Bumomo Bɔka 14:43 - Katɔti Ɔku Kedee

⁴³ Na si bísie bɛnii bitékpoku Amalekƒuɔ ku Kanaanƒuɔ ni, badubo-mii lɛlɔ bɔdi na badu-mii ku kuwii. Ɔsika Unwoti ɔɔɔdubo-mii kama bɔsiaku ka bíni nwuna litemi na bítadi-ni lɛlɔ ɔsu.”

Bumomo Bɔka 14:43 ပူးပေါင်းရင်းမြစ်များ

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Kɔgya 44:10

Na áya na abu mmomu násɔ búnwini buukeli bula bekisine. Na ama bani muukisi-bu mmomu néƒie-bu ala báƒɔ.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Hosea 9:12

Na si ina bɛ́wɔ muedi ni, ndubɔkpanku-ma ƒui, na kebu amii lɛti. Bɛdubulie biteewulo kɔnyana uwi ɔni na línwini kama lɛ́kya-mii na ala ekpoku-mii na bɛyii udu ƒui kede kede.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Bumomo Bɔka 13:29

Amalekƒuɔ belie bésie Negev kalɔ kemmo na Hetiƒuɔ ku Yebusiƒuɔ ku Amoriƒuɔ ama belie abi eli. Na Kanaanƒuɔ belie bésie ɛpu amadɔ na Yordan kakɛ.”

Bumomo Bɔka 14:25

Na ka Amalekƒuɔ ku Kanaanƒuɔ belie bésie kɔwɛ kemmo ɔsu ni, kɔnaadi binwini bitásia ketele kalɔ kakwiidi ulu ɔni na úti anumi ɔɔtina Ɛpugyie mmɔ lɛlɔ.”

Bumomo Bɔka 14:42

Anwuɔsu bitesie. Si bísie ni, bina bekisine badubo-mii lɛlɔ bɔdi. Ɔsika Unwoti ɔɔɔsiaku-mii.

Bumomo Bɔka 14:44

Ina ka Unwoti Bunyimi Adaka iye Mose útasiaku-ma ni, báyu kayi ɔkplu na báta bésie abi lɛma ka betékpo.

Lɛkpa Ulu 28:25

Unwoti ɔdubɔya na bina bekisine badi-mii lɛlɔ. Na bɛdubɔsia ulu unwi bɛnii bitékpoku-ma, nsu bɛdubɔsia lilu maatɛ lɛlɔ bikeli bɛtɔlɔ. Na si ɔmɛni udu ɔ́lɛ lɛni ni, ɔdubɔbla kayawi bekyuli ƒui kalɛ kadi. Na badubuye lɛlɔ ka bi mɔɔlɛ́ na bina lɛlɔ mɛni.

Yosua 22:15

Amu na bátásu Ruben ku Gad kaba ku Manase kaba kakɛ bekyuli banini,

Yosua 7:12

Ɔmɛni ɔsu na Israelƒuɔ bátakana bunye bɔsiaku bana bekisine na bukeli mmomu na bekeli-ma. Ɔsika ala ani udu na ɔlɛka bɛyila ni, bíti-nya bɛkya lɛlɔ. Ɔmɛni ɔsu na ɔ́lɛku-mii lɛni. Na nsɔ lɛɛɛdubo bukpo bute-mii lɛnɔ wetédu uwi ɔni na bɛyila lɛla biala lɛni na lɛ́su-mii.”

Litemi Batɛne 16:20

Mmɔ na Delila ɔ́kpali ɔnii, “Simson, Ƒilistiƒuɔ bási badubo!” Na ka ɔ́gyinya ni, ɔ́su lɛlɔ ɔnii, “Lísela ntékpo lɛƒɔ lɛlɔ.” Nsu uwi ɔmmɔ útati tɔ ka Unwoti ɔ́ɔda-nwu úse.