaba kakɛ amu ni, Mose ɔni ndi Unwoti kabla ɔblane úle bana kalɔ úte-ma na Yordan Ketu ɔvi úti úsie ɔƒɛ katukɔ kakɛ.”

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.

Petro 1 5:3

Bitanya bekyuli bani lɛlɔ bɛɛnu bitamana, mmomu bɛbla bekyuli bani na banu-mii udu batɛya.

Samuel 1 2:28

Ƒ'ɔti kaba kemmo bekyuli na lɛ́ƒuna na atɔƒi bamba ƒui akɔ na Israel. Na ama kani ndubusie mina lɛkpabi lɛlɔ na bakyula oloƒui bete-mi. Na bakya bakpane awu asa benye-mi anumi bataabla-mi kabla. Na ama kani na líti bɔkyula akpala ani na Israelƒuɔ béboku kadikɔ líte.