Bumomo Bɔka 13:33 - Katɔti Ɔku Kedee

³³ Na bɔ́nu bekyuli bani náta katɔ na bási Anak kaba kemmo muedi na mmɔ. Na abu buse na buse aani bakpɔtilikpɔ na bana anumi. Na lɛni na badubo-bu bɔnu.”

Bumomo Bɔka 13:33 ပူးပေါင်းရင်းမြစ်များ

Ala Kalɔ Buse 6:4

Na uwi ɔmmɔ kemmo ku nwuna kama ni, bekyuli bani nákuku na bebo ɔlɔkplu bákya. Na bekyuli bamɛni badi ayu ani nébo kalɔ na Katɔti anumi na bana kasikɔ kási beleku bani na bekyuli báwɔ na kalɔ lɛlɔ. Na badi banana bani náƒɔ lɛnyi geen bábavi.

Ala Alɛdi 1 11:23

Ɔ́du Egyipteni ukpone unengudi ɔdi na nwuna bɔkuku bɔdi lɛgba bɔka maatɛ ku kakɛ. Na ina ka Egyipteni ɔmmɔ ɔda kewii gyɔlɔɔ ni, ligyiiku lɛdi kani na Benaia ɔda útásiaku-nwu na úƒie nwuna kewii kammɔ ɔ́ƒɔ na úti ɔ́tu-nwu ɔ́du. Na ɔ́da lɛtula gyɔlɔɔ aani ɔta kalɛ. Na Benaia ɔ́wia ligyiiku na útekpoku-nwu. Na úkpeli Egyipteni ɔmmɔ lɛtula lɛmmɔ ɔ́ƒɔ na úti ɔ́du-nwu.

Yesaia 40:22

Anwu ɔni nédie kayawi ni, uli nwuna lɛgaboku lɛlɔ na ɔɔdi kayawi bekyuli ƒui lɛlɔ ɔ́ka ɔ́mana ɔ́si kayaa katɔ katɔ ƒui. Údie kayaa kammɔ na kebi bekyuli lɛlɔ na bakya-nwu kemmo aani kɔdi kevo bonwu, na ɔɔnu-ma teemene aani bakpɔtilikpɔ.

Bumomo Bɔka 13:22

Na básia Negev kalɔ kemmo na bákɔ bétédu Hebron, kesii kani na Anak kaba kemmo bekyuli bani ndi Ahiman ku Sesai ku Talmai bélie. Báada Hebron ɔma akwa maatɛ kama asa na báda Soan ɔma ɔni nkya Egyipte.

Bumomo Bɔka 13:28

Nsu bɔɔsu-ɔ ka bekyuli bani nlie mmɔ ni, bebo ɔyikun geen, na bana lɛma linengudi ƒui lɛnɔ bátu awodu bámana-ni. Na mmɔ muedi na bɔ́nu Anak kaba bekyuli.

Bumomo Bɔka 14:1

Usien umodi ɔmmɔ ƒui Israelƒuɔ bákya beewulo momoomo ku kudu.

Lɛkpa Ulu 1:28

Na bɛ́sɔ bɛ́su bɛnii, “Wɛ bɔdubusie ɔƒɛni? Ɔsika bekyuli bani na bɔ́tala mmɔ básu-bu ka bekyuli bani nkya mmɔ bebo ɔlɔkplu na bákuku betulo-bu. Na belie lɛma libendi lɛni nina awodu ákuku ésie kayaa. Na bɔ́nu bekyuli bani na baalɔ-ma Anakƒuɔ lɛnɔ ka bakya mmɔ.”

Lɛkpa Ulu 2:10

Uwi ɔdi kemmo ni, nka bekyuli bani baalɔ banii Emiƒuɔ nli Ar ɔma ɔmmɔ kemmo. Bekyuli bammɔ bákuku na bemomo na bebo ɔlɔkplu lɛnɔ aani Anakƒuɔ.

Lɛkpa Ulu 3:11

Na Raƒa bekyuli ƒui kemmo ni, Ɔga Og lɛti pɛ nébu. Na binu! Nwuna lɛla lɛni lɛlɔ na ɔɔtɛ ni, nwuna bune butulo lɛgba leevu-ɛtɛ. Na nwuna bɔbɛbɛ bɔbla aani lɛgba ɛku. Na abuala lɛti lɛti na béti bábla lɛla lɛmmɔ. Na kamu kese Arnonƒuɔ ɔma ubendi ɔni baalɔ banii Raba ɔmwi kadi.

Lɛkpa Ulu 9:2

Na bekyuli bammɔ alati bákuku na bebo ɔyikun na baalɔ-ma Anakƒuɔ. Na bínu ka básu dii ka bekyuli badi beeebo na bakana bunye bɔsiaku-ma.

Yosua 11:21

Ɔmmɔ kama ni, Yosua ɔ́sɔ úsie Hebron ku Debir ku Anak na útékpoku Anakƒuɔ bani nli lɛma lɛmmɔ. Na ɔ́di-ma lɛlɔ na ɔ́yila bekyuli bammɔ ku bana lɛma udu ɔ́siku Yuda ku Israel abi eli.

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Yosua 15:14

Na Kaleb ɔ́bɔku Anak bawɔ ɛtɛ ku bana kaba bekyuli ɔ́lɛku ɔma ɔmmɔ kemmo. Na bawɔ bammɔ ndi Sesai ku Ahiman ku Talmai.

Samuel 1 17:24

Ka Israelƒuɔ bánu ka Goliat ɔ́sɔ ɔ́da úbalɛ kani na békeli bébo kama ku liƒu.

Samuel 1 17:42

Nsu ka Goliat ɔ́nu Dawid ni, ɔ́nu ka okloƒu kani na ɔdi. Na ina ka ubo ɔlɔkplu na ɔɔdia bɔnu ni, nwuna lɛlɔ líƒi-nwu livo.