Bumomo Bɔka 15:24 - Katɔti Ɔku Kedee

²⁴ na kadi kammɔ ƒui bátadi-mu lɛlɔ na tati tati ɔsu ni, ɔlɛka bawia akɔ na beti babla bɔkyula akpala na ɔnyi ƒɛƒɛɛ ɔmmɔ ɔyɔ Unwoti kaƒɔ ku nwuna lɛlɔ edula ebi ku ntɛ akpala, aani kalɛ na bényimi bése, ku ketukpa na beti babla likpidi lili buvele akpala.

Bumomo Bɔka 15:24 ပူးပေါင်းရင်းမြစ်များ

Esra 6:17

Na kakpakɔ buti taakya Katɔti lɛkɔkɔ limeyi lɛmɛni bɔdi kemmo ni, béte ɔmantɛ bɔkɔ eti anyɔ ku baƒonu bagyani eti ene ku baƒonu bagyani bakɔdi eti maane ka beti babla likpidi buti taakyiɛ buvele akpala na Israel kadi bekyuli ƒui lili. Na béte betukpa leevu-inyɔ na Israelƒuɔ adua leevu-anyɔ ammɔ kenye.

Esra 8:35

Na bekyuli bani ƒui na kekpo kéƒie na ami ku-ma búnwini búbo mmɔ ni, bábla bɔkyula akpala béte Israel Katɔti. Na bada ɔmantɛ bakɔ leevu-inyɔ ku baƒonu bagyani liti ku aavlene-ɛku ku baƒonu bagyani bakɔdi liti ku aavlanyɔ-maatɛ. Na béti betukpa leevu-inyɔ bábla likpidi butitakyiɛ buvele akpala. Na ala amɛni ƒui na básala bábla bɔkyula akpala ammɔ béte Katɔti.

Lewiƒuɔ Ɔda Bubo 23:19

Bɛdu ketukpa bɛbla likpidi lili buvele akpala na bɛdu baƒonu inyɔ bani na báaƒɔ lɛkwa linwi linwi biti bɛbla unwi bɔbla akpala.

Lewiƒuɔ Ɔda Bubo 4:2

“Tásu Israel kadi bekyuli ƒui anini, ‘Ɔƒɛni kalɛ ɔdi ɔdubɔƒiɔ na tati tati ɔsu na ɔbla ala ani lɛlɔ na líbo-mii ɔda ɔdi.

Lewiƒuɔ Ɔda Bubo 4:22

“ ‘Na si ɔtɔnkune ɔdi nábla likpidi lɛdi na ɔ́ƒiɔ Unwoti nwuna Katɔti ɔda bubo bɔdi ina útati ni, ɔ́ƒiɔ.

Lewiƒuɔ Ɔda Bubo 4:23

Na si kama na báya na ɔ́ti likpidi lɛni na ɔ́bla ni, ɔlɛka uti ketukpa kani nse sɛɛn na kátasɔ uboku aani nwuna akpala etela.

Lewiƒuɔ Ɔda Bubo 5:15

“Si ɔƒɛni kalɛ ukyuli ɔdi útadi nwuna litemi lɛlɔ ɔkɛnku ala ani na lɛ́lɛ ugyii líse ka ute-mi ka ese-mi sɛsɛɛ kedee ɔsu ni, ɔ́bla likpidi si ina útati na úbati kama. Ɔmmɔ ɔsu ɔlɛka uti kɔtɔ bukpi akpala uboku Unwoti ani ndi koƒonu kɔgyani kɔni nse sɛɛn na kútasɔ kesii kadi ɔsiku nwuna baƒonu akɔ. Na ɔlɛka kuna kuye kudu sika ɔƒualadi ɔni na ɔkpane ɔmmɔ ɔ́su kenye. Ɔmmɔ na ɔdubuti ɔbla kɔtɔ bukpi akpala ammɔ.

Lewiƒuɔ Ɔda Bubo 5:18

Ɔmmɔ ɔsu ɔlɛka uti koƒonu kɔni nse sɛɛn na kútasɔ uboku ɔkpane. Na kuna kuye kulieku kalɛ na baakya kuye teete kɔtɔ bukpi ebuo ɔmmɔ udu. Na ɔkpane ɔmmɔ ɔbla likpidi kɔtu bɔni budie akpala na nwuna ekpidi ani na ɔ́bla lili na útati na liti lɛkyiɛ-nwu.

Bumomo Bɔka 15:23

iye ɔda bubo bamba biala na ɔkɛnku-mi lɛlɔ na Mose úte amii kadi bekyuli bammɔ ɔ́si limeyi lɛni lɛlɔ na Unwoti únyimi-mu úti úsela uwi ɔni mebo ƒui kemmo

Bumomo Bɔka 15:26

Na ɔmɛni bɔbla kama Unwoti ɔdubuti Israelƒuɔ ku baƒɔ bani nkya-ma akɔ ƒui likpidi ɔkyiɛ-ma, ɔsika likpidi lɛmmɔ lɛda bana ƒui ina bátati asa na bábla-ni.

Bumomo Bɔka 28:15

Uti ubunku limeyi ndi limeyi akpala ku ntɛ bɔni badubo butaawia. Na beti ese babla likpidi lili buvele akpala bete Unwoti.