Bumomo Bɔka 14:18 - Katɔti Ɔku Kedee

¹⁸ ‘Ami Unwoti ndi Katɔti ɔni mɔɔnu kɔnyana, na mɔɔbla lɛƒɔndia uwi ƒui, na neeeti kɔnyi pla pla. Mmomu mɔɔyɔ́ mina bekyuli na muuti bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.’

Bumomo Bɔka 14:18 ပူးပေါင်းရင်းမြစ်များ

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Hiob 21:19

Na aasu-mi ɔƒɛni anini, ‘Katɔti ɔɔní alaekpidi bablane bammɔ bebi kɔtu na bana bawɔne kenye.’ Bɔsu na ami nda nnini, ‘Ɔlɛka ɔni alaekpidi bablane bammɔ kɔtu ama alati utédu kesii kani na wayu-ma ɔlɛ kaduɛ.’

Kɔgya 103:8

Unwoti ɔɔnu kɔnyana na ɔɔbla lɛƒɔndia. Uléti kɔnyi pla pla na ɔɔyɔ́ bekyuli geen.

Kɔgya 108:4

Unwoti, kalɛ na aayɔ́ bekyuli uwi biala ku kalɛ na aadi ƒula litemi lɛlɔ úbomo geen aani kalɛ na bɔɔnu kalɛ na kayaa kébomo.

Kɔgya 109:14

Unwoti unyimo nwuna bati kuuku ekpidi na uteti uni ekpidi utakyiɛ-nwu.

Kɔgya 145:8

Unwoti ubo lɛƒɔndia na ɔɔnu kɔnyana na uléti kɔnyi pla pla, na ɔɔyɔ́ bekyuli uwi ndi uwi.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Israelƒuɔ Bɔlɛ 20:6

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Yeremia 23:2

Amii na nka ɔlɛka bɛnu mina bekyuli lɛlɔ, nsu bunwini na bínwini bɛ́bi bɛsiaku-ma na bɛɛbɔku-ma taatɔlɔku mmomu. Anwuɔsu ami ɔlati ndubo-mii bɔda ɔƒɛni amu na mɔɔsu-mii geen ka bɛdubo bina ekpidi biala kayu bɔƒɔ!

Yeremia 32:18

Aanu kaba bekyuli mpim mpim kɔnyana. Na lɛni kani na aaní bekyuli kɔtu na bana bawɔne ekpidi ani na bábla ɔsu. Awɔ ndi Unwoti Ɔyikune Ƒui.

Kɔnyana Buwulo 5:7

Bula bati bene nábla likpidi na ama béekpi, nsu abu nnye mɔɔƒɔ bana ekpidi ammɔ kayu.

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Bumomo Bɔka 14:17

“Ɔmɛni ɔsu muuvele-ɔ, O Unwoti, die ƒula ɔyikun unengudi keyi aani kalɛ na ásu ése anii,

Bumomo Bɔka 23:21

“Ɔsika ńtanu ɔgbankpi ɔdi na Yakob kaba lɛlɔ, na ńtanu lɛƒɛda lɛdi na Israelƒuɔ lɛlɔ. Bana Unwoti Katɔti ɔ́kya-ma akɔ. Na beedie kudu taasu banii anwu ndi bana ɔga.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Lɛkpa Ulu 5:10

Nsu mɔɔbla lɛƒɔndia teete nkyuli ɛlɛ ɛlɛ bani mɔɔyɔ́-mi na baadi mina ɔda bubo lɛlɔ.

Lɛkpa Ulu 5:9

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo. Na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Lɛkpa Ulu 7:10

Nsu bani muukisi-nwu ni, ulenye taanu-ma gyɔlɔɔ mmomu uudie taalɛ-ma anumi ku anumi na ɔyila-ma udu kɔnakunwi.

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.