Bumomo Bɔka 14:11 - Katɔti Ɔku Kedee

¹¹ Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Bumomo Bɔka 14:11 ပူးပေါင်းရင်းမြစ်များ

Kɔgya 106:24

Ka bátaƒɔ Katɔti linyese bátadi ɔsu ni, kalɔ kammɔ kátada-ma ebiti.

Kɔgya 78:22

Na ɔmɛni úbo lɛni, ɔsika bátaƒɔ-nwu bátadi na béteti kayi bátasia-nwu lɛlɔ lɛnɔ ka ɔdubɔkana na ɔƒɔ-ma ɔsu.

Kɔgya 78:32

Na ala amɛni ƒui kama ni, katɔ kani na alaekpidi ani baabla aakɔ́ teebu. Na akɔla ala budie taatina ani baanu ka Katɔti ɔɔbla ƒui átaya na baƒɔ-nwu badi.

Kɔgya 95:8

bitabla atuɔkplu aani kalɛ na badi bábla na Meriba ku Masa kalɔ kakwiidi kammɔ lɛlɔ limeyi lɛmmɔ.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Israelƒuɔ Bɔlɛ 16:28

Amu na Unwoti úye Mose ɔnini, “Uwi ɛlɛ sɔɔn na amii Hebriƒuɔ bɛdubuni mina ɔda bubo lɛlɔ bɔdi bitédu?

Israelƒuɔ Bɔlɛ 23:21

Binu ɔtu ɔmmɔ litemi biala lɛni na ɔdubo-mii bɔsu. Na ɔdi utata utenye-nwu lɛlɔ, ɔsika ami nátala-nwu. Na si ɔdi ɔ́ta únye-nwu lɛlɔ ni, uleti ulakyiɛ-nwu, ɔsika mina lɛnyi lɛlɔ na ɔkɛ.

Israelƒuɔ Bɔlɛ 32:9

“Na ami Unwoti ngyi kalɛ na bekyuli bamɛni bese.

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Yeremia 13:10

Yuda kadi bekyuli badi bekyuli bekpidi na bebo atuɔkplu na belenu litemi. Na baabla lɛla biala na ama baayɔ́ na baakpá baƒiɔ na mina litemi bunu kenye. Na si uwi ɔni na lɛ́wɔlɔ lɛla lɛni na nnii mɔɔblaku-ma ni, basɔ baaadubo lɛla lɛdi bɔdia bɔbla, ɔsika lɛni na badubo buse aani kalɛ na lɛwuku lɛmmɔ lise na aanu.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Hosea 8:5

Na líti kɔnyi lɛ́kya awɔ Samaria ɔma unengudi ɔmmɔ na ƒula baƒiɔ bani na ávɔ na ɔmantɛ akɔ ubi udu kenye mmɔ ɔsu. Uwi ɔmani na aakali ka adubɔsɔ abla sɛɛn na mina anumi?

Sakaria 8:14

“Uwi ɔni na bina bati kuuku bákya-mi kɔnyi ni, lɛ́lɛ ugyii ka lɛya na ɔgbankpi ubo-mii lɛlɔ liti lɛni-mii kɔtu na ńteni ɔmɛni bɔbla.

Bumomo Bɔka 14:23

bana kemmo ɔdi biala ulanu kalɔ kani líse kenye ka meti mete bana bati kuuku mmɔ. Na ukyuli biala nétenu-mi litemi na ɔbu-mi uleduo mmɔ.

Bumomo Bɔka 14:27

“Uwi ɛlɛ geen na bekyuli bekpidi bamɛni badubunye bataadɔ bana lɛlɔ kemmo kalɔ kalɔ na mina lɛlɔ betédu? Línu ala ani na benye baaká taadɔnku-mi.

Bumomo Bɔka 32:10

Na limeyi lɛmmɔ Unwoti kɔnyi kɔ́kɔ katɔ na úse kenye ɔnini,

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Marko 9:19

Amu na Yesu ɔ́su-ma ɔnini, “Eei! Ɔmwi keyi kamɛni bekyuli, bina bɔƒɔtaadi bɔ́sɔ! Uwi ɛlɛ na ɔlɛka lɛkya-mii kudɔ ntédu asa na bɛƒɔ bɛdi? Munuu uwi ɔmani na ndubɔda-mii asa na binu ala kalɔ? Biti ɔnamu ɔmmɔ biboku-mi!”

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Yohane 12:37

Na ina ka Yesu ɔ́bla akɔla budie taatina amɛni ƒui na bana anumi ni, bátaƒɔ-nwu bátadi.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Lɛkpa Ulu 1:32

Nsu ɔmɛni kama ƒui ni, bítaƒɔ bina Unwoti Katɔti bítadi,

Hebriƒuɔ 3:16

Na ɔma bene na bɛɛkali ka ama nénu na báta bénye Katɔti lɛlɔ mmɔ? Ɔɔɔdi bekyuli bani ƒui na Mose ɔ́tɔnku ɔ́lɛku Egyipte kalɔ lɛlɔ mmɔ badi yoo?

Hebriƒuɔ 3:18

Na ɔma bene na Katɔti ɔ́kpali lɛlɔ ɔ́su ka baláni beléde-nwu na bakɛ bɔnwuna si ɔɔɔdi bekyuli bani nétenu-nwu litemi mmɔ?

Hebriƒuɔ 3:8

bitabla atuɔkplu aani kalɛ na bɛ́bla uwi ɔni kemmo na bɛ́ta bínye-mi lɛlɔ na bɛ́kɔku-mi bɛ́nu na ketele mmɔ.