Bumomo Bɔka 16:13 - Katɔti Ɔku Kedee

¹³ Ɔni lɛti na ákpanku-bu ásiku Egyipte kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii éboku ketele kalɔ kakwiidi kamɛni kemmo ka bubekpi bɔyii udu útabɔ? Na ɔƒɛni aawia ka asɔ ataadi-bu lɛlɔ lɛlati na mɛni?

Bumomo Bɔka 16:13 ပူးပေါင်းရင်းမြစ်များ

Israelƒuɔ Bɔlɛ 1:11

Amu na Egyipteƒuɔ báwia lɛlɔ badine béte-ma aani bekyuli beƒiedi lɛlɔ banune kalɛ. Bekyuli bamɛni bénye-ma lɛlɔ na baabla kabla kpakplaa, na bátu Pitom ku Rameses lɛma linengudi kesii kani na beesé ala teete bana Ɔga Ƒarao.

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Israelƒuɔ Bɔlɛ 16:3

“Si nka bɔdu mmomu na Unwoti ɔ́du-bu na Egyipte nka ɔdia-bu utulo ɔni na búbo bɔkya mɛni. Ɔsika na mmɔ ni, nka bɔɔnwá adila ani bɔɔyɔ́ na bɔɔdi kaduɛ. Nsu bíti-bu bíboku ketele kamɛni kemmo ka bise-bu kɔka bɛdu.”

Israelƒuɔ Bɔlɛ 17:3

Nsu ka utukwɛ mɔɔda bekyuli bamɛni ɔsu ni, baadɔnku Mose banini, “Bi ɔsu na ákpanku-bu ásiku Egyipte na áya na utukwɛ ɔdubo abu ku bula bebi ku bebuo ƒui bɔdu?”

Israelƒuɔ Bɔlɛ 2:14

Amu na ɔnana ɔmmɔ údie kenye ɔnini, “Ɔma nédi-ɔ bula lɛlɔ ɔdine ku bula litemi ɔtɛne? Munuu aayɔ́ ka adu-mi aani kalɛ na ádu Egyipteni ɔmmɔ yoo?” Mmɔ na Mose ɔ́yia na ɔ́su lɛlɔ ɔnini, “Likpidi lɛni na lɛ́bla mɛni ni, bekyuli bánu-ni báti.”

Israelƒuɔ Bɔlɛ 2:23

Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo.

Esekiel 34:18

Bina badi bɛɛkun livo lɛbuni geen na bɛɛnya taavi lɛkladi lɛlɔ si uwi ɔni na bɛ́wɔlɔ. Na bina badi bɛɛní ntu bɔbuni, na si bɛ́wɔlɔ na bɛkya bɔkladi lɛgba na bɔbla aba aba.

Bumomo Bɔka 11:20

Mmomu bɛdubo lɛna lɛmmɔ bɔkun kɔbuli kumodi sɔɔn utédu ka lɛna lɛmmɔ lɛdi lɛ́lɛ-mii enwu kemmo na bɛ́kɛ ɔlɛ bɛ́siku-nwu kemmo na bikisi-ni, ɔsika bíni Unwoti ɔni nkya-mii akɔ, na bíwulo kɔnyana na nwuna anumi na bɛɛsu bɛnini, “Bi ndi lɛla lɛni ɔsu geen na bɛ́lɛ Egyipte kalɔ lɛlɔ?” ’ ”

Bumomo Bɔka 11:4

Amu na baƒɔ bani nsiaku Israelƒuɔ na ketele kalɔ kakwiidi kemmo ku Israelƒuɔ alati bésie kalɔ baawia adila ani badi. Ɔmɛni ɔsu bése kalɔ baasu banini, “Si nka bɔkɛ lɛna lɛdi nka bɔdubɔkun.

Bumomo Bɔka 11:5

Buunyimo lɛna lɛni bútaakun uwi ɔni bɔ́kya Egyipte, na lɛna lɛmmɔ lítaƒɔ kuye kɔdi, ku egyiibi, ku alakpi lidu, ku kutu akyala aani abuala ku nwuna udu ani ƒui na bútaadi mmɔ lɛnɔ.

Bumomo Bɔka 13:27

Amu na básu Mose banini, “Kalɔ kani lɛlɔ na átala-bu mmɔ ni, sɔsɔ búsie bútéduo-ka kemmo na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na aanu kana egyiibi ammɔ adi muedi.

Bumomo Bɔka 14:2

Na ɔkɛnku ɔmmɔ ɔsu bekyuli bammɔ bákya baadɔnku Mose ku Aaron kalɔ kalɔ. Na baasu banini, “Si bukpi na búkpi bɔ́kya Egyipte iye ketele kalɔ kakwiidi kemmo mmɔ muedi nka ɔdia utulo!

Bumomo Bɔka 14:3

Na bi ɔsu na Unwoti úti-bu úboku kalɔ kamɛni kemmo na bubekpi na kewii kenye? Bula bekisine badubo bula beleku ku bebi buƒie bɔtɔlɔku. Ɔɔɔdia-bu uuutulo ka bɔsɔ bunwini buteesie Egyipte mmomu?”

Bumomo Bɔka 16:12

Amu na Mose ɔ́tala ɔnii bátálɔ Datan ku Abiram bani ndi Eliab bebi na bebo. Nsu básɔku kenye bémene Mose banini, “Bɔɔɔdubo mmɔ!

Luka 19:14

“Nsu ɔnana ɔmɛni ɔma bekyuli béteekisi-nwu, anwuɔsu bátala batu badi na básia-nwu kama banii batásu Ɔga Unengudi banii, ‘Bulayɔ ka ɔnana ɔmɛni unwini-bu ɔga.’

Batalane Kabla 7:35

“Mose ɔmɛni ndi ukyuli ɔni na bátu kenye banii, ‘Ɔma nédie-ɔ bula lɛlɔ ɔdine ku bula litemi ɔtɛne?’ Anwu Mose ɔmmɔ kani na Katɔti ɔ́tala ɔnii usie na utábla bana lɛlɔ ɔdine ku bana ɔƒɔne ɔkɛnku Katɔti ɔtu ɔni na ɔ́nu na ketele kemmo mmɔ kebunku lɛlɔ.