Bumomo Bɔka 11:25 - Katɔti Ɔku Kedee

²⁵ Mmɔ na Unwoti ɔ́yu úbo kalɔ na liƒlukutu kemmo na ɔtɛmi ku Mose. Na kɔyu ɔyikun ɔni nkya-nwu ni, údie ɔyikun ɔmmɔ ɔdi ɔ́kya batɔnkune liti ku aavlanyɔ bammɔ kemmo. Na si kɔyu kɔmmɔ kɔ́ƒɔ-ma lɛlɔ kemmo na beedie Unwoti ablala kenye, nsu uwi ulétu gyɔlɔɔ.

Bumomo Bɔka 11:25 ပူးပေါင်းရင်းမြစ်များ

Baga 2 2:15

Na kenye bediene bani na bási Yeriko na benye kɔƒɛlɛ baanu Elisa básu banini, “Elia kɔyu kúbaƒɔ Elisa lɛlɔ kemmo!” Amu na bésie bátasiaku-nwu. Na bákya-nwu lili kalɔ.

Nehemia 9:20

Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Kɔgya 99:7

Unwoti ɔ́tɛmiku-ma ɔ́siku liƒlukutu bonwu aani lɛkpa lɛdi kemmo. Na ama bénu na bádi nwuna ɔda bubo lɛlɔ.

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Israelƒuɔ Bɔlɛ 34:5

Amu na Unwoti ɔ́yu úbo Mose kudɔ na kɔbi kɔmmɔ lili na liƒlukutu kemmo. Na ɔ́kpali nwuna lɛnyi kedee na ɔ́su ɔnini, “Ami Unwoti mmɔ.”

Israelƒuɔ Bɔlɛ 40:38

Anwuɔsu na Israelƒuɔ ulu busie kemmo ƒui ni, Unwoti liƒlukutu lɛmmɔ liibi Adi Kevo kammɔ lɛlɔ na kadi nwaa. Na usien lɛnɔ liinwíni aani lɛgyavonku lɛkpa taatɔnku-ma.

Yesaia 63:11

Mmɔ ni, nwuna bekyuli bammɔ bákali bánu kuuku uwi ɔni na Mose ɔ́tɔnku nwuna bekyuli. Na béye lɛlɔ banii wɛ na ukyuli ɔni nétiku-ma ɔ́siaku ɛpu kemmo mmɔ ku bana lɛlɔ ɔnune aani baƒonu ɔdane buni mmɔ bávi? Na ukyuli ɔni náya na nwuna Kɔyu Kedee kuli-ma akɔ nɔɔ, wɛ na ɔ́vi?

Esekiel 8:11

Ɔnana ɔni baalɔ Yaasania na ɔdi Saƒan ubidi ɔnanabi ku Israelƒuɔ batɔnkune bamba bani ndubɔbla nkyuli liti ku aavlanyɔ benye mmɔ na ɔdi biala ɔda oloƒui bɔkyula kɔlɛkɛ unye na ɔnyi ɔmmɔ ɔ́ƒɔ ɔtɔ ɔmmɔ kemmo ƒui.

Bumomo Bɔka 11:17

Na si bébenye mmɔ ni, ndubɔyu bubo-mii kudɔ na lɛtɛmiku-mii. Na mmɔ ni, ndubɔya na mina kɔyu kɔni nkya-a kemmo kɔdi kɔlɛ na liti ku lɛkya bana kemmo ɔdi. Na ama ndubo-ɔ kebunku buteete. Na betiku-ɔ bekyuli bammɔ etila. Kalɛ na asɔ eleti etila ammɔ awɔ lɛti.

Bumomo Bɔka 12:5

Amu na Unwoti ɔ́yu úbo kalɔ na liƒlukutu bonwu kemmo, na úbenye Unwoti Adi Kevo kammɔ anumi na ɔ́lɔ Aaron ku Miriam. Ka bálɛ bébo ni,

Bumomo Bɔka 16:25

Amu na Mose útiku Israelƒuɔ benengu na báta bésie Datan ku Abiram kudɔ.

Bumomo Bɔka 24:2

Ka Bileam únwini na ɔ́nu ka Israelƒuɔ básala lɛlɔ bélie kaba kaba kenye ni, Unwoti kɔyu kúbaƒɔ-nwu lɛlɔ kemmo,

Bumomo Bɔka 27:18

Ɔmɛni ɔsu Unwoti ɔ́su Mose ɔnini, “Ti Nun ubidi Yosua, ukyuli ɔni na mina kɔyu kɔ́ƒɔ-nwu lɛlɔ kemmo, na eti ƒula kɔnu asia-nwu lɛlɔ.

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Korintoƒuɔ 1 14:32

Bekyuli bani muudie Katɔti kenye baakana bana lɛlɔ bɔda na kenye kani na baasu kemmo.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Samuel 1 10:10

Na sɔsɔ ka bédu Gibea ni, Katɔti kenye bediene badi bábasiaku Saul. Na Katɔti kɔyu kɔ́ƒɔ-nwu lɛlɔ kemmo ƒui. Na anwu lɛnɔ úduo-ma akɔ na uubó kudu bana kalɛ.