Bumomo Bɔka 16:46 - Katɔti Ɔku Kedee

⁴⁶ Mmɔ na Mose ɔ́su Aaron ɔnini, “Babla na eti ƒula oloƒui libui na edie ogya asiku Unwoti lɛkpabi lɛmmɔ lɛlɔ na ewi oloƒui, na ekeli esie Israelƒuɔ bammɔ akɔ na atábla akpala ete Unwoti úte bana likpidi kɔtu bɔni budie. Ɔsika Unwoti úti kɔnyi ɔ́kya bekyuli bammɔ na ɔgbankpi úse kalɔ ɔɔlɛ́ku-ma.”

Bumomo Bɔka 16:46 ပူးပေါင်းရင်းမြစ်များ

Ala Alɛdi 1 27:24

Anwuɔsu Seruia ubidi Yoab úse kalɔ ku bekyuli bammɔ bɔka, nsu uwi ɔni na Unwoti úse kalɔ ɔɔní Israelƒuɔ kɔtu ni, ɔ́da-ma bɔka ɔ́ya. Na ɔkɛnku ɔmmɔ ɔsu ni, bétenweni bekyuli bammɔ bumomo geen bátakya Dawid ala alɛdi ɔku unengudi ɔmmɔ kemmo.

Kɔgya 106:29

Na bákya Unwoti kɔnyi na bana ɔbladu ɔmɛni ɔsu. Na ɔmmɔ ɔsu ɔlɛ buɛ ɔdi ubeduo-ma akɔ.

Kɔgya 141:2

Ya na mina katɔ bɔkpali bunwini aani oloƒui ƒɛƒɛɛ ɔni baakyula na ƒula anumi. Na si lɛ́kɔliku mina enu katɔ ni, na ɔbla aani useyi uwi akpala ani na baabla teete-ɔ.

Lewiƒuɔ Ɔda Bubo 10:6

Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ.

Lewiƒuɔ Ɔda Bubo 9:24

Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Habakuk 3:5

Lɛlɛ buɛ lɛni mɔɔdú bekyuli ntɔ-nwu anumi ku kama ƒui.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 11:33

Nsu asa na badubɔkun lɛna lɛmɛni bebweli ni, Unwoti úti kɔnyi ɔ́kya bekyuli bammɔ geen na ɔ́ya na ɔlɛ ukpidi ɔni mɔɔví úduo-ma akɔ.

Bumomo Bɔka 18:5

“Amii na ɔlɛka bitaanu Adi Kevo kammɔ lɛlɔ ku lɛkpabi lɛmmɔ lɛlɔ, kalɛ na mina kɔnyi kɔsɔ kuláda kulálɛ Israelƒuɔ lɛlɔ.

Bumomo Bɔka 25:13

Na nwuna bekyuli ndubo bakpane kabla bɔbla usela uwi ƒui. Ɔsika úkpo kɔgyulo úte-mi na ɔkɛnku ɔmmɔ ɔsu ɔ́ya na líti likpidi lɛni bekyuli bammɔ babla lɛkyiɛ-ma.”

Bumomo Bɔka 25:8

na utéduo Israelni ɔmmɔ kevo kemmo na ɔ́tu Israelni ɔmmɔ na ɔ́ƒuala-nwu útalɛku uleku ɔmmɔ lɛnɔ. Na mmɔ kani na Israelƒuɔ ɔlɛ ɔmmɔ kenye kékulo.

Bumomo Bɔka 8:19

Na Israelƒuɔ bammɔ ƒui akɔ na líti Lewiƒuɔ bammɔ muute Aaron ku nwuna bebi aani bana litela ka bataabla kabla na Adi Kevo kammɔ kemmo na Israelƒuɔ bammɔ ƒui kenye na bataabla akpala ute bana likpidi kɔtu bɔni budie kalɛ na ɔlɛ ukpidi ɔdi ulebo-ma lɛlɔ si uwi ɔni na báni béde Unwoti kakpakɔ kammɔ.”

Lɛkpa Ulu 9:22

Na uwi ɔni na bílie kesii kani baalɔ Tabera ku Masa ku Kibrot-Hataawa ni, lɛni kani na bɛ́kya bina Unwoti Katɔti kɔnyi.