Bumomo Bɔka 14:9 - Katɔti Ɔku Kedee

⁹ Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Bumomo Bɔka 14:9 ပူးပေါင်းရင်းမြစ်များ

Ala Kalɔ Buse 48:21

Ɔmmɔ kama ni, Israel ɔ́su Yoseƒ ɔnini, “Uwi údu ka likpi. Nsu Unwoti Katɔti ɔdubulieku-ɔ na ɔsɔku-ɔ usienku ƒ'ɔti bene kalɔ lɛlɔ.

Ala Alɛdi 2 13:12

Ɔmmɔ ɔsu na Katɔti unye-bu kama na ɔdubo-bu bɔtɔnku na kekpo kamɛni kemmo na bɔdubɔta bukpo-mii uwi ɔni na bula bakpane bávwi bana ese ammɔ na béte-bu kati. Israelƒuɔ, kɔsia kɔdi kuuubo-nwu kemmo kuuute-mii, ɔsika bɛdubo lili bute, ɔsika ulu biala uuubo na bɛdubɔkana Unwoti Katɔti ɔni na bina bati kuuku bátaakpa lɛlɔ bɔdi.”

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Ala Alɛdi 2 20:17

Amii bitasu bɛnii biikpó-ma munu munu. Mmomu bɛwia kunyekɔ na binye bitaanu kalɛ na Unwoti ɔdubo-mii budie bɔlɛku-ma enu kemmo. Bitayia. Amii bɛbla bɛsiaku lɛla lɛni na bínu lɛlɔ. Na uwi ɔni na bɛdubo busie buteesie mmɔ kɔnaadi ƒui ni, Unwoti anwu ɔdubo bɔgyu bɔtɔ uténye mmɔ kukuuku.”

Ala Alɛdi 2 32:8

Ɔsika Unwoti bula Katɔti muukpó bula kekpo teete-bu. Na Asiriaƒuɔ ama ni, bekyuli keeke ɔyikun lɛlɔ na bana anu asia.” Ka Yudaƒuɔ bekpone bammɔ bénu etemila amɛni ni, ákya-ma kayi ogya geen.

Nehemia 4:14

Amu na ami Nehemia lɛ́ta na ńtánu banamu bakɔdi ku benengu ku bekyuli bammɔ ƒui na lɛ́su-ma nnini, “Bitayia-ma. Bɛkali ka Katɔti ɔni nwuna lɛlɔ lɛɛda liƒu mmomu na ɔlɛka bɔyia. Na binye kpakplaa, na bikpo bite bina banwani ku bina beleku ku bina kɔduli.”

Kɔgya 106:24

Ka bátaƒɔ Katɔti linyese bátadi ɔsu ni, kalɔ kammɔ kátada-ma ebiti.

Kɔgya 121:5

Anwu mɔɔnu-ɔ lɛlɔ na ɔkɛ-ɔ kɔdianu kakɛ uute-ɔ ɔyuli.

Kɔgya 14:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Kɔgya 46:8

Bibo na bibanu Unwoti ablala na bɛnu kalɛ na úgyingya lɛla biala na úbile kayawi kemodi kammɔ ƒui.

Kɔgya 74:14

Na liƒu kebweyi kani nkya ɛpu kemmo na ubo kɔlakpi udu mmɔ ni, ábwɛ-nwu lili na éti nwuna lɛna éte bebuo bamba bani nkya kalɔ kakwiidi kemmo aani bana lɛdila.

Kɔgya 91:1

Ukyuli ɔni nli Katɔti Ɔyikune Ƒui kudɔ na ɔɔgyumana-nwu na Unwoti Ɔyikune Ƒui ɔmmɔ ɔ́kya-nwu ɔyuli ni,

Israelƒuɔ Bɔlɛ 14:13

Amu na Mose ɔ́su Israelƒuɔ bammɔ ɔnini, “Liƒu litada-mii. Binye kpakplaa na bɛdubɔnu kalɛ na Unwoti ɔdubukpo ute-mii ɔmwi kadi. Na mɔɔsu-mii ka Egyipteƒuɔ bani na bɛɛnu ɔmwi mɛni ni, bɛsɔ bɛɛɛdubo-ma bɔnu kudii.

Israelƒuɔ Bɔlɛ 33:16

Na dɛ na ɔdubɔbla na bekyuli banu bati ka kaƒɔ kaayɔ́-ɔ na ƒula bekyuli lɛlɔ ku ami lɛnɔ si átatɔnku-bu? Si akya-bu akɔ ni, kayawi bekyuli ƒui badubɔnu kavumana kebendi na abu ku-ma ntɛ.”

Yesaia 1:2

Binu, amii bani nkya katɔ ƒui! Na bise atu, amii kalɔ lɛlɔ bekyuli! Ɔsika Unwoti ɔ́su kenye kadi ɔnini, “Lɛ́tumini bebi na lɛ́da-ma na bábi lɛlɔ, nsu báta bénye-mi lɛlɔ.

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Yesaia 41:14

Amii Israel kadi bekyuli, bɛda lɛlɔ bukpoku bɛya ina bekyuli baanu-mii aani liklubi iye biiimomo na bɛɛɛdi lɛla lɛdi. Amii ndi Israel Katɔti kedee ɔni mɔɔgyumana-mii na mɔɔƒɔ́-mii ngba.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Yeremia 1:19

Badubo bunwini bunye banii beekpóku-ɔ, nsu balakana-a lɛlɔ bɔdi. Ɔsika ami Unwoti muusé-ɔ kenye ka lɛɛɛdubo bɔya na babla-a likpidi lɛdi.”

