Bumomo Bɔka 12:8 - Katɔti Ɔku Kedee

⁸ Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Bumomo Bɔka 12:8 ပူးပေါင်းရင်းမြစ်များ

Ala Kalɔ Buse 32:30

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Kɔgya 49:4

Agba na adi na ndubo bubo. Na ɔbentaa na ndubo bɔgya budie-nya kalɔ.

Israelƒuɔ Bɔlɛ 19:19

Na bɔkɔ kani na kakpɛɛ kammɔ kɔku kɔɔkɔ́ katɔ teebu. Amu na Mose ɔ́tɛmi úte Unwoti, na Unwoti údie kenye ku katɔ budun.

Israelƒuɔ Bɔlɛ 20:4

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Israelƒuɔ Bɔlɛ 33:11

Na Unwoti ɔɔtɛmi-ku Mose anumi ku anumi aani kalɛ na bakpana baatɛmi. Na Mose ɔ́sɔ únwini úsie nwuna keliekɔ. Nsu okloƒu ɔni muubunku Mose na baalɔ-nwu banii Yosua na ɔdi Nun ubidi ni, anwu ɔɔƒɔ́ lɛlɔ taakya Katɔti kevo kammɔ kemmo.

Israelƒuɔ Bɔlɛ 33:19

Amu na Unwoti údie kenye ɔnini, “Ndubɔya na mina bukeye bɔvi ƒula anumi. Na si mɔɔví ni, ndubɔlɔ mina lɛnyi kedee nnii Unwoti. Na ukyuli ɔni litemi mɔɔyɔ́ ni, ndubɔnu-nwu kɔnyana. Na ukyuli ɔni mɔɔyɔ́ lɛnɔ ni, ndubɔbla-nwu lɛƒɔndia.

Israelƒuɔ Bɔlɛ 33:23

Na ɔmmɔ kama ndubɔda mina enu lidie-ɔ lɛlɔ, na adubɔnu mina kama, nsu ɔɔɔdi mina anumi.”

Israelƒuɔ Bɔlɛ 34:30

Amu ka Aaron ku bekyuli bammɔ bánu kalɛ na nwuna anumi eekeye ni, ɔdi biala ɔ́yia ka ɔni ude-nwu.

Agba 1:6

Na benu agba ku kenwini etemila kalɔ na benu banundane agyolo ku kekuma atɛ kalɔ.

Yesaia 40:18

Na si use lɛni ni, ɔma na ukyuli ɔdi ɔdubuti Katɔti bɔkɔku, iye bi udu na ukyuli ɔdubɔnwi uti ɔtina kalɛ na Katɔti use?

Yesaia 46:5

“Ukyuli ɔdi ɔɔɔdi-mi ligye na ɔdi lɛnɔ ulakana na weti lɛlɔ wakɔku-mi.

Esekiel 17:2

“Esekiel, ɔyawine ubi, ti litemi lɛmɛni tásu Israel kadi bekyuli

Esekiel 20:49

Nsu lɛ́kya unyeƒi na lɛ́su nnini, “Unwoti Katɔti, naaayɔ ka lɛbla lɛla lɛmmɔ udu! Bekyuli ƒui baasu ɔ́si kukuuku banii muuƒú-ma taakya ku mina linyesia lɛni na muuti teeboku-ma.”

Hosea 12:13

“Lɛ́tala mina Kenye Udiene Mose nnii ɔtɔnku Israelƒuɔ ɔsiku Egyipte na ɔda-ma kɔkɔɔkɔ na lɛla lɛdi litabla-ma.

Bumomo Bɔka 14:14

Na badubo bekyuli bani nlie kalɔ kamɛni lɛlɔ lɛla lɛmɛni bɔsu. Kalɔ kamɛni bekyuli béenu kukuuku kalɛ na awɔ Unwoti akya Israelƒuɔ akɔ, na bánu-ɔ anumi ku anumi ku kalɛ na ƒula liƒlukutu lɛ́yu líbelie-ma eli ku kalɛ na aatɔ-ma anumi aani liƒlukutu lɛkpa bonwu kalɛ na ɔƒiiwi, na usien lɛnɔ aani lɛgyavonku bonwu kalɛ.

Bumomo Bɔka 7:89

Uwi ɔni Mose úduo Unwoti Adi Kevo kammɔ kemmo ka anwu ku Unwoti batɛmi ni, mmɔ kani na únu Unwoti lɛdi ɔ́siku ngba bebweyi inyɔ bani nnye bunyimi adaka likpidi kɔtu bɔni budie libila lɛmmɔ lɛlɔ. Mmɔ na anwu ku-nwu bátɛmi.

Mateo 13:35

Ɔ́bla lɛni kalɛ na lɛla lɛni na Katɔti kenye udiene ɔ́su úse libo lite lɛni uwi ɔni na ɔ́su ɔnini, “Ndubutemi lite-ma na agba kemmo. Na ndubudie ala ani na baaagyi ɔ́si kayawi kalɔ kesekɔ ƒui lɛtina-ma.”

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Korintoƒuɔ 1 13:12

Ala ani na bɔɔnu ɔƒɛni ni, ese aani kalɛ na baanu lɛla lɛdi ƒlu ƒlu na asogya kemmo. Na kama asa na bɔdubɔnu-ni nwaa anumi ku anumi. Na lɛla lɛni na ngyi ɔƒɛni ni, lítedu lítawɔlɔ. Nsu kama ni, lɛdubo libedu lɛwɔlɔ na ɔbla nwaa aani kalɛ kani na Katɔti ɔgyi-mi ƒui.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.

Lɛkpa Ulu 34:10

Na Katɔti kenye udiene ɔdi útakya Israel kudii aani Mose kalɛ. Na Unwoti útaatɛmi-ku Mose anumi ku anumi.

Lɛkpa Ulu 4:15

Limeyi lɛni na Katɔti ɔ́tɛmi úte-mii ɔ́siku ogya kemmo na Sinai Kɔbi lɛlɔ ni, bítanu nwuna udu biala bítati. Anwuɔsu bɛnu lɛlɔ kemmo kaduɛ.

Lɛkpa Ulu 5:8

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Koloseƒuɔ 1:15

Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Hebriƒuɔ 1:1

Na uwi ɔni návi kemmo ni, Katɔti ɔ́sia nwuna kenye bediene lɛlɔ ɔ́tɛmiku bula bati kuuku kɔlɛ kɔlɛ na lilu bun bun lɛlɔ.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Petro 2 2:10

Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune.

Yuda 1:8

Lɛni kani na ala ani na bekyuli bekpidi bani na bébeduo-mii akɔ baanu na ana ani na baatɛ teegye kemmo ni, áya na baabla alaekpidi ani mɔɔyá bana ɔlɔna uusé lɛlɔ. Báta bénye Katɔti lɛlɔ na baatɛmi enyekpi na bagadine lɛlɔ.