Bumomo Bɔka 11:11 - Katɔti Ɔku Kedee

¹¹ Mmɔ na Mose ɔ́kpali Unwoti ɔnini, “Bi ɔsu na éti etila amɛni udu ásia-mi ƒula kabla ɔblane lɛlɔ lɛni? Bi na lɛ́bla-a na útayɔ-ɔ kaƒɔ ɔsu na eti bekyuli bamɛni ƒui etila asia-mi lɛlɔ?

Bumomo Bɔka 11:11 ပူးပေါင်းရင်းမြစ်များ

Hiob 10:2

Katɔti, buvele, tadu-mi kɔtɔ. Mmomu su-mi lɛla lɛni na lɛ́bla-a na eedie-mi bɔƒiɔ.

Kɔgya 130:3

Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Israelƒuɔ Bɔlɛ 17:4

Ɔmɛni ɔsu Mose ɔ́kpali Unwoti momoomo na ɔ́su-nwu ɔnini, “Bi na ndubo bekyuli bamɛni bɔbla ɔƒɛni? Benye kagyumana ka bebo-mi atabi badu.”

Israelƒuɔ Bɔlɛ 5:22

Amu na Mose únwini úsie útákpali Unwoti na úye-nwu ɔnini, “O Unwoti, bi ɔsu na éti lɛbibo éboku ƒula bekyuli lɛlɔ lɛni? Ɔmɛni ɔsu na átala-mi?

Yeremia 15:10

Si bɔwɔ na bátawɔ-mii muedi nka mɔɔyɔ́ ɔmmɔ teetulo ƒui! Lɛsɛ lɛkya ami ku ukyuli biala ntɛ na Yuda na nkya lɛbibo kemmo uwi ndi uwi. Neeevo sika ukyuli ɔdi kudɔ iye ami livo sika lite ukyuli ɔdi. Nsu ewida enwi pɛ kani, na ukyuli biala uuwida-mi.

Yeremia 15:18

Úbile ala mina lɛlɔ na ɔ́ya na kayi kaakpulu-mi uwi biala. Adubo bɔya na mina lɛnunsia lɛyii aani ketu kani mɔɔkwii si kaƒɛndi kédu na liwulu sɔɔn nkya?

Malakai 3:14

“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala?

Bumomo Bɔka 11:10

Mose únu ka Israelƒuɔ kaduli biala bekyuli bakya beewulo adila kɔnyana kɔmɛni na bana nvo kenye. Na Unwoti úti kɔnyi kati kati ɔ́kya-ma geen, na lɛla lɛmɛni líkpoku Mose geen.

Bumomo Bɔka 11:15

Na si lɛni na adubo-mi bɔbla bɔdi ni, si áya-mi na líkpi muedi ɔdia-mi utulo si ɔ́yɔ-ɔ kaƒɔ lɛni, na taya na lisie ntásiaku mina ɔgbankpi ɔdi.”

Korintoƒuɔ 2 11:28

Na ala pii amɛni kama ni, mina kasusu kalakɛ bɔnwuna ɔ́si baƒɔtaadine akpa ani nkya ekpo ekpo ɔsu.

Lɛkpa Ulu 1:12

Nsu dɛ na wabla na ami lɛti mataatɛ bina ala ani muukpóku-mii ku unyeƒi si ɔdi ɔlɛku ɔdi?