Bumomo Bɔka 15:39 - Katɔti Ɔku Kedee

³⁹ Na adi linwo lɛmmɔ lɛdubɔbla enyimola ute-mii na uwi biala bɛ́nu adi ammɔ ni, bɛdubo buteenyimo mina ɔda bubo na bitaadi-nwu lɛlɔ kalɛ na bilálɛ-mi kama na bitásiaku amii alati ɔbladu kama.

Bumomo Bɔka 15:39 ပူးပေါင်းရင်းမြစ်များ

Baga 1 12:33

Na kɔbuli maanedi limeyi leevu-lɛlɔndi lɛdi limeyi lɛni na anwu Yerobeam údie úse na uusié Betel taatákyula akpala na lɛkpabi lɛmmɔ lɛlɔ. Na údie-ni aani limeyi bɔdi úte Israelƒuɔ.

Hiob 31:7

Na si lɛ́bla atuɔkplu na línwini kama lɛ́kya-nwu iye lɛ́bla kasusu muedi na likpidi lɛdi lɛlɔ ni,

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Agba 28:26

Kɔdɔlɔ kɔdi ukyuli ɔni mɔɔkali ɔnii uláwia bɔlɛ. Nsu bani mɔɔda lɛlɔ na lɛnunda kemmo ni, keliela kaatɛ-ma.

Agba 3:1

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Yeremia 9:14

Bábla atuɔkplu na bakya baakpá Baal baƒiɔ aani kalɛ na bana bati kuuku bábla.

Esekiel 6:9

na beténwini batɔntɛne bete-ma na mmɔ. Na si bábla kasusu básiku-mi lɛnɔ ni, badubo bunyimo ka bákya-mi kɔƒa na báta bénye-mi lɛlɔ na baƒiɔ bani na bákpa ɔsu. Na badubɔyɔ ka beni bana lɛlɔ na alaekpidi ani na bábla ɔsu.

Hosea 2:2

“Bɛtɛmiku bina uni! Bɛlɛ-nwu kaduɛ! Ina ka ɔsɔ ɔɔɔdi mina ulekudi, na ami Unwoti lɛnɔ nsɔ lɛɛɛdi ɔgyani. Bivele-nwu na ɔda lɛyalɛ ku lɛsɔnɔdi lɛmmɔ ɔya na ɔda-mi kama bɔlɛ ɔya.

Lɛkpa Ulu 29:19

Na bɛnu kaduɛ na bina akɔ ɔdi ɔni muunú bunyimi bɔmɛni ɔmwi limeyi lɛmɛni ulátɔlɔ lɛlɔ na anwu lɛti ɔsia ulu ɔni na ɔɔyɔ́ lɛlɔ na ɔsu lɛlɔ ɔnini, “Ɔdubɔdia bute-mi na ulu ɔni lɛlɔ na nkɛ mɛni.” Si ɔdi ɔ́bla lɛni ni, ɔdubɔya na bina ƒui bɛkywi bɛsa.

Lɛkpa Ulu 4:23

Na bɛnu kaduɛ na bitayiƒala lɛla lɛni na Katɔti únyimiku-mii mmɔ. Na bɛdi nwuna ɔda bubo lɛlɔ bɔni násu-mii ka bitavɔ iye bitanwi lɛla lɛdi bitese bitete lɛlɔ mmɔ lɛlɔ.

Lɛkpa Ulu 6:12

bɛnu kaduɛ kalɛ na bina kasusu kalálɛ bina Unwoti ɔni náda-mii údie Egyipte kalɔ lɛlɔ kesii kani nka bénye-mii lɛlɔ na bɛɛbla-ma kabla mmɔ.

Lɛkpa Ulu 8:11

Na bise likpo na bitayiƒala Unwoti Katɔti. Na bitedie atu na nwuna ɔda bubo ku nwuna ala bɔtina bɔni líti muute-mii ɔmwi mɛni lɛlɔ.

Lɛkpa Ulu 8:14

bɛnu kaduɛ na bilatalaku lɛlɔ katɔ na bɛyiƒala bina Unwoti Katɔti ɔni nébedie-mii na Egyipteƒuɔ kalɔ lɛlɔ kesii kani na bénye-mii lɛlɔ na bɛɛbla bana kabla.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.