Bumomo Bɔka 12:6 - Katɔti Ɔku Kedee

⁶ ɔ́su-ma ɔnini, “Binu etemila ani ndubo-mii bɔsu mɛni. “Si Unwoti kenye udiene ɔdi ɔkya-mii akɔ ni, muudie lɛlɔ taatina-nwu na kɔyu kemmo ala budie bɔtina kemmo iye kɔna kemmo na mɔɔtɛmiku-nwu.

Bumomo Bɔka 12:6 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Ala Kalɔ Buse 20:7

Anwuɔsu ni, ya na uleku ɔmmɔ ɔsɔ unwini usie ɔgyani kudɔ, ɔsika Katɔti Kenye Udiene na ɔdi. Na ɔdubɔkpali katɔ na ƒula lili na elie ngba. Nsu si átaya na ulekudi ɔmmɔ ɔsɔ unwini ni, na ati ka awɔ ku ƒula badi ƒui bɛdubo bukpi.”

Ala Kalɔ Buse 28:12

Ka ɔtɛ ni, úgye kɔna kɔdi na ɔ́nu ka ubili kɔnyakɔ kɔdi kɔ́si kalɔ kɔ́kɔ laa kútédu katɔ. Na ɔ́nu ka Katɔti batu baasia-nwu lɛlɔ taakɔ na baasia taayu.

Ala Kalɔ Buse 28:16

Ka Yakob ɔ́gyinya ni, ɔ́su ɔnini, “Sɔsɔ na ɔdi ka Unwoti Katɔti ɔkya mɛni na ami ńtati.”

Ala Kalɔ Buse 37:5

Yoseƒ úgye kɔna kɔdi. Na ka ɔ́su nwuna banwani kɔna kɔmɛni ni, ɔ́ya na basɔ beekisi-nwu teebu.

Ala Kalɔ Buse 37:9

Na ɔmmɔ kama ni, ɔ́sɔ úgye kɔna kɔdi na ɔ́sɔ ɔ́su nwuna banwani ɔnini, “Bɛsɔ binu kɔna bamba kɔni na lígye. Lɛ́nu ka ɔƒɛ ku kɔbuli ku ayabi leevu-unwi eeboku lɛlɔ kalɔ teete-mi.”

Ala Kalɔ Buse 46:2

Na mmɔ ni, Unwoti Katɔti útemiku Israel na kɔna kemmo usien na ɔ́kpali-nwu ɔnini, “Yakob! Yakob!” Na Yakob lɛnɔ údie kenye ɔnini, “Ati, aanu-mi mɛni.”

Samuel 2 7:4

Nsu usien ɔmmɔ kani na Unwoti ɔ́su Natan ɔnini,

Baga 1 3:15

Amu na Salomo ɔ́gyinya na ɔ́nu ɔ́ti ka kɔna na úgye. Mmɔ ni, ɔ́sɔ únwini úsie Yerusalem na úténye Unwoti Bunyimi Adaka ɔmmɔ kudɔ. Na ɔ́bla bɔkyula ku unwi bɔbla akpala úte Unwoti. Ɔmmɔ kama ɔ́ya na bánwa adila kaduɛ na anwu ku kabla bablane bani mɔɔbla-nwu kabla na kaduli mmɔ bádi limeyi.

Baga 1 3:5

Na Gibeon mmɔ ni, Unwoti údie lɛlɔ ɔ́tina Salomo na kɔna kemmo usien ɔdi. Na Katɔti ɔ́su Salomo ɔnini, “Vele-mi lɛla biala na aayɔ́ na ndubuti-ni lite-ɔ.”

Hiob 33:15

Usien uwi ɔni na ukyuli ɔtɛ ɔlɛɛ momoomo na úusie ɔgyu ni, ɔɔyá na uugyé ana na uudie ayiala bonwu taatina-nwu.

Hiob 4:13

Uwi ɔni na nka lɛlɛɛ líiti-mi líselaku ɔgyu ƒui ni, kɔna kemmo liƒu ala bɔnu bɔmɛni bɔ́gyila-mi.

Kɔgya 105:15

Na ɔ́su-ma ɔnini, “Ɔdi biala utetuku mina kadi bekyuli bani na lɛ́ƒuna. Na ɔdi utabla mina kenye bediene badi likpidi lɛdi.”

Kɔgya 89:19

Kuuku ni, édie átina ƒula kabla ɔblane na kɔyu kemmo na ásu anini, “Liti ɔyikun líte ukpone ɔdi. Na lɛ́ƒuna-nwu lɛ́siku bina akɔ na líse-nwu likpo ka ɔdi lɛga.

