Bumomo Bɔka 18:1 - Katɔti Ɔku Kedee

¹ Amu na Unwoti ɔ́su Aaron ɔnini, “Awɔ, ku ƒula bebi ku ƒ'ɔti ɔtɔ bebi ƒui kani ndubo bɔƒiɔ biala mebo Unwoti Adi Kevo kammɔ lɛlɔ buti, na awɔ ku ƒula bebi kani ndubo bɔƒiɔ biala mebo ɔkpane bɔdi kabla kammɔ lɛlɔ buti.

Bumomo Bɔka 18:1 ပူးပေါင်းရင်းမြစ်များ

Israelƒuɔ Bɔlɛ 28:38

Kalɛkɛ kammɔ kadubɔma Aaron lɛtɛntɛ kalɛ na ɔƒɔ Israelƒuɔ likpidi biala na bábla na kakpakɔ mmɔ ɔsia lɛlɔ si bébo baabla akpala bete-mi.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Esekiel 4:4

“Na ɔmmɔ kama ni, na asɔ atɛ ƒula kɔmiinu ɔƒɛnyi unwi mmɔ laa útédu emeyi eti maatɛ ku aavlene (390) ɔni mɔɔtina abi ani na badubo bubo limeyi linwi biala lɛkwa linwi.

Lewiƒuɔ Ɔda Bubo 10:17

“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi.

Lewiƒuɔ Ɔda Bubo 22:16

na baya na ukyuli ɔni na útalɛka ɔdi adila ammɔ adi ɔdi nya na ɔƒiɔ na uti kɔtu bɔni uboku lɛlɔ. Ami ndi Unwoti ɔni nábla akpala ammɔ kedee.’ ”

Lewiƒuɔ Ɔda Bubo 22:9

“ ‘Bakpane ƒui ɔlɛka badi ɔda bubo bɔni líti muute-ma mɛni lɛlɔ kalɛ na baláƒiɔ na bekpi si bátanu ala ammɔ bátabu. Ami ndi Unwoti ɔni nédie-ma úse sɛsɛɛ líte lɛlɔ ka bese kedee.

Bumomo Bɔka 14:34

“ ‘Na ndubɔya biti akwa aavlene sɔɔn bibo abi na emeyi aavlene ani na bíti bítávi kalɔ kammɔ kemmo kenye na bina ekpidi ɔsu, na bɛnu bɛti kalɛ na use si ami Unwoti lɛ́kɛ ku bekyuli kɔnyi.’

Bumomo Bɔka 16:10

Anwu nédie amii ku Lewiƒuɔ bakladi ɔ́bla nwuna ɔdi. Nsu bɛnu, ɔƒɛni bɛɛwia ka bɛƒɔ ɔkpane kabla lɛnɔ bɛbla bina ɔdi.

Bumomo Bɔka 17:13

Na ukyuli biala mani mede Unwoti Adi Kevo kammɔ muedi ɔdubukpi. Ɔmmɔ ɔsu bula ƒui bɔdubo bukpi?”

Bumomo Bɔka 17:3

Na enweni Aaron lɛnyi asia Lewiƒuɔ ugyii lɛlɔ, ɔsika kɔdua biala ɔtɔnkune ɔdi ka ugyii unwi use-nwu.

Bumomo Bɔka 17:7

Na Mose úti ligyii lɛmmɔ úsienku Unwoti Adi Kevo kammɔ kemmo na úti-ni útése Bunyimi Adaka ɔmmɔ anumi.

Bumomo Bɔka 18:11

“Ɔmmɔ kama akpala sɛsɛɛ biala Israelƒuɔ badubuti beboku-mi adi awɔ ku ƒula bebi ɔdi. Na líti-nya muute awɔ ku ƒula bebi bananabi ku belekubi ɔƒɛni ku uwi ɔni mebo ƒui. Na ukyuli biala nási ƒula kaduli kemmo na ukyuli ɔmmɔ use sɛɛn ɔkana ɔdi ala ammɔ adi.

Bumomo Bɔka 3:6

“Kpanku Lewi kaba bekyuli boku na eti-ma abatina Aaron ɔni ndi ɔkpane na beteebunku-nwu.

Lɛkpa Ulu 10:8

Na uwi ɔni na líti atabi ammɔ lɛ́yulaku kɔbi ḿbakya Bunyimi Adaka ɔmmɔ kemmo ni, Unwoti údie Lewi kɔdua bekyuli ka ama nteeti adaka ɔmmɔ. Na bénwini Unwoti Bakpane. Na ama ndubo kusɛ kusɛ buteeti teete Israelƒuɔ na Unwoti lɛnyi kemmo. Na bataabla-nwu kabla aani kalɛ na use ɔmwi.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Litemi Batɛne 17:12

Mika úse okloƒu ɔmɛni likpo na úbenwini nwuna ɔkpane, na ɔ́ƒɔ-nwu ɔ́kya nwuna kaduli.