Bumomo Bɔka 13:28 - Katɔti Ɔku Kedee

²⁸ Nsu bɔɔsu-ɔ ka bekyuli bani nlie mmɔ ni, bebo ɔyikun geen, na bana lɛma linengudi ƒui lɛnɔ bátu awodu bámana-ni. Na mmɔ muedi na bɔ́nu Anak kaba bekyuli.

Bumomo Bɔka 13:28 ပူးပေါင်းရင်းမြစ်များ

Samuel 2 21:16

Ɔƒɛni ukpone ɔni baalɔ Yisbi-Benob na ɔdi Raƒa kaba kemmo ubi ni, ɔda lɛtula lɛdi na nwuna lili lɛmmɔ lɛti pɛ unu wabla aani antabi akyami anyɔ unu. Na ɔda kewii kawɔdi na ɔ́su ka wadu Ɔga Dawid.

Bumomo Bɔka 13:33

Na bɔ́nu bekyuli bani náta katɔ na bási Anak kaba kemmo muedi na mmɔ. Na abu buse na buse aani bakpɔtilikpɔ na bana anumi. Na lɛni na badubo-bu bɔnu.”

Lɛkpa Ulu 1:28

Na bɛ́sɔ bɛ́su bɛnii, “Wɛ bɔdubusie ɔƒɛni? Ɔsika bekyuli bani na bɔ́tala mmɔ básu-bu ka bekyuli bani nkya mmɔ bebo ɔlɔkplu na bákuku betulo-bu. Na belie lɛma libendi lɛni nina awodu ákuku ésie kayaa. Na bɔ́nu bekyuli bani na baalɔ-ma Anakƒuɔ lɛnɔ ka bakya mmɔ.”

Lɛkpa Ulu 2:21

Ama lɛnɔ bákuku aani Anakƒuɔ. Na bemomo na bebo ɔlɔkplu lɛnɔ, nsu Katɔti ɔ́yila-ma udu ƒui na ɔ́ƒɔ bana kalɔ na úti-ka úte Arnonƒuɔ na bétélie mmɔ.

Lɛkpa Ulu 3:5

Na lɛma lɛni ƒui kɔtɛ na mɔɔtɛmi-mii mɛni ni, bátu awodu ebendi báka bámana-nya na ana kɔyakun ni, abuala kɔlɛmikɔ sɔɔn na kɔdi na béti bábala-ku. Na akpaklɔ adi lɛnɔ akya na ébomo, nsu anya amu ni, bátatu awodu bátaka bátatamana-nya.

Yosua 11:22

Na Anakƒuɔ bammɔ badi básɔ bétebu na Israel kalɔ lɛlɔ amu ntu ɛlɛɛ badi kani nébu belie Gasa ku Gad ku Asdod lɛma kemmo.

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Yosua 15:14

Na Kaleb ɔ́bɔku Anak bawɔ ɛtɛ ku bana kaba bekyuli ɔ́lɛku ɔma ɔmmɔ kemmo. Na bawɔ bammɔ ndi Sesai ku Ahiman ku Talmai.

Litemi Batɛne 1:20

Béti Hebron kalɔ béte Kaleb aani kalɛ na Mose úbo-ma ɔda úse, ɔsika Kaleb ɔmmɔ nékpoku Anak bebi ɛtɛ kaba bekyuli bani nélie mmɔ na ɔ́bɔku-ma ɔ́lɛku mmɔ.