Bumomo Bɔka 18:21 - Katɔti Ɔku Kedee

²¹ “Na ala ani ƒui na Israelƒuɔ bákɛ básiku bana kabla kani baabla kemmo lɛkpa leevudi ni, líti muute Lewiƒuɔ ka beti babla bana kadikɔ na Unwoti Adi Kevo kemmo kabla kani na baabla kenye.

Bumomo Bɔka 18:21 ပူးပေါင်းရင်းမြစ်များ

Ala Kalɔ Buse 14:20

Na kusɛ kusɛ kani beete Katɔti ɔni Ntulo Ƒui, ɔsika anwu néti ƒula bekisine ɔ́kya-a enu kemmo.” Amu na Abram úti ala ani ƒui na úƒie mmɔ ana lɛkpa leevudi úte ɔkpane ɔmɛni.

Ala Kalɔ Buse 47:24

Nsu si edula ammɔ ábi ni, bíti lɛkpa lɛlɔndi bite Ƒarao. Na akpa ene ani mebu ni, amii alati bɛklibi-nya bise bite amii ku bina bebi ku kaduli bekyuli kalɛ na bɛkɛ bɛdi na bɛkɛ bɛkya lɛkwa bamba.”

Ala Kalɔ Buse 47:26

Ɔmmɔ ɔsu Yoseƒ úti ɔmɛni ɔ́bla ɔda bubo úte-ma ɔkɛnku Egyipte kalɔ kammɔ ala bɔdi lɛlɔ úti úbedu ku ɔmwi kadi. Amu ntu bakpane kalɔ kani naaadi Ƒarao kadi.

Ala Alɛdi 2 31:12

etela bamba ani lɛlɔ kabla na baaadubo bɔbla kɔnakunwi kɔmmɔ ni, baaklibi-nya teese mmɔ. Na Ɔga Hesekia ku ɔkpane unengudi Asaria báƒuna Lewini ɔni baalɔ Konania na ɔɔnu ala ammɔ lɛlɔ. Na ɔnwani Simei ndi nwuna ubunkune ku Lewiƒuɔ bamba bani ndi Yehiel ku Asasia ku Natan ku Asahel ku Yerimot ku Yosabad ku Eliel ku Ismakia ku Mahat ku Benaia.

Nehemia 10:29

buse kenye bɔɔsála ku bula batɔnkune ka ewida asiaku-bu si bɔ́ta búnye ɔda bubo bɔmɛni lɛlɔ. Na bɔɔsu ka bɔdubɔdi Katɔti ɔda bubo bɔni na úti ɔ́siaku nwuna kabla ɔblane Mose lɛlɔ. Na lɛla biala na Unwoti ɔni ndi bula Katɔti úbo-bu ɔda ni, bɔdubɔdi-nwu lɛlɔ kalɛ na Katɔti ɔɔwia.

Nehemia 10:37

Na bɔdubuti bula ɔlaaƒɔ ɔni bɔ́kɛ bɔ́siku bula edula ebi ku adingyii ebi ku nnɔmii ku ntɛ bɔwɔdi busienku kakpakɔ ɔkpane ɔni nkya mmɔ lɛkwa biala na beti babla akpala. Na bɔdubuti bula ala lɛkpa leevudi busienku Lewini ɔni mɔɔví bula akpaklɔ taaƒɔ lɛkpa leevudi lɛmmɔ na likpo biala lɛni na bɔɔbla kabla.

Nehemia 10:38

Na bakpane bani nási Aaron kaba kemmo ku Lewiƒuɔ ɔlɛka basiaku lɛlɔ asa na bataaƒɔ bekyuli bammɔ lɛkpa leevudi. Na kakpakɔ kammɔ ala ni, Lewiƒuɔ badubuti ala buyi bɔmmɔ ana lɛkpa leevudi beteesienku Katɔti kakpakɔ kavumi kemmo.

Nehemia 12:44

Uwi ɔmmɔ kemmo ni, bédie bekyuli ka bátaanu kakpakɔ kammɔ etela kesekɔ lɛlɔ. Na etela ammɔ adi ndi etela lɛkpa leevudi ku edula ebi edeedi ku adingyii ebi edeedi. Na bekyuli bani na bédie mɛni mɔɔví taaƒɔ ala ammɔ na mmo bɔni nde lɛma libendi, na ama muudie bakpane ku Lewiƒuɔ ɔdi téteete-ma aani kalɛ na ɔda bubo bɔmmɔ bɔɔtina. Na bakpane ku Lewiƒuɔ bani nkya Yuda kalɛkɛ ƒui lɛlɔ lɛɛda bekyuli bammɔ ebiti.

Nehemia 12:47

Anwuɔsu ɔ́si Serubabel ku Nehemia uwi ni, Israelƒuɔ ƒui beete etela ani na beeti taanu kakpakɔ lɛnu batune ku bagyumanane lɛlɔ limeyi biala. Na beeti akpala adi teesienku Lewiƒuɔ bakladi lɛnɔ. Na Lewiƒuɔ lɛnɔ beedie Aaron kaba kemmo bebi kadikɔ teete-ma kalɛ na ɔ́manku.

Nehemia 13:12

Amu na Israelƒuɔ bése kalɔ beeti bana etela lɛkpa leevudi ku ntɛ bɔwɔdi ku nnɔ teesienku kakpakɔ ala kesekɔ.

Nehemia 13:5

Anwuɔsu úte Tobia ɔtɔ ubendi ɔni na nka béteeti edula ebi akpala ku oloƒui ku kakpakɔ kabla ala ku etela lɛkpa leevudi lɛni na bekyuli bammɔ beeyi ku ntɛ ku nnɔ bɔni beete Lewiƒuɔ ku kakpakɔ lɛnu batune ku bagyumanane teese.

Malakai 2:4

Mɔɔsu-mi ɔmɛni kalɛ na lɛkana kenye kani na líse bina ati kuuku Lewi lɛlɔ butaadi.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Bumomo Bɔka 18:6

Ami ɔlati náƒuna Lewiƒuɔ bammɔ lɛ́lɛku Israelƒuɔ akɔ líte-ɔ lɛ́bla na bese sɛsɛɛ bete Unwoti ka babla kabla na Unwoti Adi Kevo kemmo.

Bumomo Bɔka 3:6

“Kpanku Lewi kaba bekyuli boku na eti-ma abatina Aaron ɔni ndi ɔkpane na beteebunku-nwu.

Bumomo Bɔka 31:28

Na ala ani ndi bekpone bani nésie kekpokɔ adi na badi bekyuli ku ɔmantɛ bakɔ ku baƒonu ku bese ni, bedie unwi na eti leevu biala na báka ala ammɔ adi biala kemmo bete Unwoti aani lɛlɔ bɔdi enugya etela sɛsɛɛ.

Galatiƒuɔ 6:6

Ukyuli ɔni na bátina-nwu bɔƒɔtaadi kemmo etemila ni, anwu lɛnɔ ule nwuna akɛla ku ukyuli ɔni mɔɔtina-nwu ala mmɔ.

Lɛkpa Ulu 18:8

Na ɔlɛka bete-nwu adila aani kalɛ na beete bakpane bani nlie mmɔ adila ina ka nwuna kaduli bekyuli béte-nwu egulabi adi.

Hebriƒuɔ 7:5

Na ɔƒɛni ni, ɔda bubo bɔmmɔ búte Lewi kaba kemmo bebi bani nébenwini bakpane ka baƒɔ ala lɛkpa leevudi basiku bekyuli kudɔ ina ka bekyuli bamɛni badi bana banwani bani nási Abraham ɔmmɔ kaba kemmo.