Bumomo Bɔka 16:5 - Katɔti Ɔku Kedee

⁵ Mmɔ na ɔ́su Kora ku nwuna bekyuli bani nsiaku-nwu kama ɔnini, “Kɔnaadi ɔtanta ni, Unwoti ɔdubɔtina ukyuli ɔni ndi nwuna ɔdi na use kedee, na ɔdubɔya na ukyuli ɔmmɔ ɔni ude-nwu. Na ukyuli ɔni na ɔ́ƒuna mmɔ ni, Unwoti ɔlati ɔdubɔya na ɔni ude-nwu.

Bumomo Bɔka 16:5 ပူးပေါင်းရင်းမြစ်များ

Kɔgya 105:26

Ɔmmɔ ɔsu Unwoti ɔ́tala Mose nwuna kabla ɔblane ku Aaron ɔni na ɔ́ƒuna.

Kɔgya 115:10

Aaron ku bakpane kasala, bise kayi na Unwoti lɛlɔ. Anwu muubunku-mii na ɔɔgyumana-mii.

Kɔgya 65:4

Lɛlɔ lɛdubɔyɔ bekyuli bani na awɔ ɔlati áƒuna ka bebelie-ɔ kudɔ na ƒula kakpakɔ kedee kaduli. Na badubɔkɛ ebiti geen na ƒula kudɔ bulie kemmo na mmɔ.

Israelƒuɔ Bɔlɛ 28:1

Amu na Unwoti ɔ́su Mose ɔnini, “Ƒ'ɔnwani Aaron ku nwuna bebi bani ndi Nadab ku Abihu ku Eleasar ku Itamar ni, lɔ-ma lɛku Israelƒuɔ bammɔ akɔ na bebo-ɔ kudɔ. Ɔsika ama ndi bekyuli bani na lɛ́ƒuna lɛ́lɛku Israelƒuɔ akɔ ka babla mina bakpane.

Israelƒuɔ Bɔlɛ 28:41

Na adubuti lɛwu lɛmmɔ akya ƒ'ɔnwani Aaron ku nwuna bebi na ewi-ma lili nnɔmii ese-ma likpo na edie-ma ese sɛsɛɛ na babla-mi kabla aani mina bakpane.

Israelƒuɔ Bɔlɛ 28:43

Na uwi biala na beeduo Adi Kevo kammɔ kemmo iye bébo bababla ɔkpane kabla na mina lɛkpabi kudɔ ni, na baláni lɛtuni beleboku lɛlɔ na ɔdi wekpi. “Na ɔda bubo bɔmɛni bɔdubuse bute anwu ku nwuna kaba bebi úsela uwi ƒui.”

Yeremia 30:21

Na bina akɔ kani na bɛdubɔkɛ bina ɔtɔnkune bɛsiku. Na si lɛ́lɔ-nwu nnii ubo-mi kudɔ na mina kakpakɔ ni, ɔdubɔni ude-mi na mina lɛkpabi lɛlɔ. Ɔsika ɔdi ulakana-mi bɔni bude si ɔɔɔdi bɔlɔ na lɛ́lɔ-nwu.

Yeremia 49:19

“Ndubo awɔ Edom bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Yeremia 50:44

Ndubo awɔ Babilon bukpoku aani kalɛ na gyata ɔɔsí lɛku kemmo teebekpoku baƒonu bani nnye kadikɔ na Yordan kɔtu. Na ulaƒɔ uwi ɔdi asa na baƒonu bammɔ beekeli taatɔlɔ na bada kalɔ kammɔ bese ukpludi. Ɔma na ndubo bɔƒuna na ukpoku-ɔ? Ami ɔlati ndubo-ɔ bukpoku! Ɔsika ɔdi ulakana-mi bunye bɔsiaku na kekpokɔ iye ɔbɔku-mi na likeli lɛtɔlɔ.

Esekiel 40:46

Na ɔni nnye ɔban ɔni kada kakɛ mmɔ kamadɔ ni, mmɔ ndi bekyuli bani muubunku kabla na lɛkpabi lɛlɔ lɛnɔ ɔdi. Na bana ƒui Sadok bebi ku bawɔ bani ndi Lewiƒuɔ bani kani na Unwoti úte kuƒi ka babla Unwoti bakpane.”

