Bumomo Bɔka 17:8 - Katɔti Ɔku Kedee

⁸ Ka kadi kégye ni, Mose úsie Unwoti Kevo kemmo na ka ɔ́nu ni, na Aaron ugyii ɔni nnye nte Lewiƒuɔ mmɔ ɔ́ta na údie evete ku anwula na ɔ́nwu ebi.

Bumomo Bɔka 17:8 ပူးပေါင်းရင်းမြစ်များ

Ala Kalɔ Buse 40:10

Na kugyii kɔmmɔ kubo kɔgba ɛtɛ. Ka kɔgba kɔmɛni kúdie anumi kani na evete ammɔ ábi lɛlɔ, na kugyii kɔmmɔ kɔ́tu yuu, na kúwi anwula, na anwula ammɔ ábla ebi ku aboyo aboyo.

Kɔgya 110:2

Unwoti ɔdubɔya na adi lɛga asi Sion avia ƒula bekisine kalɔ lɛlɔ muedi.

Lɛnu Ƒui Ɔnu 2:3

Na awɔ ni, mina Ɔyɔne, lɛni na álɛ salalaa aani kɔdingyii na lɛku kemmo egyii akɔ si béti-ɔ bákɔku banana bamba. Na ƒula ɔyuli ɔni na ákya-mi ɔ́ya na lɛ́nwuna buɛɛ. Na ƒula ebi ani na éte-mi na lɛ́di áyu-mi emini geen.

Yesaia 4:2

Nsu na uwi ɔni mebo kemmo ni, bekyuli bani na Unwoti ɔdubɔya na balɛ sɛɛn babla aani kugyii kagba kawɔdi kani mɔɔdia bɔnu na keekeye na kana ebi ndubɔya na Israelƒuɔ bani nébu mmɔ baƒɔ lɛnyi na beteekeye.

Esekiel 17:24

Na lɛku kemmo kugyii biala kɔdubɔti ka ami Unwoti ndubɔkana na liboku egyii kangyaa ƒui kalɔ na lɛya na ani na átakuku alɛ lili. Na mɔɔyá na egyii ɔwɔdi eenwíni akwiidi Na mɔɔyá na ani na ákwii lɛnɔ eenwíni awɔdi. Ami Unwoti násu na ndubo mina litemi lɛlɔ bɔdi.”

Esekiel 19:12

Nsu na kɔnyi ɔsu ni, lɛ́gyu-ku lídie mmɔ ku lidu ku lidu lɛ́va kalɔ na ɔƒɛƒɛɛ ɔni mɔɔkula ala ɔ́si kalɔ kakwiidi lɛlɔ úbo úbakula-ku ku ebi ani na asia-ku lɛlɔ ƒui na kɔ́yɛyɛ.

Esekiel 19:14

Na mmɔ ni, kugyii kɔmmɔ ntɛ kɔ́ƒɔ ogya na ɔ́da úsie kuna kɔgba akɔ na kɔ́kyula-ku ku ebi ammɔ ƒui na kagba kadi kásɔ kétebu ɔni na kugyii kɔmmɔ kɔ́sɔ kunye salalaa.’ “Ɔkwanu ɔmɛni ni, budie na ɔlɛka bedie-nwu ku kɔnyana.”

Bumomo Bɔka 16:5

Mmɔ na ɔ́su Kora ku nwuna bekyuli bani nsiaku-nwu kama ɔnini, “Kɔnaadi ɔtanta ni, Unwoti ɔdubɔtina ukyuli ɔni ndi nwuna ɔdi na use kedee, na ɔdubɔya na ukyuli ɔmmɔ ɔni ude-nwu. Na ukyuli ɔni na ɔ́ƒuna mmɔ ni, Unwoti ɔlati ɔdubɔya na ɔni ude-nwu.

Bumomo Bɔka 17:5

Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”

Bumomo Bɔka 17:9

Mmɔ na Mose ɔ́la ligyii lɛmmɔ ƒui ɔ́siku Unwoti anumi na úti-ni úsienku Israelƒuɔ kudɔ. Na ɔtɔnkune biala ɔ́nu nwuna ugyii údie.

Hebriƒuɔ 9:4

Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.