Israelƒuɔ Bɔlɛ 7:1

Amu na Unwoti ɔ́su Mose ɔnini, “Nu, lɛ́bla-a aani Katɔti líte Ɔga Ƒarao. Na lɛ́bla ƒula ɔnwani Aaron aani ƒula kenye udiene.

Yeremia 23:25

“Kenye bediene bani nálɛ-mii kama mɛni baasu taatina ka ami náya na bégye ana iye ami nédie lɛla lɛdi lɛ́tina-ma na kɔyu kemmo na benye-mi lɛnyi lɛlɔ baanyi ɔkɔ.

Yeremia 23:28

Kavumana bonwu kakya bana ana ani na bégye ku mina litemi geen ntɛ aani kamu ku keti. Anwuɔsu si kenye udiene ɔdi úsie utásu mina kenye bɔdi ni, ɔlɛka ɔsu litemi geen lɛni na lɛ́su mmɔ kani.

Esekiel 1:1

Ami ndi Esekiel, Busi ubidi, na ndi ɔkpane. Uwi ɔni na béƒie Ɔga Yekonia bátɔlɔku bésienku Babilon aani bana ɔtɔntɛne kalɛ úbunku abu bakladi, ɔbla akwa alɔ kama ni, lɛ́kya kesii kadi na kede ketu kani baalɔ banii Keba. Na ami ku bani na béti bátɔlɔku mmɔ nkya mmɔ. Amu na kɔbuli kunedi limeyi lɛlɔndi lɛlɔ na lɛkwa leevu-lɛtɛdi kemmo ni, kayaa kálɛmi kɔnakunwi. Na Unwoti úti nwuna enu ɔ́sia-mi lɛlɔ na údie kɔyu kemmo ala adi ɔ́tina-mi.

Daniel 10:8

Na ami lɛti kani nánu budie taatina bɔmɛni. Na lɛ́bla kpɛtɛ kpɛtɛ, na mina anumi ábla ƒuƒuu.

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Daniel 7:1

Daniel únweni ɔku ɔdi ɔnini, Uwi ɔni na Belsasar ɔɔdi lɛga na Babilon lɛkwa lideedi kemmo ni, lígye kɔna na lɛ́nu kɔyu kemmo ala budie taatina bɔdi na mina lɛlɛɛ kemmo usien ɔdi, na línweni líse. Lɛ́nu ka ɔƒɛƒɛɛ ɔni nási kayawi lɛƒɛnyi ine bɔmmɔ ƒui uukpó, na ɛpu bonwu ɔmmɔ ɔɔnwanɛ lɛlɔ geen.

Daniel 8:2

na ami Daniel nkya Babilon kalɛkɛ kani baalɔ Elam kemmo na bana ɔma unengudi ɔni baalɔ banii Susa kemmo. Na mmɔ kede Ulai Ketu.

Hosea 12:11

Alaekpidi ani na baabla na Gilgal ábɔ ágya na badubo babayii udu na kawɔlɔkɔ. Baadú ɔmantɛ bakɔ taakpa na bana akpabi ani na béti atabi bátu mmɔ lɛlɔ. Nsu badubo atabi ammɔ ƒui bugyingya bɔ́kya alakpi akɔ na kalɔ kammɔ kemmo.

Yoel 3:1

“Uwi ɔmmɔ ni, ami Unwoti ndubo bɔya na ala asɔ atɛnku Yuda ku Yerusalem.

Sakaria 1:8

Usien ɔmmɔ ni, lɛ́nu ka ukyuli ɔdi ulie ɔpɔnkɔ ugyiedi ɔdi lɛlɔ na kɔwɛ lɛku lɛdi kemmo. Na babambadi badi lɛnɔ belie bapɔnkɔ begyiedi ku bani nse ƒuƒuu ku baƒualadi bamba lɛlɔ na nwuna kama.

Bumomo Bɔka 24:4

ubo na udie aani ukyuli ɔni muunú lɛla lɛni na Katɔti ɔɔsu ubo na udie, ukyuli ɔni mɔɔnú budie bɔtina taasiku Ɔyikune Ƒui kudɔ, ukyuli ɔni náyu ɔtɛ na nwuna anumi ebi kalɔ, nsu ɔɔnu nwaa.

Mateo 1:20

Ka ɔ́bla kasusu kamɛni na útátɛ ni, Katɔti ɔtu ɔdi údie lɛlɔ ɔ́tina-nwu na kɔna kemmo, na ɔ́su-nwu ɔnini, “Yoseƒ, Dawid kaba kemmo ubi, tayia ka eti Maria aani ƒ'ulekudi kalɛ. Ɔsika kaƒɔ kani na ɔda mɛni ni, Katɔti Kɔyu ɔyikun kemmo na ɔ́si.

Mateo 2:19

Ka Herode úkpi ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo na Egyipte.