Yeremia 42:11

Bitayia Babilon ɔga, ɔsika ndububo-mii bɔgyumana bɔsiku nwuna bukpoku kudɔ.

Yeremia 48:45

“Na Hesbon ɔma unengudi ɔmmɔ kɔmadɔ kesii kani na Sihon ɔ́di lɛlɔ dii ni, baƒɔ bekeline bani na lɛlɔ lítu-ma benye kasuudikɔ kesii kani na ogya ɔni mɔɔkyula bana ɔma unengudi ɔmmɔ bukeye bɔ́kya ɔyuli. Na uwi uletu asa na bekyuli bani nli abi bamba eli na badi bekpone mmɔ lɛnɔ lɛma lɛdubuse kalɔ ku bɔkywi.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Daniel 9:9

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Bumomo Bɔka 13:30

Mmɔ na Kaleb údie lɛdi na ɔ́ya na bekyuli bammɔ bába lɛsɛ na Mose anumi na ɔ́su-ma ɔnini, “Bɛya na busie butéti kalɔ kammɔ, ɔsika bɔdubɔkana bukpo na bɔdi-ma lɛlɔ.”

Bumomo Bɔka 17:6

Ɔmmɔ ɔsu Mose ɔ́kɔ litemi lɛmmɔ lɛsa úte Israelƒuɔ na bana kaba batɔnkune bammɔ ɔdi biala úti nwuna ugyii ɔdadi úboku Mose. Na ligyii lɛmmɔ ƒui lɛdi leevu-inyɔ. Na Aaron ugyii ɔdadi lɛnɔ ubunku.

Bumomo Bɔka 20:2

Uwi ɔmmɔ ni, ntu biala bútakya mmɔ na bakɛ bani, anwuɔsu Israel kadi bekyuli bammɔ básala lɛlɔ báta bénye Mose ku Aaron lɛlɔ.

Bumomo Bɔka 24:8

Unwoti náda-ma údie Egyipte kalɔ lɛlɔ. Na bebo ɔyikun aani ɔmantɛ akɔ unengudi geen na baduli bana bekisine. Na báƒɛ bana ekubi kɔkɛ kɔkɛ. Na beti bana kɔtaminta baƒuaala-ma.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Lɛkpa Ulu 1:21

Anwuɔsu bɛɛnu kalɔ kammɔ ka kewi mmɔ. Biteesie na bitéti-ka aani kalɛ na Unwoti ɔni ndi bina bati kuuku Katɔti ɔ́su-mii. Na bitayia ukyuli ɔdi, na enu ataƒɛ-mii lɛnɔ.

Lɛkpa Ulu 1:26

Nsu bɛ́ta bínye nwuna ɔda ɔni na úbo-bu lɛlɔ, anwuɔsu kɔnu kútetuku-mii kalɔ kammɔ.

Lɛkpa Ulu 1:29

Nsu lɛ́su-mii nnii, “Bitayia bekyuli bammɔ.

Lɛkpa Ulu 31:6

Bɛya na anumi egyie-mii na binye kpakplaa. Bitayia-ma. Na bina Unwoti Katɔti ɔlati ɔdubɔkya-mii akɔ. Na ulénwini kama ulakya-mii iye ɔda-mii ɔnyonu.”

Lɛkpa Ulu 31:8

Na Unwoti ɔlati ɔdubɔtɔnku-ɔ. Na ulálɛ-ɔ kama iye ɔnyonu-ɔ. Anwuɔsu taya na enu áƒɛ-ɔ iye liƒu lɛda-a.”

Lɛkpa Ulu 32:42

Na ubugya ɔdubɔƒɔ mina kɔtaminta lɛlɔ ƒui. Na mina kewii kɔdubɔdu ukyuli ɔni mɔɔta teenye-mi lɛlɔ. Na ukyuli biala mebekpoku-mii ni, neeeti naaakyiɛ-nwu. Ina bani nápila ku bani béƒie muedi ni, badubo bukpi.”

Lɛkpa Ulu 7:18

Biteti kasusu kammɔ udu bitekpoku lɛlɔ. Mmomu binyimo kaduɛ lɛla lɛni na Katɔti ɔ́bla Egyipteƒuɔ ku bana ɔga.

Lɛkpa Ulu 7:21

Anwuɔsu si bɛ́da bɛ́lɛ-ma lɛlɔ na kekpo kemmo ni, bitaya bana lɛlɔ liƒu lɛda-mii. Ɔsika bina Unwoti Katɔti údu na ɔkya-mii akɔ na ɔɔda liƒu, na anwu ndubukpo ute-mii.

Lɛkpa Ulu 9:7

Bitayiƒala kalɛ na bɛ́ya na Unwoti úti kɔnyi ɔ́kya-mii na kalɔ kakwiidi kemmo. Úti ɔ́si limeyi lɛni lɛlɔ na bɛ́ta Egyipte kalɔ úti úbedu limeyi lɛni bíbeduo mɛni ni, lɛni kani na bɛkya bɛɛta teenye Unwoti lɛlɔ.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Litemi Batɛne 1:22

Amu na Unwoti únye ku Yoseƒ kɔdua bekyuli na bétékpoku Betel.