Bumomo Bɔka 11:10 - Katɔti Ɔku Kedee

¹⁰ Mose únu ka Israelƒuɔ kaduli biala bekyuli bakya beewulo adila kɔnyana kɔmɛni na bana nvo kenye. Na Unwoti úti kɔnyi kati kati ɔ́kya-ma geen, na lɛla lɛmɛni líkpoku Mose geen.

Bumomo Bɔka 11:10 ပူးပေါင်းရင်းမြစ်များ

Kɔgya 106:25

Na bakya bana adi nvo kemmo baabla unyeƒi na ɔmɛni lɛlɔ ɔni na bétenu Unwoti lɛdi na badi-ni lɛlɔ.

Kɔgya 139:21

O Unwoti, bekyuli bani muukisi-ɔ ni, ami lɛnɔ muukisi-ma. Na bani ƒui mɔɔta tenye-ɔ lɛlɔ ni, uukpóku-mi na muukisi-ma geen.

Kɔgya 78:21

Ala amɛni ƒui áya na livo líƒi Katɔti ka únu-nya. Anwuɔsu ɔ́ya na ogya úbo úbakyula-ma na katɔ kani na nwuna kɔnyi kɔɔkɔ́ teebu na bana lɛlɔ.

Kɔgya 78:59

Na lɛla lɛni na Katɔti ɔ́nu mɛni ɔ́ya na úni nwuna kadi bekyuli Israelƒuɔ kede kede ƒui na kɔnyi kpakplaa kemmo.

Yesaia 5:25

Ɔmmɔ ɔsu na Unwoti uuti kɔnyi kpakplaa taakya nwuna bekyuli. Na ɔ́talaku kɔnu katɔ ka ɔƒiɛmi-ma ɔva kalɔ. Abi ƒui ákunku, na bani nékpi ƒui ɔlɔna uwi lilu lɛlɔ aani alakpi. Nsu ɔmmɔ ƒui útayɔ tɔ Unwoti kaƒɔ. Ɔsika ɔ́mu ɔ́tala kɔnu unye.

Yeremia 17:4

Bina kalɔ kani na líte-mii kadubɔlɛ-mii enu na líti-mii lɛbla bekyuli bamba kabla bablane na kaƒɔ, ɔsika bɛ́ya na mina kɔnyi kɔ́kɔ geen aani kalɛ na ogya ɔɔda na ukyuli ɔdi ulakana bunine.

Bumomo Bɔka 11:1

Na Unwoti únu ka Israelƒuɔ bamɛni bésie kalɔ beetemi enyekpi taasiku-nwu lɛlɔ na lɛbibo lɛni baasiáku ɔsu. Na ka Unwoti únu bana etemila ammɔ ni, úti kɔnyi kaduɛ. Na ɔkɛnku ɔmmɔ ɔsu ɔ́ya na ogya ɔ́si katɔ na úbakyula ala na bana keliekɔ mmɔ amadɔ.

Bumomo Bɔka 11:11

Mmɔ na Mose ɔ́kpali Unwoti ɔnini, “Bi ɔsu na éti etila amɛni udu ásia-mi ƒula kabla ɔblane lɛlɔ lɛni? Bi na lɛ́bla-a na útayɔ-ɔ kaƒɔ ɔsu na eti bekyuli bamɛni ƒui etila asia-mi lɛlɔ?

Bumomo Bɔka 11:9

Na si amii áyu éwi kesii kani na Israelƒuɔ belie mmɔ usien ni, na manna ɔmɛni lɛnɔ ɔ́ɔyu úbewi kalɔ.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Bumomo Bɔka 12:9

Mmɔ na Unwoti kɔnyi kúbakɔ katɔ na Aaron ku Miriam lɛlɔ, na ɔ́gyu-ma kudɔ na ɔ́tɔlɔ.

Bumomo Bɔka 16:27

Ɔmmɔ ɔsu bákpɛ bálɛ Kora ku Datan ku Abiram nvo kudɔ. Uwi ɔmmɔ ni, Datan ku Abiram ku bana beleku ku bana bebi ku bawɔ bálɛ bénye bana nvo kɔyakun kenye.

Bumomo Bɔka 21:5

Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Marko 10:14

Ka Yesu ɔ́nu lɛni ni, úbeti kɔnyi na ɔ́su nwuna batɛyane ɔnini, “Bɛya na banamu bebo-mi kudɔ, na bitetile-ma kuƒi. Ɔsika Katɔti lɛga kadikɔ kese kete bekyuli bani néboku lɛlɔ kalɔ aani banamu wɛlɛ wɛlɛ bamɛni udu kalɛ.

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.