Bumomo Bɔka 16:42 - Katɔti Ɔku Kedee

⁴² Nsu uwi ɔni na Israelƒuɔ básala lɛlɔ na baakya ku Mose ku Aaron unyeƒi mmɔ ni, béti anumi bátina Unwoti Adi Kevo na kɔnakunwi liƒlukutu lɛ́si líbewi ɔtɔ ɔmmɔ lɛlɔ, na Unwoti bukeye bonwu bɔ́bwɛ bɔ́lɛ mmɔ.

Bumomo Bɔka 16:42 ပူးပေါင်းရင်းမြစ်များ

Israelƒuɔ Bɔlɛ 16:10

Uwi ɔni na Aaron ɔkya ɔɔtɛmi teete bekyuli bammɔ ni, bénwini anumi bátina ketele kammɔ. Mmɔ na Unwoti bukeye bonwu bɔ́bwɛ bɔ́lɛ kɔnakunwi na liƒlukutu kemmo.

Israelƒuɔ Bɔlɛ 16:7

Na si údu ɔtanta ni, bɛdubɔnu Unwoti bukeye bonwu, ɔsika únu bina enyekpi ani ƒui bɛkya bɛɛsu teewi-nwu. Na bi ɔsu na abu na ɔlɛka biti kɔnyi bɛkya?”

Israelƒuɔ Bɔlɛ 24:16

Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo.

Lewiƒuɔ Ɔda Bubo 9:23

Mose ku Aaron bénwini bétéduo Unwoti Adi Kevo kammɔ kemmo. Na ka bálɛ bébete bekyuli bammɔ kusɛ kusɛ kama ni, Unwoti úkeye úbewi bekyuli bammɔ ƒui lɛlɔ.

Bumomo Bɔka 14:10

Na uwi ɔni na bekyuli bammɔ ƒui bábla kasusu ka badubo Yosua ku Kaleb atabi bubo ni, mmɔ na Unwoti bukeye bɔ́bwɛ bɔ́lɛ Unwoti Adi Kevo anumi na Israelƒuɔ bánu.

Bumomo Bɔka 16:19

Amu ka Kora ɔ́sala nwuna bekyuli bani nsiaku-nwu kama ɔ́wɔlɔ na bébenye baanu Mose ku Aaron anumi na Unwoti Adi Kevo kayakun kenye mmɔ ni, kɔnakunwi ni, Unwoti bukeye bonwu bɔ́bwɛ búbewi bekyuli bammɔ ƒui lɛlɔ.

Bumomo Bɔka 16:43

Amu na Mose ku Aaron bésie béténye Unwoti Adi Kevo kammɔ anumi.

Bumomo Bɔka 20:2

Uwi ɔmmɔ ni, ntu biala bútakya mmɔ na bakɛ bani, anwuɔsu Israel kadi bekyuli bammɔ básala lɛlɔ báta bénye Mose ku Aaron lɛlɔ.

Bumomo Bɔka 20:6

Mmɔ na Mose ku Aaron bátɔlɔ bekyuli bani násala mmɔ kudɔ na bátáyu bátɛ kalɔ na béti bana anumi bébi kalɔ na Unwoti Adi Kevo anumi. Mmɔ na Unwoti bukeye bɔ́bwɛ búbewi-ma lɛlɔ.