Bumomo Bɔka 18:24 - Katɔti Ɔku Kedee

²⁴ Mmomu Israelƒuɔ ala lɛkpa leevudi lɛni beeti teeboku Unwoti aani akpala ndubɔbla bana kadikɔ. Ɔmɛni ɔsu na lɛ́su nnii, ‘Beeebo kadikɔ kadi na Israelƒuɔ akɔ.’ ”

Bumomo Bɔka 18:24 ပူးပေါင်းရင်းမြစ်များ

Nehemia 10:38

Na bakpane bani nási Aaron kaba kemmo ku Lewiƒuɔ ɔlɛka basiaku lɛlɔ asa na bataaƒɔ bekyuli bammɔ lɛkpa leevudi. Na kakpakɔ kammɔ ala ni, Lewiƒuɔ badubuti ala buyi bɔmmɔ ana lɛkpa leevudi beteesienku Katɔti kakpakɔ kavumi kemmo.

Nehemia 13:12

Amu na Israelƒuɔ bése kalɔ beeti bana etela lɛkpa leevudi ku ntɛ bɔwɔdi ku nnɔ teesienku kakpakɔ ala kesekɔ.

Lewiƒuɔ Ɔda Bubo 27:30

“ ‘Lɛla lɛkpa leevudi biala na básiku kalɔ kemmo na ɔdi kalɔ kemmo edula iye adingyii ebi ƒui adi Unwoti ɔdi. Na ese kedee ete Unwoti.

Bumomo Bɔka 18:25

Amu na Unwoti ɔ́su Mose ɔnini,

Bumomo Bɔka 18:26

“Temi te Lewiƒuɔ na asu-ma anini, ‘Ala lɛkpa leevudi lɛni lɛ́su Israelƒuɔ ka beti beboku-mii aani bina kadikɔ mmɔ si béti béboku ni, amii lɛnɔ bidie lɛkpa leevudi na biti bɛbla akpala bite Unwoti.

Bumomo Bɔka 26:62

Na Lewiƒuɔ banana bani nákɛ kɔbuli ku kama bumomo bɔdi mpim aavlanyɔ-ɛtɛ (23,000). Nsu ama bátaka-ma bétebunku Israelƒuɔ, ɔsika beeebo kadikɔ kadi.

Lɛkpa Ulu 10:9

Ɔmɛni ɔsu na Lewi kɔdua bekyuli beeebo kadikɔ kadi na kalɔ kammɔ kemmo aani kalɛ na adua akladi bebo kalɛ. Mmomu bana kadikɔ kakya Katɔti bɛkpa kabla kani na baabla kemmo aani kalɛ na Unwoti Katɔti ɔ́su úse.

Lɛkpa Ulu 26:12

Na lɛkwa lɛtɛdi biala kemmo ni, biti bina edula lɛkpa leevudi bite Lewiƒuɔ ku bekyuli bani naaadi Israelƒuɔ ku bekpinebi ku bekpinele kalɛ na bakɛ badi na bemo na bina lɛma kemmo.

Yosua 13:14

Nsu Lewi kaba aka ni, Mose útete-ma kalɔ kammɔ kadi. Ɔsika akpala ani na bekyuli beeti taakyula teete Israelƒuɔ Unwoti ni, ana kemmo na baakɛ bana kadikɔ aani kalɛ na Unwoti Katɔti ɔ́su úse.