Esekiel 43:19

Ɔnana ɔni baalɔ Sadok bebi ku bawɔ bani nási Lewi kɔdua kemmo ni, ama kani na ɔlɛka babla kabla na mina kakpakɔ aani kalɛ na mina ɔda bubo bɔɔtina. Anwuɔsu ti ɔmantɛ akɔ ɔkɔdi te-ma na badu bakyula babla alaekpidi lili buvele akpala.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Lewiƒuɔ Ɔda Bubo 8:2

“Sie na etétiku Aaron ku nwuna bebi bananabi eboku ku lɛwu gyɔlɔɔ lɛni baakya mmɔ. Na eti likpose nnɔmii ku ɔmantɛ akɔ ɔgyani ɔni na badubuti bakyula babla likpidi lili buvele akpala ku baƒonu inyɔ. Na eti kagyigyɛ ku bodobodo ɔni kemmo na bɔnyii buuubo ada.

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Bumomo Bɔka 16:3

Bekyuli bamɛni báta na lisu kemmo bésie Mose ku Aaron kudɔ na bátásu-ma banini, “Bɛɛyɔ́ bisie ɔgyu bɛgya! Israel kadi bekyuli ƒui bese kedee bete Unwoti bana ɔdi biala, na Unwoti ulieku bula ƒui. Na bi ɔsu na bɛɛnu lɛlɔ katɔ katɔ teetuloku Unwoti bekyuli lɛni?”

Bumomo Bɔka 16:6

Na awɔ Kora ku ƒula kama basiakune ni, bɛwia oloƒui bɔkyula ebui,

Bumomo Bɔka 17:5

Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”

Bumomo Bɔka 17:8

Ka kadi kégye ni, Mose úsie Unwoti Kevo kemmo na ka ɔ́nu ni, na Aaron ugyii ɔni nnye nte Lewiƒuɔ mmɔ ɔ́ta na údie evete ku anwula na ɔ́nwu ebi.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Batalane Kabla 1:24

Na bákpali katɔ banini, “Blɔti, awɔ ngyi ukyuli biala kasusu kemmo. Anwuɔsu tina-bu nkyuli inyɔ bamɛni akɔ unwi ɔni na áƒuna, ka unye ɔtalane kenyekɔ kani na Yuda ɔ́da úse na ɔ́tɔlɔ úsie kesii kani néduku-nwu.”

Batalane Kabla 13:2

Amu ka bakya beemwi Blɔti na beelie kɔka ni, Katɔti Kɔyu kútemiku-ma na kɔ́su kɔnini, “Bidie Barnaba ku Saulo bise bite kabla kani ɔsu na lɛ́lɔ-ma.”

Batalane Kabla 15:7

Na kasalakɔ kamɛni kalɔ ni, uwi ɔni na báatɛmi na ala pii lɛlɔ ni, Petro ɔ́ta únye na ɔ́su-ma ɔnini, “Banwa, amii alati bɛgyi ka Katɔti náƒuna-mi ɔ́siku bina akɔ ɔnii mbasu bekyuli bani naaadi Yudaƒuɔ lɛnɔ litemi buni lɛmɛni kalɛ na ama lɛnɔ baƒɔ badi.

Batalane Kabla 22:14

Amu na ɔ́su-mi ɔnini, ‘Bula bati kuuku Katɔti náƒuna-a kalɛ na anu nwuna lɛyɔla ati, na anu nwuna Ukyuli Ɔƒunadi Kedee ɔmmɔ lɛnɔ ati, na eteenu-nwu lɛdi.

Eƒesoƒuɔ 2:13

Nsu ɔƒɛni ni, amii bani na nka bɛ́gyunku Kristo Yesu ni, ɔkɛnku nwuna ubugya ɔni na úti úwi kalɔ na bina lili ɔsu ni, bɛ́kpɛ bíde-nwu.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.

Samuel 1 2:28

Ƒ'ɔti kaba kemmo bekyuli na lɛ́ƒuna na atɔƒi bamba ƒui akɔ na Israel. Na ama kani ndubusie mina lɛkpabi lɛlɔ na bakyula oloƒui bete-mi. Na bakya bakpane awu asa benye-mi anumi bataabla-mi kabla. Na ama kani na líti bɔkyula akpala ani na Israelƒuɔ béboku kadikɔ líte.