Bumomo Bɔka 16:9 - Katɔti Ɔku Kedee

⁹ Israelƒuɔ Katɔti nédie-mii sɛsɛɛ ɔ́lɛku Israelƒuɔ akɔ na ɔ́ya na bɛ́ni bíde-nwu ka bitaabla kabla na Unwoti Adi Kevo kemmo, na binye bekyuli bammɔ kenye bitaabla-nwu kabla teete-ma. Ɔmɛni lɛti útabɔ-mii?

Bumomo Bɔka 16:9 ပူးပေါင်းရင်းမြစ်များ

Ala Kalɔ Buse 30:15

Nsu Lea údie kenye ɔnini, “Ɔni lɛti na áƒɔ-mi ɔgyani ébo lɛkpu mmɔ útabɔ-ɔ? Asɔ abaƒɔ-mi kɔwɔ alakpi ligyiitu lɛnɔ?” Amu na Rahel ɔ́su-nwu ɔnini, “Ɔdia ndubɔya na ubo na bɛtɛ ɔmwi usien ɔmɛni na ƒula ubidi kɔwɔ alakpi ligyiitu ɔsu.”

Samuel 2 7:19

O Unwoti Ɔbune, ɔɔɔdi ami kani na éte kusɛ kusɛ ábavi. Mmomu ƒula anu asia mina ɔtɔ kemmo bekyuli lɛnɔ lɛlɔ. Na aasu kpakplaa ɔƒaani ka adubute-ma kusɛ kusɛ na uwi ɔni ndubo kemmo. O Unwoti Ɔbune, mɔɔnu ka ɔmɛni ɔɔɔdi lɛla lɛni na aabla teete bekyuli ƒui.

Ala Alɛdi 2 35:3

Na Lewiƒuɔ bani mɔɔbla Unwoti kabla na baatina bekyuli Unwoti ɔda bubo bɔmmɔ etemila ni, ɔ́lɔ-ma ɔ́sala na ɔ́su-ma ɔnini, “Bɛsɔ bɛɛɛdubo Katɔti Bunyimi Adaka ɔmmɔ buteeti taavinku ekpo ƒui ɔƒɛni amu. Mmomu ɔdubuse Katɔti kakpakɔ kani na Ɔga Salomo ɔni ndi Dawid ubidi ɔ́tu mɛni kemmo kesii kani na amii ku nwuna kadi bekyuli Israelƒuɔ bɛdubo nwuna kabla butaabla.

Nehemia 12:44

Uwi ɔmmɔ kemmo ni, bédie bekyuli ka bátaanu kakpakɔ kammɔ etela kesekɔ lɛlɔ. Na etela ammɔ adi ndi etela lɛkpa leevudi ku edula ebi edeedi ku adingyii ebi edeedi. Na bekyuli bani na bédie mɛni mɔɔví taaƒɔ ala ammɔ na mmo bɔni nde lɛma libendi, na ama muudie bakpane ku Lewiƒuɔ ɔdi téteete-ma aani kalɛ na ɔda bubo bɔmmɔ bɔɔtina. Na bakpane ku Lewiƒuɔ bani nkya Yuda kalɛkɛ ƒui lɛlɔ lɛɛda bekyuli bammɔ ebiti.

Yesaia 7:13

Amu na Yesaia ɔ́su ɔnini, “Binu kaduɛ, amii Dawid kaba bebi! Kalɛ na biléte bekyuli lɛlɔ buwi útabɔ? Ɔlɛka biti ɔmɛni bɛlɛku Katɔti lɛnɔ?

Esekiel 34:18

Bina badi bɛɛkun livo lɛbuni geen na bɛɛnya taavi lɛkladi lɛlɔ si uwi ɔni na bɛ́wɔlɔ. Na bina badi bɛɛní ntu bɔbuni, na si bɛ́wɔlɔ na bɛkya bɔkladi lɛgba na bɔbla aba aba.

Esekiel 44:16

Ama ndubuduo mina kakpakɔ na babla akpala bete-mi na batɔnku bakladi na lɛkpa lɛmmɔ kemmo.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 16:13

Ɔni lɛti na ákpanku-bu ásiku Egyipte kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii éboku ketele kalɔ kakwiidi kamɛni kemmo ka bubekpi bɔyii udu útabɔ? Na ɔƒɛni aawia ka asɔ ataadi-bu lɛlɔ lɛlati na mɛni?

Bumomo Bɔka 16:8

Mose ɔ́su Kora lɛnɔ ɔnini, “Binu, amii Lewiƒuɔ!

Bumomo Bɔka 3:6

“Kpanku Lewi kaba bekyuli boku na eti-ma abatina Aaron ɔni ndi ɔkpane na beteebunku-nwu.

Bumomo Bɔka 3:9

Ti Lewiƒuɔ bammɔ te Aaron ku nwuna bebi bananabi. Ama kani ndi Israelƒuɔ kaba bekyuli bani na ɔlɛka bedie bese sɛsɛɛ ƒui bete-mi.

Batalane Kabla 13:2

Amu ka bakya beemwi Blɔti na beelie kɔka ni, Katɔti Kɔyu kútemiku-ma na kɔ́su kɔnini, “Bidie Barnaba ku Saulo bise bite kabla kani ɔsu na lɛ́lɔ-ma.”

Korintoƒuɔ 1 4:3

Ɔƒɛni ni, lɛɛɛdaku-ni si ɔdi ɔɔtɛku-mi litemi iye ɔdi ɔkɛnku kayawi lɛnunda lɛdi kenye ɔɔnu ɔnii lɛ́ƒiɔ. Naaatɛku ami ɔlati lɛlɔ muedi litemi.

Lɛkpa Ulu 10:8

Na uwi ɔni na líti atabi ammɔ lɛ́yulaku kɔbi ḿbakya Bunyimi Adaka ɔmmɔ kemmo ni, Unwoti údie Lewi kɔdua bekyuli ka ama nteeti adaka ɔmmɔ. Na bénwini Unwoti Bakpane. Na ama ndubo kusɛ kusɛ buteeti teete Israelƒuɔ na Unwoti lɛnyi kemmo. Na bataabla-nwu kabla aani kalɛ na use ɔmwi.

Samuel 1 18:23

Amu na béti kenye kamɛni bésienku-nwu sɔsɔ. Nsu ka Dawid únu kenye kamɛni ni, ɔ́su ɔnini, “Ɔwabane na ndi na ńtaƒɔ lɛnyi. Na ɔƒɛni ni, uuuse kpɛtɛ kpɛtɛ ka linwini ɔga ubi ɔgya.”