Bumomo Bɔka 18:20 - Katɔti Ɔku Kedee

²⁰ Amu na Unwoti ɔ́su Aaron ɔnini, “Aaadubo kadikɔ kadi bɔkɛ na Israel, na belele lɛla lɛdi lɛnɔ belete-ɔ, ɔsika ami Unwoti kani ndi ƒula kadikɔ ku lɛla lɛni nédu-ɔ na Israelƒuɔ akɔ.

Bumomo Bɔka 18:20 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Kɔgya 142:5

Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

Kɔgya 16:5

Awɔ kani némo-mi, ɔsika awɔ ndi mina kadikɔ. Na eete-mi kusɛ kusɛ na eete-mi ala ani mɔɔwia na aada-mi kɔkɔɔkɔ.

Kɔgya 73:26

Mina kasusu ku ɔlɔna ɔdubɔyuɛ, nsu Katɔti ndi mina ɔyikun na anwu kani ndi lɛla lɛni na mɔɔwia uwi ƒui.

Kɔnyana Buwulo 3:24

Na mina kayi ɔkwalɛ kemmo ƒui ni, mɔɔsu lɛlɔ geen nnini, “Unwoti kani ndi ukyuli ɔni mɔɔwia. Na nwuna lɛlɔ kani na ndubukpo kama!”

Esekiel 44:28

“Ami ɔlati ndubo mina bakpane lɛlɔ butaanu, anwuɔsu beeebo kadikɔ kalɔ kadi bele bete-ma.

Bumomo Bɔka 18:7

Nsu awɔ ku ƒula bebi bananabi kani na ɔlɛka bitaabla bakpane kabla biala na lɛkpabi lɛmmɔ lɛlɔ ku kakpakɔ bule kɔdi kɔmmɔ kama mmɔ. Na líti ɔkpane kabla kamɛni muute-mii aani etela kalɛ. Na ɔmmɔ kama ukyuli biala mani mede kakpakɔ kammɔ kudɔ ɔlɛka badu-nwu.”

Bumomo Bɔka 26:62

Na Lewiƒuɔ banana bani nákɛ kɔbuli ku kama bumomo bɔdi mpim aavlanyɔ-ɛtɛ (23,000). Nsu ama bátaka-ma bétebunku Israelƒuɔ, ɔsika beeebo kadikɔ kadi.

Lɛkpa Ulu 10:9

Ɔmɛni ɔsu na Lewi kɔdua bekyuli beeebo kadikɔ kadi na kalɔ kammɔ kemmo aani kalɛ na adua akladi bebo kalɛ. Mmomu bana kadikɔ kakya Katɔti bɛkpa kabla kani na baabla kemmo aani kalɛ na Unwoti Katɔti ɔ́su úse.

Lɛkpa Ulu 12:12

Na amii ku bina bebi ku bina kabla bablane banana ku beleku ku Lewiƒuɔ bɛdi limeyi na mmɔ na lɛlɔ litaayɔ-mii na Katɔti anumi. Na binyimo ka Lewiƒuɔ bammɔ beeebo kadikɔ kadi na mmɔ.

Lɛkpa Ulu 14:27

Na bitedie Lewiƒuɔ bani nkya bina lɛma mmɔ atu. Mmomu bite-ma ala ammɔ adi. Ɔsika ama beeebo kadikɔ kadi na kese kete-ma.

Lɛkpa Ulu 14:29

Na edula ammɔ adi Lewiƒuɔ ku baƒɔ ku bekpinebi ku bekpinele bani nkya bina lɛma ɔdi. Na badubuteebo taabaƒɔ ala ani na baawia na badi bemo. Na si bɛɛbla ɔmɛni ni, bina Unwoti Katɔti ɔdubuteete-mi kusɛ kusɛ na bina kabla biala kemmo.

Yosua 13:14

Nsu Lewi kaba aka ni, Mose útete-ma kalɔ kammɔ kadi. Ɔsika akpala ani na bekyuli beeti taakyula teete Israelƒuɔ Unwoti ni, ana kemmo na baakɛ bana kadikɔ aani kalɛ na Unwoti Katɔti ɔ́su úse.

Yosua 13:33

Nsu Mose útéte Lewiƒuɔ kalɔ kadi. Na bɔsu na ɔ́su-ma ka bana kadikɔ ndi akpala ani na beeti taakpa teete Israelƒuɔ Unwoti Katɔti.

Yosua 14:3

Ɔsika Mose úule kalɔ kani nkya ɔƒɛ katukɔ na Yordan Ketu ɔvi úte kaba inyɔ ku kakɛ. Nsu Lewiƒuɔ bani nkya-ma akɔ ama ni, bétete-ma kadikɔ kadi.

Yosua 18:7

Na Lewiƒuɔ bani nkya-mii akɔ bitete-ma kalɔ kadi. Ɔsika bana kabla ndi ka beteeti akpala teete Unwoti kani. Na Gad kaba ku Ruben kaba ku Manase kaba kakɛ amu ni, Mose ɔni ndi Unwoti kabla ɔblane úle bana kalɔ úte-ma na Yordan Ketu ɔvi úti úsie ɔƒɛ katukɔ kakɛ.”

Budie Taatina 21:3

Na línu lɛdi bonwu lɛdi ɔ́si lɛgaboku lɛmmɔ kudɔ ka lɛɛsu lɛnini, “Bɛnu! Katɔti keliekɔ káyu kébo bekyuli akɔ. Ɔdubulie-ma kudɔ na ama benwini-nwu bekyuli. Na Katɔti ɔlati ɔkya-ma akɔ na ɔdi-ma Kɔti.