Bumomo Bɔka 14:34 - Katɔti Ɔku Kedee

³⁴ “ ‘Na ndubɔya biti akwa aavlene sɔɔn bibo abi na emeyi aavlene ani na bíti bítávi kalɔ kammɔ kemmo kenye na bina ekpidi ɔsu, na bɛnu bɛti kalɛ na use si ami Unwoti lɛ́kɛ ku bekyuli kɔnyi.’

Bumomo Bɔka 14:34 ပူးပေါင်းရင်းမြစ်များ

Baga 1 8:56

“Bemwi Unwoti ɔni néte nwuna bekyuli Israelƒuɔ ƒui bɔnwuna aani kalɛ kani na úse kenye úse. Na útada útavia kenye kani na úse ɔ́siaku nwuna kabla ɔblane Mose lɛlɔ ina litemi linwi pɛ.

Ala Alɛdi 2 36:21

Na uwi ɔni na ɔgbankpi ɔmɛni úbo kalɔ kammɔ ƒui lɛlɔ na basɔ balátuma-ka ni, kalɔ kammɔ kákɛ kana bɔnwuna lɛkwa aani lɛnwunameyi kalɛ útédu akwa liti ku aavlanyɔ ani na Unwoti ɔ́sia nwuna kenye údie Yeremia lɛlɔ ɔ́su úse.

Kɔgya 105:42

Ɔsika únyimo linyese kedee lɛni na úse úte Abraham ɔni ndi nwuna kabla ɔblane.

Kɔgya 38:4

Ɔsika mina ekpidi énwini etila asia-mi lili. Na ebo-mi unu geen na étulo-mi muedi.

Kɔgya 77:8

Na kalɛ na ɔɔyɔ́-bu uwi ndi uwi mmɔ lɛnɔ kenye kékulo? Munuu nwuna kenye kani na úse lɛnɔ kása?

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Esekiel 14:10

Na ukyuli biala ɔni mesie kenye udiene ɔmmɔ kudɔ ɔnii utáƒɔ mina linyesia lɛdi lɛnɔ ni, ndubo-nwu kɔtu kɔmmɔ udu kani bɔni.

Esekiel 23:35

“Buse geen na ése éni-mi ƒui kede kede, anwuɔsu na ami lɛnɔ líse kenye ka adubɔkɛ ƒula lɛtuni na ala ani na ábla aani ɔyalɛ na eesé lɛlɔ mmɔ ɔsu.”

Esekiel 4:6

“Na atu enwini na atɛ kɔdianu ɔƒɛnyi lɛnɔ emeyi 40 na ɔmmɔ lɛnɔ ɔtina kalɛ na Yuda ɔdubo abi bubo limeyi linwi biala lɛkwa linwi.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Hosea 9:12

Na si ina bɛ́wɔ muedi ni, ndubɔkpanku-ma ƒui, na kebu amii lɛti. Bɛdubulie biteewulo kɔnyana uwi ɔni na línwini kama lɛ́kya-mii na ala ekpoku-mii na bɛyii udu ƒui kede kede.

Lewiƒuɔ Ɔda Bubo 20:19

“ ‘Ukyuli ɔdi ku uni ɔnwani ulekubi iye ɔti ɔnwani ulekubi batatɛ, ɔsika ɔmmɔ ɔdubudie ɔbu na ƒula ɔtɔ iye kaduli bekyuli lɛlɔ na ɔlɛka bani bana inyɔ ƒui kɔtu.

Sakaria 11:10

Limeyi lɛmmɔ kani lɛlɔ na lɛ́ƒɛ ugyii ɔni na nka mɔɔlɔ nnii Kɔnyana Bɔnu líti mɔɔtina ka Unwoti úbile bunyimi bɔni na únyimi ku bekyuli ƒui.

Bumomo Bɔka 13:25

Na emeyi aavlene kama ni, bávi kalɔ kammɔ kemmo báwɔlɔ na bénwini bébo bana kakyakɔ.

Bumomo Bɔka 18:23

Lewiƒuɔ kani na ɔlɛka bataabla kabla na Unwoti Adi Kevo kammɔ kemmo. Na si lɛla lɛdi lɛ́lɛ mmɔ ama kani ndubɔnuku-ni. Ɔda bubo bɔmɛni buse úsela uwi ƒui útédu bina bawɔ bawɔ akɔ lɛnɔ. Na ama beeebo kadikɔ kadi na Israelƒuɔ akɔ.

Bumomo Bɔka 32:13

Na ɔmmɔ ɔsu Unwoti úti kɔnyi kpakplaa ɔ́kya Israelƒuɔ na ɔ́ya na bakɛ baaka taamana ketele kalɔ kakwiidi kammɔ kemmo akwa aavlene sɔɔn útédu ka kaba kani bekyuli nábla likpidi na Unwoti anumi békpi báyii udu.

Batalane Kabla 13:18

Na ɔ́nu-ma lɛlɔ na ketele kemmo ɔni na bákɛ baaví laa na akwa aavlene kemmo.

Lɛkpa Ulu 2:7

Na bínyimo kalɛ na bina Unwoti Katɔti úte-mii kusɛ kusɛ na bina kabla biala kemmo. Na anwu nákya-mii akɔ na ɔ́nu-mii lɛlɔ na kalɔ kakwiidi bonwu kamɛni kemmo akwa aavlene sɔɔn na bítayaki lɛla lɛdi.

Hebriƒuɔ 4:1

Anwuɔsu ka linyese lɛni na úte-bu ka buduo nwuna bɔnwuna ƒui kemmo kamu kese kéte-bu ɔsu ni, bɛya na bɔnu lɛlɔ kemmo kaduɛ kalɛ na ɔdi ulásɔ na kenye kammɔ lɛlɔ.

Yosua 14:10

“Nsu nu! Akwa aavlene-alɔ kemmo na bɔkya mɛni ka Unwoti ɔ́su Mose litemi lɛmɛni. Uwi ɔmmɔ kemmo na bɔ́mu bɔkɛ kalɔ kakwiidi kemmo. Na ka Unwoti ɔɔdi nwuna litemi lɛlɔ ɔsu ni, lɛ́mu nli ngba úti úbedu ɔƒɛni. Aanu-mi ɔmwi! Lɛ́ɛkɛ akwa liti ku avlaatɛ-alɔ sɔɔn.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.