Bumomo Bɔka 16:28 - Katɔti Ɔku Kedee

²⁸ Mmɔ na Mose ɔ́su bekyuli bammɔ ƒui ɔnini, “Ɔmɛni na bɛdubuti bɛnu bɛti ka Unwoti nátala-mi ɔnii mbabla ala amɛni. Na ɔɔɔdi ami ɔlati kasusu kadi.

Bumomo Bɔka 16:28 ပူးပေါင်းရင်းမြစ်များ

Baga 1 18:36

Ka useyi akpala bɔbla uwi údu ni, Kenye Udiene Elia ɔ́lɛ úsie úténye anumi. Amu na ɔ́kpali Katɔti ɔnini, “O Unwoti ɔni ndi Abraham ku Isak ku Israel Katɔti! Ya na bekyuli bamɛni banu bati ɔmwi ka ni, awɔ ndi Israel Katɔti. Na ami lɛnɔ ndi ƒula kabla ɔblane. Na ala ani lɛ́bla mɛni ni, ƒula ɔda bubo kenye na lɛ́bla-nya.

Israelƒuɔ Bɔlɛ 3:12

Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Israelƒuɔ Bɔlɛ 4:12

Anwuɔsu teesie na ndubo-ɔ bunku na akana bɔtɛmi na ndubɔtina-a lɛla lɛni na adubɔsu.”

Israelƒuɔ Bɔlɛ 4:15

Tɛmiku-nwu na asu etemila amɛni akya-nwu kenye. Ami ndubo bina inyɔ ƒui bubunku na lɛtina-mii lɛla lɛni na bɛdubɔsu.

Israelƒuɔ Bɔlɛ 7:9

“Si Ƒarao ɔ́su-mii ɔnini, ‘Bɛbla akɔla budie taatina bɔdi’ ni, na asu Aaron na uti nwuna ugyii ɔdadi mmɔ ɔva Ƒarao anumi. Na ugyii ɔmmɔ ɔdubunwini kɔlakpi.”

Yeremia 23:16

Unwoti ɔ́su bekyuli bammɔ ɔnini, “Amii Yudaƒuɔ! Bitenu ɔkɔ kenye bediene bamɛni ɔkɔ etemila ani na baasu. Ɔsika ama alati bana kasusu kani na belie beeti etemila na adi na ɔɔɔdi ami Unwoti Ɔyikune Ƒui kudɔ na ási.

Esekiel 13:17

“Esekiel, ɔyawine ubi, du Israel beleku kɔtɔ. Ama bani mɔɔkɔ́ lɛsa na ala ani na ama alati bana kasusu kátina-ma lɛlɔ.

Sakaria 2:9

Anwuɔsu ɔdubo amii lɛnɔ budie bute na bina kabla bablane badubo-mii bukpoku na beyu-mii ala batɔlɔku. Na ɔmmɔ ɔdubɔya na bɛnu-nwu bɛti ka Unwoti Ɔyikune Ƒui nátala-mi.”

Sakaria 4:9

“Serubabel nákya kakpakɔ kammɔ kowodu ɔka kalɔ buse, na anwu kani ndubo-nwu bɔwɔlɔ. Na ɔmmɔ ndubɔya na bekyuli ƒui banu bati ka ami, Unwoti Ɔyikune Ƒui, nátala-a lɛ́kya-ma.

Bumomo Bɔka 24:13

‘Ina Balak úti sika ugyiedi ku ɔƒualadi úyile nwuna kaduli kani kemmo na ulie ɔɔdi lɛga ute-mi muedi, naaakana na lini mina Unwoti Katɔti ɔda ɔni na úbo-mi na ulu biala lɛlɔ, na lɛbla lɛla lɛni ami ɔlati mɔɔyɔ́. Na mɔɔsu-ɔ ka lɛla lɛni kani na Unwoti ɔ́su-mi ka lɛsu-ɔ ni, ani kani ndubɔsu-ɔ.’ ”

Yohane 11:42

Na ngyi ka aatuna teete-mi uwi biala kemmo. Nsu bekyuli bani nnye mɛni ɔsu na nsɔ mɔɔsu ɔmɛni kalɛ na baƒɔ badi ka awɔ nátala-mi.”

Yohane 14:11

Bɛƒɔ-mi bɛdi si lɛ́su-mii nnii ami nliku Katɔti, na anwu lɛnɔ uliku-mi. Si alakana ɔmɛni bɔbla ni, ɔlɛka bɛƒɔ mina ala ani na mɔɔbla lɛti bɛdi.

Yohane 5:30

“Lɛɛɛdubo lɛla lɛdi bɔkana bɔbla na ami ɔlati ɔyikun kemmo. Mmomu ndubɔtɛku bekyuli litemi aani kalɛ na mina Ɔti ɔ́su-mi. Anwuɔsu mina litemi bɔtɛ buse siin, ɔsika naaabla mina lɛƒɔyɔ. Mmomu Katɔti ɔni nátala-mi ni, nwuna lɛƒɔyɔ na mɔɔbla.

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Lɛkpa Ulu 18:22

Binu kalɛ na bɛdubuti bɛnu ka litemi lɛmmɔ lɛ́si iye lítasi Katɔti kudɔ. Si kenye udiene ɔdi úti Katɔti lɛnyi na ɔ́su lɛla lɛdi na lɛla lɛmmɔ lítebo-nwu kemmo ni, na kenye udiene ɔmmɔ kenye kátasi Katɔti kudɔ. Mmomu kenye udiene ɔmmɔ ɔlati néti nwuna kasusu ɔ́su lɛla lɛmmɔ. Anwuɔsu bitayia ukyuli ɔmmɔ.