Mateo 23:31

Nsu bina ala ani bɛɛbla mɔɔtina geen ka bekyuli bani nádu Katɔti kenye bediene bammɔ kaba bebi na bɛdi.

Mateo 23:34

Ɔmɛni ɔsu ni, ndubɔtala Katɔti kenye bediene ku banundane ku Katɔti ɔda bubo ala batinane lɛkya-mii akɔ. Na ka biikisi-ma ɔsu ni, bɛdubɔkana badi bɔmana ugyii lɛlɔ na bekpi, na bibo badi kugyiimi na kasalakɔ, na bɛbɔku badi lɛnɔ bɛsiku ɔma unwi bisienku ɔma unyɔdi kemmo.

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”

Luka 1:11

Amu na Katɔti ɔtu ɔdi údie lɛlɔ ɔ́tina-nwu na unye use kesii kani na oloƒui ɔmmɔ ɔɔkywí kɔdianu kakɛ.

Luka 1:22

Ka ɔ́lɛ úbo ni, ɔsɔ ulákana-ma butemiku. Anwuɔsu bánu báti ka ɔ́nu budie bɔtina bɔdi na Yudaƒuɔ kakpakɔ mmɔ. Na ka ulákana butemi ɔsu ni, enu kani na uudie taatɛmiku-ma ala.

Luka 20:6

Na si bɔ́su bɔnii ukyuli kudɔ na ɔ́kɛ-ka ɔ́siku ni, kasalakɔ bekyuli bamɛni ƒui badubo-bu atabi bubo, ɔsika bana ƒui báƒɔ bádi ka Katɔti kenye udiene na Yohane ɔdi.”

Batalane Kabla 10:11

Mmɔ na ɔ́nu ka kayaa kébimi, na ɔ́nu kɔdi bonwu kɔdi ka bada kuna ekpo ene ani ƒui na kɔ́si kɔɔyu kalɔ.

Batalane Kabla 10:17

Amu na uwi ɔmmɔ ni, lɛla lɛmɛni lɛkya lɛɛbla Petro dɛye dɛye, na úye lɛlɔ ɔnii, “Bi na ɔmɛni ɔɔtina?” Mmɔ kani na bekyuli bani na Kornelio ɔ́tala mmɔ bébeduo ɔma ɔmɛni kemmo. Na ka bánu kaduli kani baawia ni, bébo bébenye kayakun.

Eƒesoƒuɔ 4:11

Anwu néti etela úte bekyuli na údie badi ka babla batalane, na badi lɛnɔ badi kenye bediene, na badi lɛnɔ badi lɛsa bakɔne, na badi lɛnɔ badi baƒɔtaadine lɛlɔ banune ku ala batinane.

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.

Lɛkpa Ulu 18:18

Anwuɔsu Ami Katɔti ndubumene kenye udiene ɔdi aani awɔ Mose kalɛ lɛkya-ma. Na kenye udiene ɔmmɔ ɔdubɔsi ama alati kadi bekyuli akɔ. Na lɛla biala na líbo-nwu ɔda ni, anwu ndubɔsu-ma ana ƒui.

Hebriƒuɔ 1:1

Na uwi ɔni návi kemmo ni, Katɔti ɔ́sia nwuna kenye bediene lɛlɔ ɔ́tɛmiku bula bati kuuku kɔlɛ kɔlɛ na lilu bun bun lɛlɔ.

Budie Taatina 11:10

Na bekyuli bani nlie kalɔ lɛlɔ badubo kubiti bɔkɛ na nkyuli inyɔ bammɔ kukpi ɔsu. Badubo limeyi bɔdi na bete lɛlɔ ala, ɔsika kenye bediene inyɔ bammɔ béti lɛbibo pii béboku kayawi bekyuli lɛlɔ.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”

Samuel 1 28:6

Anwuɔsu úye Unwoti lɛla lɛni na ɔlɛka ɔbla, nsu Unwoti útakpete-nwu na udie lɛla lɛdi ɔtina-nwu na kɔna kemmo iye ɔsia ɔkpane ɔdi lɛlɔ iye kenye udiene ɔdi lɛlɔ na ɔsu-nwu lɛla lɛdi.

Samuel 1 3:15

Nwuna kama ni, Samuel úsie útátɛ ɔ́lɛɛ laa na kadi kegye asa na ɔ́ta ɔ́lɛmi kakpakɔ mmɔ. Na lɛla lɛni na Unwoti údie ɔ́tina-nwu ni, ɔɔyia ka udie-ni ɔsu Eli.

Samuel 1 3:21

Unwoti úsie anumi na uudie lɛlɔ taatina na Silo mmɔ ɔkɛnku ala ani na ɔɔsu Samuel lɛlɔ.