Bumomo Bɔka 11:23 - Katɔti Ɔku Kedee

²³ Amu na Unwoti údie Mose kenye ɔnini, “Si lídie kɔnu nnii mɔɔbla lɛla lɛdi ni, bɔsɔ na mina ɔyikun ɔ́sɔ? Adubo bɔnu si lɛla lɛni na lɛ́su lɛdubo-nwu kemmo lɛni iye lilebo.”

Bumomo Bɔka 11:23 ပူးပေါင်းရင်းမြစ်များ

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Baga 2 4:43

Mmɔ na nwuna kabla ɔblane úye-nwu ɔnii, “Dɛ na ndubo ala blii amɛni buti bute nkyuli eti anyɔ nnii badi?” Nsu Elisa ɔ́su-nwu ɔnini, “Awɔ ti te bekyuli bammɔ na badi, ɔsika lɛni na Katɔti ɔɔsu ɔnini, ‘Badubɔdi na adi muedi ebu.’ ”

Baga 2 7:2

Mmɔ na ɔtɔnkune ɔni lɛlɔ na ɔga ukpo ɔ́su Elisa ɔnini, “Ɔmɛni ulakana walɛ kudii. Na ina Unwoti ɔlati ɔ́ya kakpa kána aani ɔnantu kalɛ muedi ulebo-nwu kemmo lɛni.” Amu na Elisa ɔ́su-nwu ɔnini, “Adubuti anumi anu ala ani mɔɔsu mɛni. Nsu alákɛ adila ammɔ adi aladi.”

Kɔgya 78:41

Bákɔku-nwu bánu kɔlɛ kɔlɛ na bákya anwu Israel Katɔti ɔni nse kedee ƒui kɔnyi.

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Yesaia 59:1

Bitakali bɛnii Unwoti ɔyikun ɔ́sɔ na ulakana kɔnu bunene bɔƒɔ-mii iye atu éti-nwu na ulakana na wenu bina bɔkpali.

Yeremia 14:9

Bɔsu na ada anii aaagyi eeese asa na ɔgbankpi ɔmɛni ɔ́lɛku-bu? Munuu ukpone ɔni na bényimi-nwu enu na adi? Awɔ náƒuna-bu na ƒula kakpakɔ kakya-bu kudɔ mɛni, anwuɔsu teni-bu!

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.

Yeremia 32:27

“Yeremia, ami ndi Unwoti Katɔti. Na ami mɔɔdi kayawi ƒui lɛlɔ na lɛkana na lɛbla lɛla biala na mɔɔyɔ́!

Esekiel 12:25

Ndubute-ma mina linyesia na ala ani na masu adubo bɔlɛ lɛni kani. Tɛmiku lɛsɛ bakyane bammɔ kpakplaa ka uwi údu ka bani-ma kɔtu. Ami Unwoti muusé kenye kamɛni.

Esekiel 24:14

Uwi ɔmmɔ ɔdubo ɔ́bla bi ɔ́bla dɛ! Na si úbo lɛnɔ ni, lɛɛɛdubo ɔdi biala kɔnyana kɔdi bɔnu iye lɛvumana mina kasusu lɛnɔ. Ɔdi biala ɔdubɔkɛ nwuna kɔtu bɔni na nwuna ablala kenye. Ami Unwoti Katɔti násu lɛla lɛmɛni.’ ”

Daniel 6:20

Lɛlɔ lɛɛtɔ́-nwu na ɔ́va ɔ́kpali ɔnini, “Daniel, ásiaku ƒula Katɔti kama siin, na ákya-nwu lili kalɔ uwi biala ɔni na átalɛ-nwu kama. Ɔ́kana-a budie na bagyata bammɔ enu kemmo?”

Mika 2:7

Bɛɛbu bɛnii ɔmɛni ɔɔdia bunu si beeye banini, “Unwoti uuti kɔnyi na ɔbla ala amɛni udu, na uléwi lɛlɔ na ɔkɛ kayi?” Iye Unwoti uléte bekyuli bani mɔɔbla ala ulu lɛlɔ kusɛ kusɛ uwi ndi uwi?

Bumomo Bɔka 11:22

Na si ina baƒonu ku ɔmantɛ bakɔ ɛlɛ ɛlɛ na bádu béte-ma muedi lɛna lɛmmɔ lɛdubudu-ma? Na si ketu kemmo kɔbɛ ƒui na béƒie béte-ma lɛnɔ nɔɔ ɔdubudu-ma bɔkun?”

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Mateo 19:26

Amu na Yesu ɔ́nu-ma anumi na ɔ́su-ma ɔnini, “Ɔyawine biala ulakana ɔmɛni bɔbla. Nsu Katɔti anwu ni, ɔɔkana lɛla biala bɔbla.”

Mateo 24:35

Katɔ ku kalɔ kadubɔvi, nsu mina etemila anya aaadubo bɔvi kudii.

Luka 1:37

Ɔsika lɛla lɛdi liiibo Katɔti ɔkplu.”