Bumomo Bɔka 17:10 - Katɔti Ɔku Kedee

¹⁰ Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.”

Bumomo Bɔka 17:10 ပူးပေါင်းရင်းမြစ်များ

Kɔgya 57:4

Mina bekisine báka bámana-mi aani bagyata bani muuƒie bekyuli taaduli-ma teebweli. Na bana anyi ese aani abuala ku ligyii atula. Na bana linyemi libo ɔbi aani kuwii.

Israelƒuɔ Bɔlɛ 16:32

Amu na Mose ɔsu ɔnini, “Unwoti úbo-bu ɔda ɔnini, ‘Bɛklibi manna ɔmmɔ kalaku keyile bise bite bina bawɔ bawɔ kalɛ na ama lɛnɔ babanu adila ani na líte-mii na bɛ́di na ketele kemmo uwi ɔni na lɛ́ƒɔ-mii lɛ́siku Egyipte kalɔ lɛlɔ.’ ”

Israelƒuɔ Bɔlɛ 16:34

Aaron ɔ́bla kalɛ na Unwoti úbo Mose ɔda mmɔ pɛpɛɛpɛ na úti manna ɔmmɔ ɔdi úse Bunyimi Adaka ɔmmɔ anumi kalɛ na bada bese kama bete bawɔ bammɔ.

Yesaia 1:2

Binu, amii bani nkya katɔ ƒui! Na bise atu, amii kalɔ lɛlɔ bekyuli! Ɔsika Unwoti ɔ́su kenye kadi ɔnini, “Lɛ́tumini bebi na lɛ́da-ma na bábi lɛlɔ, nsu báta bénye-mi lɛlɔ.

Hosea 10:9

Unwoti ɔnini, “Israelƒuɔ, bítada bina ekpidi ani na bɛ́bla na Gibea mmɔ dii bɔbla bítaya tɔ? Ɔmmɔ ɔsu na ala adubo-mii bukpoku na Gibea mmɔ.

Bumomo Bɔka 14:5

Mmɔ na Mose ku Aaron báyu bebi kalɔ na bekyuli bammɔ ƒui anumi.

Bumomo Bɔka 16:21

“Bɛmami lɛlɔ bɛsiku bekyuli bammɔ ƒui kudɔ na ɔdia-mi na lɛyila-ma udu ƒui kɔnakunwi.”

Bumomo Bɔka 16:38

na adi ebui ani na bekyuli bani nábla likpidi béti bana ngba báƒɔ bana likpidi lili kayu adi. Bitu ebui ammɔ bɛbla abuala kɔlɛkɛ bɛbɛɛbɛ bibi lɛkpabi lɛmmɔ lɛlɔ, ɔsika béti-nya béte Unwoti na ese kedee, na unwini likposela ute Israelƒuɔ.”

Bumomo Bɔka 16:40

aani kalɛ na Unwoti úbo Mose ɔda. Na ɔmɛni ɔ́bla bɔlɛ úte Israelƒuɔ kaduɛ ka ukyuli ɔni nátasi Aaron kaba kemmo utalɛka usie Unwoti lɛkpabi kudɔ ɔnii utákyula oloƒui ute Unwoti. Na si ɔdi ɔ́bla lɛni ni, Unwoti ɔdubɔyila-nwu udu aani kalɛ na ɔ́bla Kora ku nwuna bekyuli. Na Eleasar ɔ́bla lɛla biala ɔ́siaku pɛpɛɛpɛ aani kalɛ na Unwoti úbo Mose ɔda.

Bumomo Bɔka 17:11

Na Mose ɔ́bla ɔ́sia kalɛ kani Unwoti úbo-nwu ɔda.

Bumomo Bɔka 17:4

Na eti ligyii lɛmmɔ etése Unwoti Adi Kevo kemmo na Bunyimi Adaka ɔmmɔ anumi kesii kani na mɔɔsiáku-mii.

Bumomo Bɔka 17:9

Mmɔ na Mose ɔ́la ligyii lɛmmɔ ƒui ɔ́siku Unwoti anumi na úti-ni úsienku Israelƒuɔ kudɔ. Na ɔtɔnkune biala ɔ́nu nwuna ugyii údie.

Bumomo Bɔka 20:9

Ɔmmɔ ɔsu Mose úti ugyii ɔdadi ɔmmɔ ɔ́siku Unwoti anumi aani kalɛ kani na úbo-nwu ɔda.

Bumomo Bɔka 4:18

“Bɛnu ka bétekulo Kehat adua ku bana kaba bekyuli bítedie Lewiƒuɔ lɛlɔ.

Korintoƒuɔ 1 10:10

Na ɔɔɔdi ka butaata teenye Katɔti lɛlɔ aani kalɛ na bana badi bábla ɔsu, na Katɔti ɔtu ɔni nda kukpi ɔyikun ɔ́kyula-ma.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Lɛkpa Ulu 9:24

Na ɔ́si uwi ɔni na ami Mose lɛ́ti-mii ni, bɔta kani na bɛɛta teenye Unwoti lɛlɔ.

Lɛkpa Ulu 9:7

Bitayiƒala kalɛ na bɛ́ya na Unwoti úti kɔnyi ɔ́kya-mii na kalɔ kakwiidi kemmo. Úti ɔ́si limeyi lɛni lɛlɔ na bɛ́ta Egyipte kalɔ úti úbedu limeyi lɛni bíbeduo mɛni ni, lɛni kani na bɛkya bɛɛta teenye Unwoti lɛlɔ.

Hebriƒuɔ 9:4

Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.

Samuel 1 2:12

Eli bebi bani ndi bakpane mɛni badi bekyuli bekpidi geen. Na balábu Unwoti lɛnɔ munu munu.

Samuel 1 30:22

Nsu bekpone bani na baayɔ́ lɛsɛ bɔkya bétenu kalɔ munu munu na básu banini, “Ka ama bátasiaku-bu ɔsu ni, bɔɔɔdubo ala ani na búƒie bɔ́ƒɔ na mmɔ buleku-ma. Mmomu bana beleku ku bebi ama ni, bɔdubɔya na bakpanku-ma batɔlɔku.”